حدثنا عن مهاراتك الرياضيه

[الامبراطور]

بسم الله الرحمن الرحيم


اخواني الاعزاء كنت متردد لطرح هذا الموضوع ولكن بعد التفكير رأيت ان موقعي المفضل


يستحق العناء والابداع


عموما ما اطيل عليكم موضوعنا اليوم يتركز عليك انت ايها القارئ وعن مهاراتك التي تجيد


الرياضه شي محبب وطيب ويستحق التعب والمثابر ه فهل اجتهدت لتحسين اداء جسمك


او هل حاولت صقل مهاراتك ؟؟؟؟


ارجوا من الجميع التفاعل ومن المشرفين التثبيت


اولا ابدأ بنفسي


من مهاراتي ولله الحمد



1- حائز على المركز الاول على مستوى المتوسط لمنطقة تثليث في لعبة الجمباز ايام الدراسه



2- بقي القليل واحصل على الحزام الازرق في لعبة كيوكوشن كراتيه :110103_bo وايضا لعبة قتال الشوارع fiting street ولكن حصل ظرف جميل _الزواج _ وسوف اكمل في السعوديه باذن الله :110103_hi


3- حاليا امارس رياضة كمال الاجسام:1107953448: ولله الحمد والمنه


4- احاول منذ زمن تعلم السباحه ومازلت وسوف اتعلم يوما ما ان شاء الله وجعلت تحدي قبل رمضان هذا اذا ما تعلمت

ما عاد بتعلمها ابدا وهذا يأس لكن وش اسوي مليت :017:


5- كرة الطائره ما اخبر اني لعبت وطلع في الملعب احد اردى مني في اللعب ههههههههههههه:075:


هذا اللي عندي وكل يشارك باللي عنده ولكم جزيل الشكر :71_asmilies-com:

[محمد الحياني]

الله يبارك فيك يالغالي

ويسعدك ويكثر من امثالك

ويعينك على تقديم الافضل لك اولاً ولقحطان كافة ...


اما اخوك .....

لايوجد لي مهارة الا في السباحة والصيد .... فقط والشهادات مع الوالد الله يحفظه ....

[فهيد النهاري]

ارحب يا ذيبان


والله علاقتي مع الكوره منذ نعومه اطفالي <<< يسمع بالكلام الذرب :)


اذكر كل يوم من ارجع من المدرسه لين يقول الله اكبر المغرب ونا العب كوره :) طبعن ودي اكمل بس الشايب الله يرحمه يحضرنا بعد صلاه المغرب في البيت :)



وبعد وفاته تركت الرياضه حتى وصل وزني الى 130 :017:

والحمد لله الحين انا في نادي رياضي امارس السباحه واللياقه يوميا ووزني صار 93 والحاله زينه :1107953448:


واذا الدعوا تحدي اتحدى ااي يو واحد في تمارين البطن .. والله من زين المنافسه :deal:


موضوع رائع ... ودي اثبته مير مهنا مسامير :021:

[حـمـد القحطاني]

بــــــــــــــــــــــــــــســـــــــم الـــــــــــلـــه الرحمن الرحـــــــــــيم

تسلم على الموضوع , اما انا فحدث ولا حرج 1- على فكره هذي حقائق ولا اكذب
عليكم بالنسبه لعمري الصغير لكن ان شاء الله رجال فكان وزنــــــــي 64 كيلو غرام:05010411_em
امـــــــــــــــا الحين والحمد الله فوزني 52 كيلو غرام هذي الرياضه وما تسوي .

والحمد الله لكن في اشياء اخرى لكن ما ودي اقولها قولو ما شاء الله

[الامبراطور]

اررررررررررررررررحبوا جميعا طبعا كررت حرف الراء عشان تدرون اني ارحب بصوت مرتفع هههههههههههههه


مـــــحـــــــمـــــــد الــــــــحياني


لاهنت ياذيبان وطول الله عمر الشايب اللي جابك


مرورك اثلج صدري جعل عمرك طويل على العز والطاعه

سباق للطيب دايم يا ذيبان


فــــــهـــــيـــــد النهاري


لاهنت ورحم الله شايبك اللي جابك



مرور ك افتخر فيه ومشاركتك لي وسام شرف


شكرا لكم جميعا

[الامبراطور]

اررررررررررررررحب يا حمد حي الله سمي اخوي


اثرك كنت دبدوب هههههههههههه

ما شاء الله عليك مع الاصرار ما فيه مستحيل

وللامام وانا اخوك الرياضه شي مفيد وجميل لحياه افضل

[عبدالله بن لعور]

بسم الله الرحمن الرحيم
السلام عليكم ورحمة الله وبركاته
اما انا ماعندي مهاراةخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخ

[صقر آل عابس]

إيه تبغى تخوفنا منك:1108276351: !!!!! لكن امعصي نتقابل في الساحة اللي ورى المسجد عند الشجرة الكبيرة :0201042_em !!!!!

