سعيد ابوظهير
20-06-2007, 04:31 PM
بسم الله الرحمن الرحيم
أعزائي اعضاء الشبكة الموقره
تحية طيبة وبعد
إليكم هذه القصيده لشاعرٍ لقب بإسم (شاعر المبايعه المشهوره) نسبة لقصيدته التي ألقاها أمام الملك /عبدالله بن عبدالعزيز بإسم قبائل قحطان وقصيدته الآن في الشيخ / سعود بن شافي آل الجرو ومناسبتها أن الشاعر ألقى قصيدة جزله في مزاين قحطان من خلال إمسيته الشعرية وتفاعل الشيخ /سعود مع القصيدة وكذلك الحضور وقام وألبس الشاعر بشته وبعد ذلك قال الشاعر هذه القصيدة أرجو أن تحوز على رضاكم
هات القلم يا بندر وقرب الكيف
* واحمس من إللي غاليات ٍ بنوده
وإليا غدا الفنجال ماله تواصيف
* عده عليّ يا بوك واسمع ردوده
أمثال شعر ٍ في ضميري مواقيف
* كنها سجين ٍ محكمات ٍ قيوده
تبقى وراء عوج الضلوع النواحيف
* وبحزة الواجب تجيك مهدوده
تقبل جميع بين عوص ومعاسيف
* إقبال سيل ٍ ما ترده سدوده
وأنا لا شفت من النشاما معاريف
* أعلنتها والكفو ابيّن جهوده
ومن صابه من الوقت هم وصواديف
* ينصا ولد شافي ويلقا سعوده
شيخ ٍ ظهر في عاليات المشاريف
* له مركز ٍ فالطيب دايم يروده
والمرجله تبغا عزوم وتكاليف
* عد ٍ ضحا الكنه تزاحم وروده
والشيخ ماهو شيخ بالختم والسيف
* شيخ بصيته والمحبة وجوده
كم واحد ختمه يزمه ولا شيف
* وغيبة جنابه تستوي مع وجوده
وهذا ابن شافي مكرم الجار والضيف
* في مجلس ٍ متخالفات ٍ وفوده
وقت المزاين جاب دعم ومصاريف
* وفي مهرجان الشرق بيَّن صموده
ومال ٍ كثير حزة الضيق ما شيف
* عسا يبَّشر صاحبه في نفوده
ويبرى لبو شافي جموع مراديف
* مثل القنيف إللي ترازم رعوده
زحول الرجال أهل البكار المشاعيف
* دخيلهم يا من ويرقا سنوده
إعيال ابن جاري حماة الطواريف
* صمة جبل ما أحد ٍ قدر في حيوده
بمات خمس وبالسلال المراهيف
* عدوا على ضلع ٍ كليف صعوده
واسمع لشاعرهم قصيد ومحاريف
* سوالف بين الرجال معدوده
ابن عور ثاني حكيم السواليف
* والبيت ما يبنا بليا عموده
وسعود مقدمهم لا جات المواقيف
* راس تبين ما تخونه عضوده
بشته عطاني إياه قدر وتشريف
* في محفل ٍ بالقوم ضاقت حدوده
مدة كريم ما استمع كلمة اضعيف
* يفداه من فعل المراجل يكوده
هرج صحيح ما دخل فيه تزييف
* ولا أحب نقصانه ولا أحب زوده
وصلاة ربي عد ما همل الصيف
* على الرسول إللي خطاه محموده
أعزائي اعضاء الشبكة الموقره
تحية طيبة وبعد
إليكم هذه القصيده لشاعرٍ لقب بإسم (شاعر المبايعه المشهوره) نسبة لقصيدته التي ألقاها أمام الملك /عبدالله بن عبدالعزيز بإسم قبائل قحطان وقصيدته الآن في الشيخ / سعود بن شافي آل الجرو ومناسبتها أن الشاعر ألقى قصيدة جزله في مزاين قحطان من خلال إمسيته الشعرية وتفاعل الشيخ /سعود مع القصيدة وكذلك الحضور وقام وألبس الشاعر بشته وبعد ذلك قال الشاعر هذه القصيدة أرجو أن تحوز على رضاكم
هات القلم يا بندر وقرب الكيف
* واحمس من إللي غاليات ٍ بنوده
وإليا غدا الفنجال ماله تواصيف
* عده عليّ يا بوك واسمع ردوده
أمثال شعر ٍ في ضميري مواقيف
* كنها سجين ٍ محكمات ٍ قيوده
تبقى وراء عوج الضلوع النواحيف
* وبحزة الواجب تجيك مهدوده
تقبل جميع بين عوص ومعاسيف
* إقبال سيل ٍ ما ترده سدوده
وأنا لا شفت من النشاما معاريف
* أعلنتها والكفو ابيّن جهوده
ومن صابه من الوقت هم وصواديف
* ينصا ولد شافي ويلقا سعوده
شيخ ٍ ظهر في عاليات المشاريف
* له مركز ٍ فالطيب دايم يروده
والمرجله تبغا عزوم وتكاليف
* عد ٍ ضحا الكنه تزاحم وروده
والشيخ ماهو شيخ بالختم والسيف
* شيخ بصيته والمحبة وجوده
كم واحد ختمه يزمه ولا شيف
* وغيبة جنابه تستوي مع وجوده
وهذا ابن شافي مكرم الجار والضيف
* في مجلس ٍ متخالفات ٍ وفوده
وقت المزاين جاب دعم ومصاريف
* وفي مهرجان الشرق بيَّن صموده
ومال ٍ كثير حزة الضيق ما شيف
* عسا يبَّشر صاحبه في نفوده
ويبرى لبو شافي جموع مراديف
* مثل القنيف إللي ترازم رعوده
زحول الرجال أهل البكار المشاعيف
* دخيلهم يا من ويرقا سنوده
إعيال ابن جاري حماة الطواريف
* صمة جبل ما أحد ٍ قدر في حيوده
بمات خمس وبالسلال المراهيف
* عدوا على ضلع ٍ كليف صعوده
واسمع لشاعرهم قصيد ومحاريف
* سوالف بين الرجال معدوده
ابن عور ثاني حكيم السواليف
* والبيت ما يبنا بليا عموده
وسعود مقدمهم لا جات المواقيف
* راس تبين ما تخونه عضوده
بشته عطاني إياه قدر وتشريف
* في محفل ٍ بالقوم ضاقت حدوده
مدة كريم ما استمع كلمة اضعيف
* يفداه من فعل المراجل يكوده
هرج صحيح ما دخل فيه تزييف
* ولا أحب نقصانه ولا أحب زوده
وصلاة ربي عد ما همل الصيف
* على الرسول إللي خطاه محموده