المساعد الشخصي الرقمي

مشاهدة النسخة كاملة : قصيدة غزلية بعنوان : (( الحب الأول )) أخوكم الشاعر/علي الحبابي ((الشاعرالطرقي))


علي بن شنان الحبابي
26-10-2009, 10:38 PM
(( الحب الاول ))

هموم المـــــعـــنا ولّعت داخل الصدر=ضميره من هموم الزمن باح مكنونه
وأنـــــا والله إنّي ماأقبل الضيم والغدر=ومهما جرى نفسي عزيزه ومصيونه
صبـــــور على صكّات الايام والقدر=وفرقاء وليـــــف حالوا الناس من دونه
أبـــــو وجنــــة بيضاء مثل شعّة البدر=و حـــــجّـــانه الثنتين قوسين مقرونه
وتفـــــــــاحتين بيض في مقدم الصدر=ولـــبّة وردف وخصر والخد وعيونه
يا سبحان من سوّاه هرجه عسل سدر=وســـاوى جديل يكسي الردف ومتونه
بعــــــد غيبته ومفارقه صابني كدر=وقلبـــي من اللوعات يا مكثر حزونه
ولـــــيف شبيهه فــي جميع البشر ندر=غــريب بكل الوصف في شكله ولونه
لو يشوفه الميلاف يا أهل الهوى خدر=مــصيبة لـــو إن الناس مثلي يشوفونه
أحـــبّه وحـــبّه فالحــــشا عالي القدر=أحــــــــبّه ونـــفسي فيه شفقه ومجنونه
أنـــا أسست جدر البيت لايهدم الجدر=بنيته عسى المجــــمول ما يهدم ركونه
عسى إن السحاب اللي بروقه سرت حدر=على دار ملهوف الحشا يرخي مزونه
كـــلام سمعته منه فـــي غيبته صدر=مسامح عليه وعارف ويش مضمونه
تـــرى من ورد عـــدّ المحبين ما صدر=بيتعب ويشقى و الله يكون في عونه
وخبيث النوايا لــو بذل جهد ما قدر=يا ليته مثل ما قيل يمشي على هونه
عسى الحب الأوّل بينا ما مضى هدر=وعسى الزين يفهم زبدة الهرج ويصونه[/poem][/poem]الشاعر/ علي الحبابي
(( الشاعر الطرقي ))

محمدبن عبيان الفهري
26-10-2009, 11:18 PM
ارررررررررحب يالطرقي

صح اللسانك مددبلاعدد فالله درررررررك على هالشامخه بشموخك يالقرم واشهد بالله انها قصيدة

وافيه من شاعررررجزل وافي وانت يالطرقي كفو كفو كفو كفو كفو ،،،،،،،،،،،،،

تقبل تحيلتي

اخوك/محمد بن عبيان الفهررررررررري

علي بن شنان الحبابي
27-10-2009, 11:26 PM
الاخ العزيز/ محمد بن عبيان
الله لا يهينك على المرور
والله يبيض وجهك ويجمل حالك

ولا عليك زود

تقبل تحياتي

عامر الوهابي
27-10-2009, 11:49 PM
خطيرررررررر يالطرقـــــــــــي

بيض الله وجهك على القصيدة الجزلة وعلى هذا الوصف والتشبيه النادر
من نوعه والله يبعد من حال من دونك ....

.لا عدمتك يابو صالح وتقبل مروري

رائد نملان الحبابي
28-10-2009, 10:40 AM
ياسلام ياسلام

ياالطرقي

صح الله السانك وننتظر ابداعاتك ..

علي بن شنان الحبابي
28-10-2009, 04:10 PM
الاخ عامر والأخ رايد
االلله لا يهينكم جميع
على المرور

تقبلوووووووووووا تحياتي

محمد بن مسفر بن جليد
13-12-2009, 05:35 AM
سلمت يآعلي ع القصيـد الزيــن . .


