المساعد الشخصي الرقمي

مشاهدة النسخة كاملة : وجــــهـــت من ضــيـقـة ٍ بالصدر عـــصـريّة


شجاع عمر الأكلبي
24-09-2009, 08:02 PM
أرحبوا يارجال


وعيدالله عليكم مبارك وكل عام وأنتوا إلى الله أقرب








وجّهت من ضيقة ٍ بالصدر عصريّة=أدور علاجها في صحصح ٍ خالي

من فوق شاص ٍ من خيار البريميّة=شاريه من حُر مالي نقد بريالي

ماجا عطيّة ولا من الغير عاريّة=ومن الشحاذة وأهلها تكرم سبالي

وجهتبه والتوانك فل ممليّة=ومكمل ٍ عزبتي بالمر والحالي

وعن البشر رحت في دار ٍ خلاويّة=وأبعدت عن ذبذبة الإرسال جوّالي

أبعد عن أهل النمايم والنقيليّة=ضعوف الأنفس وراع القيل والقالي

ووقفت في ديرة ٍ بالوبل مسقيّة=على يميني الضنط والباطن شمالي

وشبيت ضوّي لكيف الرأس بريّة=ضو ٍ حطبها حطبته جزل وجلالي

ونزّلت لي من خيار الفرش زوليّة=وفرشتها عكس صفق الساعر الصالي

والشنطة اللي لحفظ أشياي مشريّة=الكيف فيها وفيها كل معمالي

وقننت ماء دلتي في وسط خمريّة=من صنع بغداد جت مع من جلبهالي

وجذبت جمر ٍ من أسفل ضوّي الحيّة=وفرشته لدلتي تقطع بالإمهالي

ودنّيت نجر ٍ قديم ٍ صنع سوريّة=لاسمعه اللي حزين يون ويلالي

ودقيت به قفرة الكيف الخليطيّة=مابين هيل ٍ وعود وقرف سنغالي

وقربت من تمر بيشة نوع صفريّة=وقدعت سبع وعددها وتر فنجالي

وبعد العشا طاب لي لعب الهجينيّة=ألاعب القاف من جزلات الأمثالي

ذي ونستي لاحصل بالصدر تكيّة=أروح في صحصح ٍ ماغير أنا لحالي

تحتدني للخلا نفسي الشقاويّة=واللي بينقد عليّه ماله ومالي


الضنط المذكور بالقصيدة جبل علم يقع في المهمل بين بيشة ووادي الدواسر

العبدي
24-09-2009, 08:55 PM
صح الله لسانك يا شجاع

ما نستغني عن مثل ذي القصايد

أشكرك ع المشاركة

عايض الفهري ابوبندر
24-09-2009, 11:56 PM
صح لسانك




لاهنت


يعطيك العافيه

تحياتي

شامانـ العاطفي
25-09-2009, 01:26 AM
ارحب يالأكلبي

وصح لسان قصيدة رايعة

وتقبل مروري

عبدالله بن غفره
25-09-2009, 03:19 AM
ارحب يابوعمر

وصح الله لسانك

مبدع هنا وهناك
ونطمع في تواصل مستمر


اخوك

متعب الضيغمي
25-09-2009, 10:01 AM
صح لسانك....وبيض الله وجهك.......شاعر جزل

رائد الكيرعاني
26-09-2009, 01:44 AM
ارررررررررررررررررررررررررررررررررررحبو يا رجاااااااااااااااااااااااااااااااااااااااال اررررررررررررررحبو


يالله حي ابو عمر


اررحب اررحب تراحيب المطر

والله يحيك بين اخوانك في شبكة قحطان

وانت مكسب طال عمرك

وصح لسانك ملااااااين

وانا متابعك

لا تقطعنا من جديدك

تقديري

صيد الخاطر
26-09-2009, 10:08 AM
بارك الله فيك ..

ذيب الحميداني
10-10-2009, 06:52 PM
مشاركه جميله


تقبل تقديري

علي بن شبله
13-10-2009, 10:21 AM
صح لسان الشاعر مشاركة طيبة

وتقبل مروري

محمدبن عبيان الفهري
13-10-2009, 11:10 AM
اررررررررحب يالأكلبي

صح السانك على هالقصيدة المرصعه بالذهب والألماس تكفى لاتحرمنا جديدك الله لايحرمك الجنه


تقبل شكررررررررررري وعرفاني


محمد بن عبيان الفهرررررررررري

شجاع عمر الأكلبي
11-09-2010, 11:11 PM
صح الله لسانك يا شجاع

ما نستغني عن مثل ذي القصايد

أشكرك ع المشاركة


صح بدنك يالعبدي

الله يطول عمرك على كلامك الذرب

لاهنت

ابن سراع القحطاني
11-09-2010, 11:37 PM
صح لسانك مليار يبو عمر


تقبل المرور

صالح حسن الكيرعاني
13-09-2010, 12:01 AM
صح الله لسانك يا الاكلبي واعتلى شانك


قصيدة جزله ومليانه وعزالله ان كني مخاويك على الباب الايمن



ونحن هنا ننتظر جديد مثايلك

تركي المهداني
13-09-2010, 08:19 AM
صح لسانك