المساعد الشخصي الرقمي

مشاهدة النسخة كاملة : قالــــــــــــــــــــت بــــــــــــدو ؟؟؟؟


هاوي نجد
01-03-2005, 09:57 PM
قالت: بدو

صدت وقالتها بقرف

بنت الأكابر والترف

متكبره متعاليه

يعني بدوي يقعد طرف

والمعنى دون المستوى

ماحنا وياها سوى

حنا بنظرها من نكون

ريشه يطيرها الهوى

بمفهومها حنا: عدد

رقم ولا اكثر بعد

يعني مجرد تكمله

والا اهي اصل البلد

قالت : بدو

يعني صفر على الشمال

هذا على احسن احتمال

قلت:أي نعم

حنا بدو

حنا عما عين العدو

حنا البداوه طبعنا

واهل الوفا هم ربعنا

حنا بدو

اصل وفصل

حنا بداوتنا الاصل

ماهي بداوة تليفزيون

والا مسلسل اردني

بس بدوي بالمكرفون

ولا هد سيفه ينثني

حنا بداوتنا تراث

من جيل لا جيل انتقل

بالقمه حنا مو اقل

ماهم بدو

بيت السدو

حنا بدو

حنا معاني ساميه

نروي السيوف الضاميه

نرد المنايا ما نهاب

لو هي سعاير حاميه

حنا بدو

صعبين ونحب الصعب

اهل الخشونه والتعب

حنا يميزنا الوضوح

واذ اكرهنا ما نحب

حنا بدو

حنا البداوه عيدنا

ما ناكل الاصيدنا

مانعيش عالة مجتمع

نموت مانمد ايدنا

حنا بدو

حنا البداوه ... بدمنا

مانسمي احد عمنا

حتى ولو منهو يكون

لو هو زعل ماهمنا

ياتارسه وجهك صبغ

ياتارسه عينك شدو

حنا بدو

حنا بداوتنا شيم

دين وقيم

طيب وظفر

ومعنى كبير

يعني التمسك بالجذور

ماهو التخلف والجهل

ولا بعد حب الظهور

ولا التنكر للاهل

حنا بدو

حنا بداوتنا شمم

فعل وكرم

مبدأ حضارات الامم

حنا القمم

ولنا الفخر

لو عشنا ببيوت شعر

عيشة ألم عيشة فقر

عيشه تعلمنا الصبر

مانحسب ايام الشهر

مانقترض

نشرب من الماي الهماج

نكحل نواظرنا بعجاج

ساعات مانلقى ذرا

يكفي نتلحف بالنجوم

وفراشنا رمل الثرا

وسراجنا نور القمر

لامن ظهر

نومن بقضانا والقدر

ماهو كسل

والا نعيش بلا امل

نملك طموح علم وعمل

ونرعى الابل

ونرعى الغنم

ونعزف من الوانه نغم

ونتابع اخبار المطر

وندور الروض الخضر

نسري ورا

برق سرا

ولا نتراجع للورا

نبحث عن المرعى العشيب

ومن شعيب اليا شعيب

مانستقر

عنواننا كل الديار

تجوالنا ليل ونهار

وهذي حياة الباديه

سنه ربيع

سنه دهر

ورغم الفقر

نخاف من قولة افا

ونتعب ورا قولة نعم

ونعيش عالين الهمم

نرعى الذمم

ناخذ من الصحرا الهدو

لأنا بدو

يا تارسه وجهك صبغ

يا تارسه وجهك شدو

ياللي تقولين بدوي

عزمي قوي

يبدا نهاري بالصلاه

واصارع امواج الحياه

محافظ على الخمس الفروض

واضح ولا احب الغموض

ماالتوي

لاني بدوي

متمسك باصالتي

ولا اغير لهجتي

انا بدوي

في فزعتي في جلستي

في كلمتي في نخوتي

حتى عقالي ولبستي

ولو قلتي عني فوضوي

ماهمني

بالحيل يابنت بدوي

ويسرني

اعرف زين من انت ومن انا