----------------

بالنسبة لي والله ما أعرف إلا السباحة ، والكورة لك عليها :0201048_em !!!

واللياقة عندي تعبانة :05010411_em ...

---------------

لكن ياليت تشرحلنا عن قتال الشوارع ، وتعلمنا حركات بركات :110103_bo لا زم نكون أقوياء يا عزوتي:1107953448: ...

وبأنك تمارس حديد علشان تقوي عضلاتك مابه شيء نمارسه في بيوتنا ونقوي عضلاتنا ولو اشوي ...

وقبيل شريت كتاب (الجوت - كون - دو) فن استخدام القبضة ، وأنا تصفحته بسرعة وأعجبني جدا وهي أفضل من الكراتيه وغيرها ، وهي لـ(بروس لي) ...

================

تحياتي لك بلا حدود من المريخ للأخدود ...

[سالم الخنفري]

اجيد السباحه ...
و امارس تمارين اللياقه "السويدي" بشكل مستمر ...

[فارس السروات]

موضوع فكرته جميلة

بالنسبة للرياضة في حياتي فلها قصص

ومن يدخل المجال الرياضي صدقوني لن يندم بإذن الله

الرياضة مهمة لكل الفئات العمرية

الرياضة للناشيء شيء اساسي لذا حاول ان لاتعيق حياة نجلك بحرمانه من الرياضة

لكل شاب لاتغفل عن الرياضة فتفقد الكثير الكثير

لكل رجل ارتباطاته كثيرة اترك بعض الوقت للرياضة وسوف تجد الفرق

لمن يتملكه احساس الكبر والتقدم بالسن لتعلم ان لكل عمر رياضة

لكل من احترف الرياضة لاتنسى ان عليك التزامات اخرى واعطي كل ذي حق حقه

الخلاصة:-
قد تنسى من تعرفت عليه في المدرسة وفي الجامعة ومن ربطتك به علاقة الجوار ومن جمعك به عمل

ولكن لن تنسى من كنت معه في نادي واحد

[الامبراطور]

ارررررررررررررحبوا جميعا

من عذاريبي اني ما اتابع موضوعاتي ولا اتابع الردود

لكن العذر من الله ثم منكم


اخوي عبدالله ابن لعور

ارحب وحياك الله

له ترى عندك مهارات لكن انت اللي ما تحاول تستكشفها

حاول وعلمني وش المهارات اللي اكتشفتها خخخخخخخخخخخ

شاكر لك مرورك الجميل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ


صقر ال عابس ارحب وحياك الله

شف قاعده خلها في ذهنك ترى اللاعب اللي له وزنه وثقله الرياضي في اللعبه وخصوصا العاب الدفاع عن النفس


ترى شبه مستحيل يجيك يستخدم قدراته ضد الغير من باب الاضطهاد ولا شي من ذا القبيل يعني مستحيل يجيك ملقوف

بل بالعكس اللي يجيك ملقوف ترى ما وصل للمهاره المطلوبه


بعدين تعرف تسبح ولياقتك سيئه !!!!!!

غريبه اكيد منت مستمر تسبح في المناسبات شكلك ههههههههههههه

اما طلبك حول قتال الشوارع وكمال الاجسام ابشر ان شاء الله ابي اجتهد وانزل كم موضوع عنها

وترى انا ما لي ذيك الخبره اللي تخولني اني اشرح عن العاب الدفاع عن النفس لكن ابي اجمع معلومات تفيد الجميع


بالنسبه لبروس لي هذا اشهر لاعب عرفه تاريخ العاب الدفاع عن النفس حسب معاييري الخاصه


ترى اسس لعبه خاصه له عباره مزيج من الكونفو والكراتيه وغيرها

والكتاب ما يفيد مثل المدرب لكن يعطيك حركات استعراضيه فقط يعني بأمكانك تميلح قدام الربع ههههههههههه

شاكر لك مرورك الجميل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ



كوكب زحل ارحب وحياك الله


ممتاز السباحه شي مفيد جدا وتصنف من افضل الرياضات المقويه للجسم بشكل عام

بالنسبه للسويدي ما اشك انك تملك جسم رياضي جميل ما شاء الله تبارك الرحمن طبعا اذا كنت مستمر على التمارين

