المساعد الشخصي الرقمي

مشاهدة النسخة كاملة : يالله عسى من لامني فـ/ حب قحطان .. !!


عايض المقاطي
04-05-2009, 02:19 PM
بعد السلام عليكم جميع .




,,










يالله عسى من لامني فـ/ حب قحطان=يصبح علاه الصبح والضيم حاديه
حتى يعرف إن الرياجيل أحيان=أطيبهم اللي لا قسى الوقت يجفيه ..!
ويا لايمي في حب الأجواد غلطان =ترى الذهب معروف غشه وصافيه
أحبهم وأهرج بهاا سر واعلان=حب النقا ماني عن الناس مخفيه
قبيلةٍ يهذي بهاا كل ميدان=شف الغريم اللي تهاوت عزاويه
أرررحب هلا حييت من منطق لسان=زين النبا يا حي من هو يحييه
فزعاتهم لا ثور الجيش دخان=لو يعترض سنجار ما تبتلش فيه
الله خلقهم للمواقيف عنوان=أقرا وغيري فالمخاليق قاريه
عدٍ يصدر وارده عنه ضميان=وعدٍ قبل يارد على الجال يرويه
وفزعة "بني قحطان" من غير تبيان=منهم سقاا هداج تيما ضواميه
سبحانه اللي شمخ الطيب سبحان=كنه على قحطان شيد مبانيه
واللي يبا ياخذ على القول برهان=شطرٍ وسمته من حلالي وأبا أبديه
ينشد ليا منه وصل آل سفران=عن موفي الحاجات مكرم عوانيه
عبدالله اللي مرتكز بين سلطان=اسمٍ قدم واسمٍ على العز تاليه
ويعاين المقصود كله على شان=أما قنع بالقول شوفه يقديه
هذا وأنا من مزبن الجود عتبان=قومٍ لهم في سلم المجد عاليه
وقفاتهم يرجح بها كل ميزان=بأدنى جهدهم يبلغ العلم قاصيه
ذباحة الحايل وللعرف بيبان=لطامةٍ يا ويل من هو تعاديه ..!
ورثة أبو عن جد عن جيل جدان=عاداتهم ما هيب سمي واسميه
العام حنا والقحاطين عدوان=واليوم كلٍ له رفيقٍ يخاويه
ولا ياصل المرقاب من غير جنحان=طيرٍ بدا .. لو قيل زانت مواريه
"وما قل دل وزبدة الهرج نيشان" =بيتٍ على راكان بأختم وأغنيه
ويالله عسى من لامني فـ/ حب قحطان=يصبح علاه الصبح والضيم حاديه

عبدالعزيز بن عشق بن شفلوت
04-05-2009, 02:34 PM
صح لسانك ياعايض

والقصيده جزله ومن رجال جزل

تقبل مروري
وشكرااااااا

مضواح بن جابر
04-05-2009, 09:41 PM
عايض المقاطي



صح لسانك مليييارات


تقبل مروري ياالغالي



تحياتي

مشاري بن نملان الحبابي
04-05-2009, 10:59 PM
أرحب يا المقاطي ..

صح الله لسانك ..

قصيدة جزلة من شاعر جزل ...

ما عليك زووود يا عايض ..

ومليون نعم بقبيلة عتيبة ..

ومليون نعم بالشيخ عبدالله بن سلطان بن سفران شيخ الخنافر ..

لاهنت .. وفي انتظار ما تجود به قريحتك من مثايل ..

وتستاهل سمعة ..

أخوك/ مشاري بن نملان الحبابي

بحر
05-05-2009, 04:08 AM
صج لسانك ياعايض

والله يديم العز من بين الاخوان

جمل الله حالك ولاقلت الا الحقيقه وقحطان وعتيبه

اشهر من نار على علم

ونعم بك وبربعك وجميع القبايل حقها فيها

لاهنت وتقبل تحيات بحر

سعيد الجهيمي
05-05-2009, 10:32 AM
ارررررررررررررررحب يا المقاطي

والله يحييك في محلك الثاني

وصح الله لسانك واعتلاء شانك

وانت كفو وربعك كفو والممدوح ابن سفران يستاهل الطيب

والله يجمل حالك ولا يهينك
والله يديم المحبه بيننا


وننتظر جديدك وتواصلك يا الذيب

نايف بن جليد
05-05-2009, 12:31 PM
صح الله لسانك

خليل الجروي
06-05-2009, 06:41 AM
ارحب تماتيك يا عتيبي وما عليك زود وما يستغرب الطيب منك وانت عتيبي والله لا يهينك


وصح لسانك

أبــومبارك الـعـابسي
06-05-2009, 09:40 AM
والنعم بك وبربعك عتيبة يالمقاطي

قصيدة رائعة

مشكور يالغالي وتقبل تحياتي

شامانـ العاطفي
09-05-2009, 06:10 PM
صح لسانك يا عايض

وما عليكم زود

عايض المقاطي
12-05-2009, 11:48 AM
صحت أبدان الجميع ولا خلا ولا عدم ..

بندر الضيغمي العبيدي
12-05-2009, 02:34 PM
بيض الله وجهك يالمقاطي

راعي المصنه
20-05-2009, 02:48 AM
ينشد ليـا منـه وصـل آل سفـران = من موفي الحاجـات مكـرم عوانيـه
عبدالله اللـي مرتكـز بيـن سلطـان = اسمٍ قـدم واسـمٍ علـى العـز تاليـه


ارررررررررحب يا عايض
والله يجمل حالك
قصيده تنم عن شاعر وافي وفحل
ويستاهل الامير الدكتور عبدالله ابن سلطان ابن سفران

عامر الوهابي
25-05-2009, 09:23 PM
أرحبوااااا يالمقاطي والله يحييك

وصح الله لسانك وماعليك زووود

يالغالي .....تقبل مروري....

عايض المقاطي
18-12-2009, 05:01 PM
حياكم الله جميع ولا خلا والله ولا عدم يا عيال العود ..

عبدالله فراج العلياني
18-12-2009, 05:25 PM
ارررررررررررررررحب ياعايض المقاطي صح السانك ومرحبابك بين اخوانك

ولنعم فيك وفي ربعك عتيبه هل الطالات ومدحك في ابن سفران يستاهل الطيب

شيخ من اشيوخنا وعلم من اعلامنا وحنا ربعه وبني عمه ورق سنووووود

والمستحيل مايكود بأذن الله من لفانا وجب حقه علانا ولك من اغلا تحيه وتقدير

فيصل عبدالله فراج لعلياني
18-12-2009, 05:42 PM
صح السانك وعلا شانك

فيصل عبدالله فراج لعلياني
18-12-2009, 05:46 PM
ارررررررررررررررحب ياعايض المقاطي صح السانك ومرحبابك بين اخوانك

ولنعم فيك وفي ربعك عتيبه هل الطالات ومدحك في ابن سفران يستاهل الطيب

شيخ من اشيوخنا وعلم من اعلامنا وحنا ربعه وبني عمه ورق سنووووود

والمستحيل مايكود بأذن الله من لفانا وجب حقه علانا ولك من اغلا تحيه وتقدير


يبوي الله يهديك لا تستعل والموضوع قديم جدااااااااا

ونت حضرت فورا ا علانه توه جديد الله يحييك

اولدك فيصل