ويكفينا نعرف بعضنا

والفرق واضح بيننا

انتي مثل عمر الزهور

مالك عمر

شهرين ويجيها الجفاف

وتندثر

وتصبح الوانك باهته

وانا جذوري ثابته

ياتارسه وجهك صبغ

ياتارسه عينك شدو

حنا بدو

حنا عما عين العدو

كنا ولا زلنا بدو

وبنموت هم واحنا بدو


قائل هذه الكلمات // طلال السعيد

السيف النادر
01-03-2005, 11:11 PM
الله الله عليك ياهاوي نجد

لله درررررك ياشيخ ، قصيدة كلمة رائعة ما تكفيها الا اروع من الرائعة

بيض الله وجهك وصح لساااان الشاعر

وياليت توافينا بإسمه لأنه يستااااهل النعم .....

تقبل تحيااات
اخوك
السيف النادر

ابن عاصم
01-03-2005, 11:17 PM
الله لا يهينك اخوووي هاوي نجد

وبالنسبه لسوال اخوي السيف النادر هذي القصيد لطلال السعيد من اهل الكويت

فارس قحطان
02-03-2005, 11:07 AM
ياسلام عليك يهاوي نجد

شكرا لك على هذي المشاركه

ابوملاك
02-03-2005, 12:17 PM
صح لسانك وبيض الله وجهك .

هاوي نجد
04-03-2005, 01:47 AM
اررررررررررحب يا لسيف النا در تراحيب المطر والسيل

ومرورك يالغالي يشرفني ويسعدني 0

وهذا من طيبك يا كحيلان

تقبل تحيات اخوك

هاوي نجد
04-03-2005, 01:50 AM
ابن عاصم ارررررحب تراحيب المطر والسيل

ومرورك يا كحيلان يشرفني

تقبل تحيات اخوك

هاوي نجد
04-03-2005, 01:53 AM
فارس قحطان اررررررررررحب مليوووووووووون

ولاهنت على مرورك الطيب يا الفارس

تقبل تحيات اخوك

هاوي نجد
04-03-2005, 01:54 AM
اررررررررررررحب يا بوملاك مليووووووووووووووووون

ولاهنت على مرورك يالغالي

تقبل تحيات اخوك

فارس ال نادر
09-03-2005, 11:14 AM
رائعه من روائع

طلال السعيد

مشكور ولا هنت

نسيم الجنوب
12-03-2005, 08:44 PM
هاوي نجد
لاهنت لاهنت
على هذه المشاركة الجميلة

هاوي نجد
13-03-2005, 01:16 AM
نسيم الجنوب

ارحب يالغالي تراحيب المطر

هلا بك يالطيب ولاهنت على مرورك 0

تقبل تحيات اخوك

الامبراطور
13-03-2005, 02:18 AM
هاوي نجد اختيار موفق لماسه من ماسات السعيد
تقبل مني خالص الشكر والتقديررررر

شبل قحطان
14-03-2005, 01:42 AM
هاوي نجد
لاهنت لاهنت
على هذه المشاركة الجميلة

المعمري
15-03-2005, 01:59 PM
لا هنت يا هاوي نجد علي القصيده الطيبه وبيض الله وجهك

هاوي نجد
21-03-2005, 09:56 PM
ارحب تراحيب المطر والسيل يا الامبرطور

ولاهنت اخوي على مرورك الطيب

مشكور واكررشكري وخالص تقدير ،،

تقبل تحيات اخوك

هاوي نجد
21-03-2005, 09:58 PM
ارحب تراحيب المطر والسيل يا الـــشـــبل

ولاهنت على مروروك الطيب مرور ك يالغالي ايشرفني

تسلم يمينك يا لذرب

تقبل تحيات اخوك

هاوي نجد
21-03-2005, 09:59 PM
اخوي المعمري

ارحب تراحيب المطر والسيل مدبوله ومثنيه

ولاهنت على مرورك الطيب

تقبل تحيات اخوك