المساعد الشخصي الرقمي

مشاهدة النسخة كاملة : صووووت....و....صددددى........(1)


ذيب الحميداني
25-12-2007, 07:36 PM
بسم الله الرحمن الرحيم

هذه الابيات مسنده للأخ الشاعر/ عبدالله بن حامد الجذع , ويأتي بعدها رده عليها...

أتمنى ان تحوز على رضى الجميع:



واطيري اللي راح تومي سبوقه=مدري ملل ولا حداه العسامي
له مخلب ٍ حد ٍ كبار فتوقه=حرن قطام من سلالة قطامي
من عصر لين الصبح بين شروقه=يحرم على جفني لذيذ المنامي
ارجي ونفسي مايست من لحوقه=وآصيح والوّح بروس الزوامي
لكن شلع والريش الاشقر يسوقه=مدري يمن ولا عطا الدرب شامي
والله مابيعه ولو غلي سوقه=لو كان بكنوز الجزيره يسامي
لكن تركني والكنان امحروقه=وانا مايلحقني بقدره ملامي
قلبي على لقياه يزداد شوقه=والحلم عند امفسرين الحلامي
الله عن الصيد الكفو لا يعوقه=غالي لو ان طرد المقفي حرامي
ان كان تالي الحظ جتبه وفوقه=ولا على الدنيا واهلها السلامي
طيري يابو حامد ماتجهل طروقه=وانا انتظرك ترد عنه العلامي


وهذا رد الشاعر عبدالله الجذع:


أهلا هلا والخير لاحت بروقه=ترحيبة ٍ تقري رفيع المقامي
الشاجع اللي تارد الما عروقه=لي صدّروا دنعين الاريا ظوامي
جزل ٍ على الجزلات طوق بطوقه=واحمى عليهن لين جت باحترامي
يقطف زهر ماهو بخبل يحوقه=لو بعض الاحيان ايتعدا النظامي
ياذيب كل يلتزم في حقوقه=لو كان قصدك يابن الاجواد سامي
ان كان تنشد والضماير صدوقه=اخذ الكلام اللي يكفّ الكلامي
طير السعد ياذيب هذي فروقه=ماهوب للملواح والا الحمامي
عينه على رجم ٍ مذبه يروقه=لو عجزوا اللي قصّروا قبل عامي
ماهمّه بطوط ٍ تطاول عنوقه=يوم احتمى الميقاف والسوق حامي
دار النظر والخرب جث امعلوقه=وانت اتعرف والعلم ينصى الفهامي
شهد النحل من غيره اللي يذوقه=لو دونه اسيوف تقصّ العظامي


ولكم خالص الشكر والتقدير.

سعد القحطاني
26-12-2007, 07:48 AM
صح لسانك ياذيب ولسان الجذع

شعراء جزلين ومبدعين

وصوت وصدى وافي

لاهنتو ،،

.

عبدالله السحيمي
27-12-2007, 01:44 AM
ارحب يا ذيب


صح لسانك وليان الشاعر


شاعرين مبدعين

وجازلين

الله يوفقكم


اخوك/عبدالله السحيمي

عبدالله الوهابي
28-12-2007, 11:09 AM
صح لسانك طال عمرك أنت واياه
ولا هنت يالقرم

مفرح محمد
28-12-2007, 11:41 AM
لا هنت يا الغالي

مقبل السحيمي
28-12-2007, 03:13 PM
هذا القصيد الجزل

صحت ألسنتكم

ياشعرائنا

مرعي بن دواس الحبابي
28-12-2007, 10:24 PM
صح لسانك يابو محمد وصح لسان ابو حامد

لاهنت
اخوك

ابن خضير
29-12-2007, 05:21 PM
بسم الله الرحمن الرحيم
السلام عليكم ورحمة الله وبركاته

صح لسانك يابو محمد وصح لسان ابو حامد

والله يحفظكم