شاكر لك مرورك الجميل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

فارس السروات ارحب وحياك الله


كلام من ذهب

الرياضه شي اكثر من ترفيهي بل هي شي ضروري ومهم


ولكل فئه عمريه رياضات خاصه ولكل مقام مقال

شاكر لك مرورك الجميل

ودمتم بود

[ناصر السنحاني]

بسم الله الرحمن الرحيم
السلام عليكم ورحمة الله وبركاته
حرام ما اقولكم خخخخخخخخخخخخخ والله عندي مهارات السباحه وعلى خفيف كوره ومره خيال ههههههه

[الامبراطور]

ارحب يا ابن لعور

ماقصرت الا ماغير سباحه وكوره

هذي كافيه وبيض الله وجهك عليها بعد

متابعتك ومرورك تشكر عليها

[فارس قحطان]

السلام عليكم ورحمة الله وبركاته


هلابك اخوي الامبراطور


بشرنا عنك وعن احوالك

والله لا يهيينك على الموضوع التفاعلي


بالنسبة لي انا

فكرت القدم كنت العبها ايام الأبتدائية بمهارات عليه ولكن انقطعت عنها حوالي سنه بسبب سفرنا للخارج

يوم عودت السعوديه ما عاد لعبتها ولا احب حتى طاري الكوره <<< تعود على البيسبول

والسباحه الحمدلله مهارات عاليه من قبل لا ادخل المدرسه وانا متعلمها وقعدت اكثر من 6 سنوات في نادي الشباب
وبعدها انقطعت

واما الفروسية فالحمدلله امارس رياضة الفروسيه بمهارات جيدة مثل الخبب والكنتر وقفز حواجز

ولكن انقطعت من النادي من حوالي سنه لظروف صحيه وبعد النادي ايضاً

اما اللياقه وغيرها

فكل يوم اسجل في نادي واجي اسبوع ومن عقبها ما اطبه :) ليه مدري :)

لكن ابحاول اني ارجع له هالأيام علشان السباحه والمشي ،،، لأن الوزن زايد شوي عقب العرس :)



تحياتي


.

[عبدالله الوهابي]

بسم الله الرحمن الرحيم

السلام عليكم ورحمة الله وبركاته

ما دام الأمر كذلك فأنا أمارس السباحة وأحبها ، وأعشق لعبة التايكوندو ولي حزام أسود....
ولكن كثرة الاشغال الآن لا ألعبها إلا قليل مرة في الأسبوع أو الاسبوعين... مع المدرب وبعض الأصدقاء في اللعبة بيني وبينك لا يدرون الأخوان

[الامبراطور]

اررررررررررحبوا يالله حيهم


ما شاء الله تبارك الرحمن اثرك فعلا على الاسم يافارس قحطان


ياخوي للأسف ما عمري ركبت حصان كم مره امر باحراج من الأصدقاء خصوصا على الشاطئ


لكن ما قسم اني اركب اي حصان في حياتي

بالنسبه للبيسبول ترى رياضه مهمه للتركيز خصوصا وكذلك دقة التصويب


اما السباحه فحدث ولا حرج وسبق وقلت انها من اهم الرياضات

وترى الانقطاع عن الرياضه شي فينا جميعا الا ما قل ولكن من الأخطاء اللي نقع فيها ان حنا نترك


الجسم تتراكم فيه الدهنيات بعدين الواحد ينتبه انه صار متين ويجيك يطب في الرياضه بحماس سرعان ما يتلاشى


مع مرور الوقت فنصيحه للجميع وخصوصا من ترك الرياضه طويلا ان يرجع ولكن ببدايه بسيطه وتمارين خفيفه

وتدريجيا يبدأ بزيادة التمارين مع مرور الزمن


عموما لك كل التقدير على المرور الجميل


ابن رشد الصغير ارررررحب وحياك الله :0201049_em :0201049_em


جميل جميل اجل انتبهوا يا شباب لا احد يحارش ابن رشد تراه داهيه ما شاء الله تبارك الرحمن


بصراحه مالي في التايكوندو اي خبره لكن على ما اظن اغلب استراتيجياته معتمده على الارجل ؟؟


بس لازم تواصل في اللعبه باقي وراك الدانات

الله يوفقك لما يحب ويرضى

ولك جزيل الشكر

[الامبراطور]

بحمد الله وفضله ومنه وكرمه تعلمت السباحه

وبطرق مختلفه ايضا

فعلا مع الصبر والإصرار وتوفيق الله تتحقق الأمنيات