الشاهي ....الشاهي....الخادر والخاثر واسراره

[عاشق الليل]

صباح الخير

الشيبان والاولين الله يرحمهم

كانو يدوخون ويكيفون على القهوه

لكن جيلنا حنا الله يخلف زين اللي تلقى يفرق القهوه

ولكن انا عن نفسي صراحه اذا مر اليوم ماذقت الشاهي يصدع راسي

المهم هناك اكثر من طريقه متبعه في اعداد الشاهي حسب ماشاهدته وجربته

وللاسف هناك ناس لاذقت الشاهي عندهم والله تحوم تسبدك

نبدا بالطريقه الاولى / هناك من يصلح الشاهي بعد مايطبخ او يغلي الماء

يضع السكر والشاهي سواء بالبريق ويطبخهم وبعده يتركه خمس دقائق ويتقهوى

وهذي حسب معلوماتي طريقه الاولين

والطريقه الثانيه / بعد غليان الماء يوضع السكر

ويخض بملعقه الين يذوب بدون طبخ وبعده يوضع الشاهي

والطريقه الثالثه / بعد غليان الماء يوضع السكر ويطبخ السكر والماء

نصف البريق وبعد مايطبخ السكر

يوضع الشاهي ثم يصب الماء المغلي الى ان يمتلئ

الطريقه الرابعه / وهذي الطريقه اللي انا متبعه

وصراحه من وجهة نظري انه هي الافضل

بعد غليان الماء يوضع السكر في الابريق ويصب عليه الماء المغلي

الى أن يمتلئ ثم يطبخ السكر

اما الشاهي يوضع ببياله الشاهي طبعا تكون مليانه شاهي

ويغسل بالماء المغلي مرتين على طول يوضع بالابريق

ثم يترك عند الهيتر او النار طبعا مايكون قريب من النار

فترة عشر دقائق الى أن ترى العثل الشاهي سقط في

قاعه الابريق وبعده تقهو بالعافيه

http://www.qahtan.net/up/uploads/37a7ec4ac6.jpg (http://www.qahtan.net/up)

وان حصل هالبريق براس هالطعس ياسلاااااااااااام


http://www.qahtan.net/up/uploads/0a8256254d.jpg (http://www.qahtan.net/up)

[عبدالله آل عباد]

خطير يابو رعد

بس تر معلومه جديده وهي ألي تقول فيها أن الاولين كانو يدوخون من القهوه

وش صفاوة الدم ألي فيهم لايلاه ألا الله والله ألي ماقد أسكرتهم شكامين السيارات في المدن


الطريقه الرابعه مافهمتها زين

هي الضاهر فيها برادين ماهو ببراد أذا ماعليك أمر لو توضح لي شوي لأني والله أقدس شي أسمه شاهي محكور



وأنا عندي طريقه أسويها دايم على الاختبارات لأن أوقات الاختبارات في الكليه هي الوقت الوحيد ألي أفضي

فيه نفسي وأجلس في البيت للمذاكره


الطريقه هي سلمك الله وأبقاك والقارئين

هو أنك تغلى الماء في البراد وتحط في طرف البراد ملعقه فيها كمية الشاهي ألي بتحطه في البراد

وتطبق عليه الغطا بحيث أنه يكون بخار الماء يمر بالشاهي ألي في اللملعقه ألي في خشم البراد

ويكون البراد شبه مسكر

أيييييييييييييوووووووووووووااااااااااااااااااااااا ااااههههه

بعد ما يغلي الماء ويجبس الشاهي في خشم الملعقه حتى أنك لو تقلبها ما ينصب الشاهي قد لبق في الملعقه

تحط السكر وتخليه لين يذوب

ثم تحذف تسوط البراد بالملعقه ألي فيه الشاهي لين تندر الملعقه نضيفه

بعدها أشرب

ولا تنسى تقول جزاك الله خير يابو جابر

وذا بغيت شوري

أذا تعرف لك هندي بيروح لديرته ويعود فودعه خمسين ريال ولا أن شاء الله ميه

وقله جب لي شاهي من عندكم أسمه( تاج محل )

يجي تلقيمه

أشهد لله أنك لو تشرب منه أن تلعن من وردو لنا الشاهي ألي ضاحكين علينا فيه من سنين


أبو جابر

وأسف على الاطاله بس الموضوع يهيض

[@ابوريان@]

وعليكم السلام ورحمة الله وبركاته


تسلم والله يابو رعد

وعلى قولت ابو جابر يهيض هههههههههههههههههههههههه

[@تركي السنحاني@]

ههههههههههههههههههههههههههههههههههههههه

الله اعلم وش تكيف عليه يا ابو رعد الشاهي المخدر او العبيله>>>>>>>>>>> ههههههههههه

[معيض بن دشن]

تسلم والله ياراعي الشاهي المخدر والله ونعم خصوصاً لحكرت الشاهي في الجمر بالذات يابو رعد .
تحياتي لكم ،،،،