المساعد الشخصي الرقمي

مشاهدة النسخة كاملة : أشر الخلق


عبدالله المشعلي
31-05-2005, 12:43 AM
المعرفة تلزم وجيه الرجاجيل=والعذر ما يملا بطون الرجالي
وهذا المثل ينقله جيل بعد جيل=بالماضية والمقبلات التوالي
وأشر عقال العرب والمهابيل=اللي جمع بين العقل والهبالي
رجل غريب أطوار بالفعل والقيل=يلعب على الحبلين ولا يبالي
نوب مع العقال ويسرج الخيل=ونوب تقول انه من العقل خالي
وان شاف بيبان الجهالة مقافيل=قام يتظاهر بالعقل والكمالي
وان شاف له على الجهالة مداخيل=يدخل مداخيل الجهل والخمالي
تلقا عليه من الدلايل دواليل=( ثلاث ) شارات على ما بدالي
الأولة دايم قليل المحاصيل=يقصر عن الطولة قصير الحبالي
والثانية يعدل عن الحق ويميل=ما يأمنه حتى الرفيق الموالي
والثالثة عايش بهم وغرابيل=تصفق به الدنيا على كل جالي
وهذا أشر الخلق جملة وتفصيل=منبوذ بين الناس في كل حالي

عبدالله المشعلي

خالد آل مطرف العاطفي
31-05-2005, 01:13 AM
صح السانك صح السانك
ياعبدالله وعشت
قصيده جزله جزله ...تدل على جزالة قائلها
عشت والله ياعبدالله عشت ...
يعطيك العافيه على المشاركه الجزله
وتقبل تحيات اخوك
خالد

المعمري
31-05-2005, 02:21 PM
أرحب أرحب أرحب أرحب


صح السانك يا عبدالله وتسلم يمناك

تركي الفهري
02-06-2005, 04:20 PM
صح لسانك ياعبدالله المشعلي
قصيده جزله .... وعشت وعاشت ايامك