عنـدي لك ملاحــضه ع البيت الخامس

وتفاحتين بيـض فـي مقـدم الصـدر ولبّة وردف وخصـر والخـد وعيونـه

ـالبيت مكـرر .. لو أنـك قلت :

عليـك الله أكبـر يآهـوى النــود وش بـدر &&& عسى مارماك اللي رماني من عيونــه . .

كـآن أصبحت متكآمــله . . وتقبل ملاحضتي ولك جزيـل الشكرررر ...

علي بن شنان الحبابي
30-12-2009, 10:51 PM
مشكورين على المرور

والله يعطيكم العافية

ولاهنت على الملاحظة

يا بن جليد

عبدالله فراج العلياني
31-12-2009, 12:27 AM
ترى من ورد عدّ المحبيـن مـا صـدر بيتعب ويشقى و الله يكون فـي عونـه
وخبيث النوايا لو بذل جهـد مـا قـدر يا ليته مثل ما قيل يمشي علـى هونـه

صح السانك يالحبابي تعبير شاعر من مشاعر صادقه

اشكرك بعنف يالطرقي تقبل

تحيااااااااااتي

علي بن شنان الحبابي
04-01-2010, 12:31 AM
االاخ الشاعر عبدالله العلياني

عاصي الشعراء

لاهنت على المرور على القصيدة

شرفتني والله يعطيك العافية

تفبل تحياتي

غشام ال مهدي
04-01-2010, 11:16 AM
صح لسانك على هذي القصيده الطيبه والطيب مايستغرب من هل الطيب 0


مع تمنياتنالكم بالتوفيق 0

ابن هجار ال سبعان الخنفري
05-01-2010, 11:49 AM
مشاعردفاقه واحساس شعري راقي

صح لسانك شاعرناعلي هل قصيده

خالد بن محمد بن قربع
05-01-2010, 01:26 PM
صح لسانك وبيض الله وجهك قصيده وافيه ما عليها هرج

علي بن شنان الحبابي
05-01-2010, 11:30 PM
الله لا يهينكم جميع على المرور على القصيدة

وهذا شرف لي بيض الله وجيهكم


تقبلوا تحياتي وتقديري

أخوكم "الشاعرالطرقي"

صالح جواح
06-01-2010, 01:56 PM
صح لسانك يابو صالح . قصيدة رائعه جدا
زمان ماشفناكم يا أهل الامواه

علي بن شنان الحبابي
09-01-2010, 03:19 PM
الله لا يهينك طال عمرك على ا لاطلاع
على القصيدة شرفتني بمرورك
الله يبيض وجهك

تراني ما عرفتك يا صالح-
يا ليت تذكرني من انت ؟
ضروري ضروري جدا جدا


تقبل تحياتي وتقديري

صالح جواح
10-01-2010, 11:15 PM
أنا يابو صالح
الاستاذ / صالح ظافر القحطاني
معقول تنسى ستاذك في الامواة

علي بن شنان الحبابي
11-01-2010, 01:14 PM
مرحبا يا ابوظافر و مسهلا

لا والله إنك على البال دايم وعلومك غانمة طال عمرك
وأعذرني ما عرفتك لأن اسمك المسجل به
في آخره اسم غريب علي وهو"جواح"
ولكن بعد ما علمتني عرفتك والصورة أكبر
دليل على ذلك

ارحب يا أبوظافر جزال التراحيب ***** يا مرحبا يابن الرجال القرومي
لاهنت ياراع الوفا كاسب الطيب ***** ما هي غريبة ياقوي العزومي

بينا تواصل يا أستاذ صالح ان شاء الله عن قريب
ضروري ضروري جدا جدا وانا أبغى رقم جوالك


والله لايهينك على المرور على قصيدتي وافي
يا ابوظافر الله يبيض وجهك


تقبل تحياتي وتقديري

علي بن شنان الحبابي
04-02-2010, 04:00 PM
وين أنت يا أبوظافر ما عاد جاء لك صوت

تحياتي