علي السعدي
14-10-2008, 01:33 PM
ليا جات الصدور ورود وان جات الورود صدور = ارحـب واتهيـا واخـذ مـن الوقـت لـذاتـه
اجر الصوت واغني على المنكوس والمجـرور = ولا ادري هو طرب والا عنـا قلبـي ووناتـه
انا طبعي كذا ليزاد هاجوسـي وضـاق الـزور = اخلـي ريشـة الفنـان تلعـب فـوق لوحاتـه
وابادل من يبادلني على نفـس الشعـور شعـور =وليقفا المقفـي مـا رجيـت احسـان نظراتـه
ولا استر ما نكشف ولا اتحرّا كشفـة المستـور = ولا ادوّر لهفـوات الرفيـق و صيـد غـراتـه
وانا ماني على خوة ضعيـف الرابعـه مجبـور = قليل الجهد جهـده فـي المقفـي تقـرع لهاتـه
و ليجا في المواقف والمحاضر ما يسـد الشـور = يروغ و ينقلـب ويبـان لـك مكنـون غاياتـه
عساه إفدا الرفيق الصادق اللي معدنـه مخبـور = سنادٍ مااختلـف عـن لازمـه رايـه ووقفاتـه
هذا مثل العلاج اللي وصفـه و قالـه الدكتـور = يجـي عنـد اللـزوم يعالـج العلـه بحبـاتـه
تموج بنا صواديف الليالي مثـل مـوج بحـور = ومـن موجاتهـا مـا حقـق الرجـال رغباتـه
تعلمنـا واخذنـا مـن تجاربنـا لنـا دستـور = ودولاب الليالـي تكشـف المجهـول دوراتــه
صحيح ان فيه حمل ظهور لكن فيه حمل صدور = ومن حمل الصدر يشكي الظهر من ظيم فقراتـه
الا يالله ياللـي بيـدك ايـام السنيـن تــدور = طلبتك بالستيـره دام بـه فـي النـاس شماتـه
انا ماني بكامل وانت عفـوك يجبـر المكسـور = وتعلم يـا الهـي بـوح قلـب العبـد وسكاتـه
اجر الصوت واغني على المنكوس والمجـرور = ولا ادري هو طرب والا عنـا قلبـي ووناتـه
انا طبعي كذا ليزاد هاجوسـي وضـاق الـزور = اخلـي ريشـة الفنـان تلعـب فـوق لوحاتـه
وابادل من يبادلني على نفـس الشعـور شعـور =وليقفا المقفـي مـا رجيـت احسـان نظراتـه
ولا استر ما نكشف ولا اتحرّا كشفـة المستـور = ولا ادوّر لهفـوات الرفيـق و صيـد غـراتـه
وانا ماني على خوة ضعيـف الرابعـه مجبـور = قليل الجهد جهـده فـي المقفـي تقـرع لهاتـه
و ليجا في المواقف والمحاضر ما يسـد الشـور = يروغ و ينقلـب ويبـان لـك مكنـون غاياتـه
عساه إفدا الرفيق الصادق اللي معدنـه مخبـور = سنادٍ مااختلـف عـن لازمـه رايـه ووقفاتـه
هذا مثل العلاج اللي وصفـه و قالـه الدكتـور = يجـي عنـد اللـزوم يعالـج العلـه بحبـاتـه
تموج بنا صواديف الليالي مثـل مـوج بحـور = ومـن موجاتهـا مـا حقـق الرجـال رغباتـه
تعلمنـا واخذنـا مـن تجاربنـا لنـا دستـور = ودولاب الليالـي تكشـف المجهـول دوراتــه
صحيح ان فيه حمل ظهور لكن فيه حمل صدور = ومن حمل الصدر يشكي الظهر من ظيم فقراتـه
الا يالله ياللـي بيـدك ايـام السنيـن تــدور = طلبتك بالستيـره دام بـه فـي النـاس شماتـه
انا ماني بكامل وانت عفـوك يجبـر المكسـور = وتعلم يـا الهـي بـوح قلـب العبـد وسكاتـه