المساعد الشخصي الرقمي

مشاهدة النسخة كاملة : (( كبش الفــــــــــــــــــــدا ))


معيض بن دشن
25-10-2009, 01:35 PM
البارحه ضاقت علي الأرض من كل إتجاه= قمت أجذب الونه ورا الونه ونا مالي جدا
العين تذرف دمعها والقلب جاه اللي كفاه= خطر(ن) عليه يطير من بين الحنايا لقردا
يسريبي الطارئ واسابر كل نجم فـي سماه= تزيد نار الهاجس اللي طول ليله ماهدا
اشوف لي فالوقت هذا شي متعدي مداه=بس الزمن عيا وعاند كل ما اعطيته مدا
جانا زمان يشّيب الطفل الصغيّر في رباه=والمشكله حنا غدينا للغزو كبش الفدا
يالله صبرني على هذا الزمن واللي وراه=مغيرك احد(ن) يا إله الكون نرفع له ندا
اصبر واصابر كن ماني بسمع الصوت وصداه= وانادي بصوتي لكن الصوت ماجاله صدا
ياعزوتي يابو(معيض)الهم واصل منتهاه=هذا زمانٍ كثر فيه أهل الفتن وأهل الردا
العين شافت جيل يارجال ماشي في عماه=كل الجهود تضيع معهم يالله الخيره سدا
إن قلت له عان الطريق الصح لقاني قفاه=شبحه قريب والمدا ماهو بيبعد فالمدا
جيل مخالف نهجنا واللي يشد الانتباه=خالف حياته والعشى فالليل سماه الغدا
مايدري انه هادم بيت المعزه ما بناه=والمرجله ظلع صعيب مثل ظلعان الهدا
لي نظرة ياخوي في الرجال واعرف ماوراه=والذيب ذيب(ن) بينٍ لامن عوا ولا عدا
فقد الرجال اللي معرفتهم على الدنيا غناه=فيهم من الابطال يجلى الهم لامنه بدا

الظور
25-10-2009, 03:45 PM
الرد مني بيتين

يامعيض ابن دشن الصبر محمود (ن) رجاه ---------------- اقبض على جمرتك بيمينك ولاتعلم حدا

الاش يفتل بشنبه ومن اول يوخذ عشـــاه ---------------- والحصني المحتال خالطنا ولا قلنا بدا

اشكرك

على جزالة القصيده

فنت جزل بالفعل والقصيد يابو دشن

تقبل مروري