عبدالله المشعلي
31-05-2005, 12:43 AM
المعرفة تلزم وجيه الرجاجيل=والعذر ما يملا بطون الرجالي
وهذا المثل ينقله جيل بعد جيل=بالماضية والمقبلات التوالي
وأشر عقال العرب والمهابيل=اللي جمع بين العقل والهبالي
رجل غريب أطوار بالفعل والقيل=يلعب على الحبلين ولا يبالي
نوب مع العقال ويسرج الخيل=ونوب تقول انه من العقل خالي
وان شاف بيبان الجهالة مقافيل=قام يتظاهر بالعقل والكمالي
وان شاف له على الجهالة مداخيل=يدخل مداخيل الجهل والخمالي
تلقا عليه من الدلايل دواليل=( ثلاث ) شارات على ما بدالي
الأولة دايم قليل المحاصيل=يقصر عن الطولة قصير الحبالي
والثانية يعدل عن الحق ويميل=ما يأمنه حتى الرفيق الموالي
والثالثة عايش بهم وغرابيل=تصفق به الدنيا على كل جالي
وهذا أشر الخلق جملة وتفصيل=منبوذ بين الناس في كل حالي
عبدالله المشعلي
وهذا المثل ينقله جيل بعد جيل=بالماضية والمقبلات التوالي
وأشر عقال العرب والمهابيل=اللي جمع بين العقل والهبالي
رجل غريب أطوار بالفعل والقيل=يلعب على الحبلين ولا يبالي
نوب مع العقال ويسرج الخيل=ونوب تقول انه من العقل خالي
وان شاف بيبان الجهالة مقافيل=قام يتظاهر بالعقل والكمالي
وان شاف له على الجهالة مداخيل=يدخل مداخيل الجهل والخمالي
تلقا عليه من الدلايل دواليل=( ثلاث ) شارات على ما بدالي
الأولة دايم قليل المحاصيل=يقصر عن الطولة قصير الحبالي
والثانية يعدل عن الحق ويميل=ما يأمنه حتى الرفيق الموالي
والثالثة عايش بهم وغرابيل=تصفق به الدنيا على كل جالي
وهذا أشر الخلق جملة وتفصيل=منبوذ بين الناس في كل حالي
عبدالله المشعلي