أبو ياسر
24-02-2005, 03:09 PM
الزميل الشاعر / حمود بن نافع الأسلمي الشمري ،، من أعز الأصدقاء على قلبي
ينطبق علينا المثل القائل : (رب أخ لك لم تلده أمك ).....
في أحد الأيام هاتفته في منزله بالرياض ولم يكن بالمنزل فأفادوني أهله بأنه غير موجود فعاودت الإتصال في اليوم
التالي فقالوا لي بأنه في مدينة حفر الباطن وإن كنت أريده فعلي الإتصال بعد أسبوع (وكانت خدمة الجوال آنذاك في
بداياتها )... عاودت الإتصال في الموعد المحدد ولم أجده أيضاً ،،، المهم أني لم أحاول بعدها حتى عاد من هناك إذ
كان في رحلة برية قاربت الشهر وعندما وجد الخبر بإتصالي ، تأثر وقام بمكالمتي وبعد السلام مباشرة ألقى هذه
القصيدة على الخط...
بسم اللي انصلي له الفرض ونصوم=رب كريم وبالمخاليق رواف
جبار غفارٍ رحيمٍ وقيوم=خالق جميع الخلق بأشكال وأصناف
الواحد الدايم ولاغيره يدوم=بإسمه بديت وقمت أنا أرتب القاف
وارسلتها في ظرف مغلق ومختوم=قولٍ معطر من شذا ورد الأرياف
تحيةٍ فيها أطيب العود مشموم=ومعطرة بأزكى العطورات بإسراف
ترحيب في خطٍ على العرف منظوم=من شاعرٍ بالقاف له قصد وأهداف
هلا عدد ما بالسماء تنشي غيوم=وإعداد من صلى ومن بالحرم طاف
لبو فنيس الصيرمي يعجبك دوم=صداقته ماظني اليوم تنعاف
وكلامه مرتب وواضح ومفهوم=وهذي أمورٍ صارت اليوم تنشاف
وبعض البشر صداقته تنقلب لوم=من ناسك وربعك يجي ثقال وخفاف
عند الصداقة هرج والفعل معدوم=ولا احتجت له عذره يجي عشرة أضعاف
والهرج زايد والحكي اليوم مذموم=بين البشر يرث عداوات وخلاف
والرجل بالصحبة ترى مو بمحكوم=يترك صداقتهم اذا شاف ماعاف
والحر ماينظر ليا واجه البوم=وشرواك حراً موقعه كل ماناف
ومادام هرج رخوم والعقل معدوم=محنا بحال خبول وعفون وضعاف
واللي حكى مسقوم يارب مايقوم=ولايستطيع اليوم تحريك الأطراف
والآدمي عن الخطاء مو بمعصوم=مير البلا من للخطأ يلقف إلقاف
والعقل بين الناس وهبة ومقسوم=وكلٍ على قدره ملك عقل وأوصاف
وإن كان مالك حق ضايع ومقسوم=اصبر ترى دمح الخطاء طبع الأشراف
والمدح ماينفع رديٍ ومحروم=والسب ماوسخ رجاجيلٍ إنظاف
وعن الردى جعلك معزز ومحشوم=ومن سبكم يلقى بدنياه الإكلاف
ويارب جرنا من عناء يوم محتوم=يوم إن كلٍ ماشيٍ عاريٍ حاف
يوم الذهول اللي به الأمر محسوم=بأمر الذي نزل تبارك والأعراف
وتم الكلام اللي لبو فنيس مرسوم=عساه يرضيكم وبأغراضكم ياف
وصلاة من يعلم خفاء كل مكتوم=على نبيٍ مرسل للبشر كاف
وبعد أن أغلق الخط قمت مباشرة بكتابة رد عليه فقد تحمست أنا أيضاً...
و سوف أضع الرد عاجلاً وعن قريب في موضوع مستقل بإذن الله تعالى
محبكم أبو ياسر
ينطبق علينا المثل القائل : (رب أخ لك لم تلده أمك ).....
في أحد الأيام هاتفته في منزله بالرياض ولم يكن بالمنزل فأفادوني أهله بأنه غير موجود فعاودت الإتصال في اليوم
التالي فقالوا لي بأنه في مدينة حفر الباطن وإن كنت أريده فعلي الإتصال بعد أسبوع (وكانت خدمة الجوال آنذاك في
بداياتها )... عاودت الإتصال في الموعد المحدد ولم أجده أيضاً ،،، المهم أني لم أحاول بعدها حتى عاد من هناك إذ
كان في رحلة برية قاربت الشهر وعندما وجد الخبر بإتصالي ، تأثر وقام بمكالمتي وبعد السلام مباشرة ألقى هذه
القصيدة على الخط...
بسم اللي انصلي له الفرض ونصوم=رب كريم وبالمخاليق رواف
جبار غفارٍ رحيمٍ وقيوم=خالق جميع الخلق بأشكال وأصناف
الواحد الدايم ولاغيره يدوم=بإسمه بديت وقمت أنا أرتب القاف
وارسلتها في ظرف مغلق ومختوم=قولٍ معطر من شذا ورد الأرياف
تحيةٍ فيها أطيب العود مشموم=ومعطرة بأزكى العطورات بإسراف
ترحيب في خطٍ على العرف منظوم=من شاعرٍ بالقاف له قصد وأهداف
هلا عدد ما بالسماء تنشي غيوم=وإعداد من صلى ومن بالحرم طاف
لبو فنيس الصيرمي يعجبك دوم=صداقته ماظني اليوم تنعاف
وكلامه مرتب وواضح ومفهوم=وهذي أمورٍ صارت اليوم تنشاف
وبعض البشر صداقته تنقلب لوم=من ناسك وربعك يجي ثقال وخفاف
عند الصداقة هرج والفعل معدوم=ولا احتجت له عذره يجي عشرة أضعاف
والهرج زايد والحكي اليوم مذموم=بين البشر يرث عداوات وخلاف
والرجل بالصحبة ترى مو بمحكوم=يترك صداقتهم اذا شاف ماعاف
والحر ماينظر ليا واجه البوم=وشرواك حراً موقعه كل ماناف
ومادام هرج رخوم والعقل معدوم=محنا بحال خبول وعفون وضعاف
واللي حكى مسقوم يارب مايقوم=ولايستطيع اليوم تحريك الأطراف
والآدمي عن الخطاء مو بمعصوم=مير البلا من للخطأ يلقف إلقاف
والعقل بين الناس وهبة ومقسوم=وكلٍ على قدره ملك عقل وأوصاف
وإن كان مالك حق ضايع ومقسوم=اصبر ترى دمح الخطاء طبع الأشراف
والمدح ماينفع رديٍ ومحروم=والسب ماوسخ رجاجيلٍ إنظاف
وعن الردى جعلك معزز ومحشوم=ومن سبكم يلقى بدنياه الإكلاف
ويارب جرنا من عناء يوم محتوم=يوم إن كلٍ ماشيٍ عاريٍ حاف
يوم الذهول اللي به الأمر محسوم=بأمر الذي نزل تبارك والأعراف
وتم الكلام اللي لبو فنيس مرسوم=عساه يرضيكم وبأغراضكم ياف
وصلاة من يعلم خفاء كل مكتوم=على نبيٍ مرسل للبشر كاف
وبعد أن أغلق الخط قمت مباشرة بكتابة رد عليه فقد تحمست أنا أيضاً...
و سوف أضع الرد عاجلاً وعن قريب في موضوع مستقل بإذن الله تعالى
محبكم أبو ياسر