المساعد الشخصي الرقمي

مشاهدة النسخة كاملة : ارررررررررررحب ملايين


عوض بن شفلوت المناديه
30-08-2005, 03:46 AM
ارررحب ملايين



اتهم حبيبي ويطلع مني مبرا=وأنا ادري انه يبديني على عمره
ان كان حكمت لا دبل ولا ثرا=وان كان زمجرت جاني مسلم (ن) أمره
وان جاء يعاتبني اتحرج ولا تجرا=يخجل ويغشاه من كثر الخجل حمره
يا لبى والله ذيك الوجنه الغرا=وذيك العيون الوساع اللي شربت سمره
وذيك الثنايا الرهاف الكمل الدرا=وذاك الجديل اللي توصف به الخمره
ان غاب عني جلست لحالي اتحرا=ادرج السبحه مكني على جمره
وان دق جوالي اخمه ولا اتورا=ةاناظر الاسم والا آخر النمره
اليا طلع غيره انسى عنه واتبرا=من العالم اللي ما اوطي منهم الشمره
واليا طلع هو ارحب والعن ام الرا=ارررررحب ملايين لو الارض مندمره
أقوم من مجلسي واكلمه برا=واقول يا والله اللي زانت السمره
احساسنا مع بعضنا دايم معرا=وان جيت ابنهي حديثي جاتني غمره
اتقول جوالي بقوس اذني مغرا=اطمر (توصيني بخدمه ) مية طمره
كنه بتاريخ اساطير الهوى مقرا=متصفح (ن) ذكرهم زمره ورى زمره
وكنه بديرة عيال الشايب مذرا=لو كان ما داج من صبحا ليا الحمره
ما هو على الكذب لا مدرس ولا مضرا=بالعكس كنه من أهل الحج والعمره
يزعل واراضيه لو تلحقني الضرا=حتى يروح الزعل ويبادر بضمره
ان قلت مره يجاوبني بدلع مرررررررا =وليا زمر ما تليق بشكله الزمره
يا لبى والله ذيك الوجنه الغرا=وذيك العيون الوساع اللي شربت سمره
وذيك الثنايا الرهاف الكمل الدرا=وذاك الجديل اللي توصف به الخمره





عوض بن شفلوت المناديه

فارس قحطان
30-08-2005, 07:53 AM
السلام عليكم ورحمة الله وبركاته


صح لسانك يابوعبدالرحمن
لاجديد لا جديد

قصايدك دايم مميزه
وقافيه رووووعه

قصيده غزليه من الطراز الأول



أقـوم مـن مجلسـي واكلمـه بــرا=واقول يا والله اللـي زانـت السمـره
احساسنـا مـع بعضنـا دايـم معـرا=وان جيت ابنهي حديثي جاتني غمـره
اتقول جوالـي بقـوس اذنـي مغـرا=اطمر (توصيني بخدمه ) ميـة طمـره

ابن وهف
30-08-2005, 08:40 AM
مشكور على القصيدة الطيبه

محمد بن جفين
30-08-2005, 09:17 AM
عوض بن شفلوت
الله عليك
مبدع في جميع الاغراض

قصيده جزله ووافيه
صح لسانك ملايين
والله لا يهينك
ولا تحرمنا من جديدك

سلطان العبيدي
30-08-2005, 12:45 PM
صح السانك على هذه القصيدة الجزلة وبيض الله وجهك ولا تحرمنا من جديدك

عبدالله المهداني
30-08-2005, 06:47 PM
من طول الغيبات جاب الغنايم
بيض الله وجهك يابوعبدالرحمن وجمل الله حالك
صح لسانك وعلى شانك
ولا تحرمنا من ابداعك

تقبل تحيات متابعك
اخوك المهداني

بارق الشرق
31-08-2005, 01:59 AM
قصيدة جميلة وغير تقليدية في معانيها وقافيتها

في انتظار جديدك

والقادم أحلى إن شاء الله

تركي الفهري
05-10-2005, 01:46 AM
صح لسانك ياعوض بن شفلوت

قصيده جزله يالجزل

عطاالله مطيع ال كناد
05-10-2005, 10:39 PM
لاهنت يا بو عبدالرحمن وبيض الله وجهك على القصيده الزينه وقول لك انك اطلق شاعر شافته عيني يا صبي قحطان

ابن هملة
06-10-2005, 05:43 AM
السلام عليكم

صح لسانك وسلم بنانك

والله لا يهينك

قصيدة جزلة خفيفة تحمل من الصدق والواقعية ما يستحق ان يذكر

وتستاهل يا ابو عبدالرحمن اني اوقف واضرب لك تحية على ما ابدعت بة............................


وتقبلوا فائق تحياتي


اخوك/ابن هملة

بليهان
07-10-2005, 06:41 AM
عوض شفلوت موجود.. اكيد انا في الموعد..

شاعر رائع ومبدع..

بس مشكلته مثلي تماما يكتب قصيده في المنتدى ثم يطس ههههههه ..

...بس الصراحه شاعر رائع ومبدع الله يوفقه..

آل معمر
07-10-2005, 03:25 PM
ماشاء الله يا عوض

قصيده طيبه ومعانيها جزله

ألف شكر لك

عوض بن شفلوت المناديه
08-10-2005, 12:24 AM
الاخ العزيز / فارس قحطان



اررررررررررحب ملايين يا الذيب



والله لا يهينك على المرور المشرف




لا عدم ولا خلا

عوض بن شفلوت المناديه
08-10-2005, 12:25 AM
الاخ / ابن وهف


حياك الله ولا هنت

قحطان
08-10-2005, 02:33 AM
تسلم يابو عبدالرحمن ولاهنت يالغالي

عوض بن شفلوت المناديه
07-03-2006, 01:27 PM
محمد بن جفين


صح بدنك يالغالي


ولا عليك زود يا سنايدي

عوض بن شفلوت المناديه
07-03-2006, 01:29 PM
الغالي سلطان العبيدي


صح بدنك


والله لا يهينك



على مـــروووورك الجميل

عوض بن شفلوت المناديه
09-03-2006, 06:45 PM
عبدالله المهداني



صح بدنك


ولا هنت يالغالي

عوض بن شفلوت المناديه
09-03-2006, 06:46 PM
الغالي


باااارق الشرق


صح بدنك


ولا هنت على مرورك



الجميل