المساعد الشخصي الرقمي

مشاهدة النسخة كاملة : قصيدة نخوه تتفطــــــر لها القلــــــوب


سعيد بن مانع
16-02-2005, 10:48 PM
هذه قصيدة الحازبي الاخرى وينتخي فيها والد القتيـــل \ هـادي بن معيض بن فرثــان 000 للعفو والسماح عن هادي بن سعود بن كدمـه _ فك الله اســـــــــره _
بسم الله 000

في سجن ظهران زرت اخوي ابن كدمه = وانا وهادي سعود بحسبة اخواني
جينا زياره ومعنا بالرضاع امه = في قلبها شوق مدري هم واحزاني
ساعة وقف قامت تناديه وتظمه = من زود حب الظنا في صدرها الحاني
ومن زود شوقه يون وقال يايمه = انا على شوفتك بالحيل ولهاني
وقامت تنوح العجوز وسلهمت يمه = ودموعها كنها همال وداني
وصاحت وناحت وزادت بالبكا همه = ثم قال يمه كفاني هم واحزاني
ثم انكسر ناظره من همه وغمه = بين الرجا والامل والياس حيراني
ثم وقف رضا لهـا تواضع وحشمه = وقبل يديها ودمعة فوق الاوجاني
ثم التفت يمها وفي خاطره كلمه = واقفى موادع وهو مكسور جنحاني
ثم كبله حارسه بالقيد واختمه = وامه تنادي بلهفة شوق واشجاني
ناحت وونت عليه ونادته بأسمه = واقفى موادع وهو راضي وزعلاني
وحملني امانة(ن) تبرا بها الذمه = قال انت ياخوي في ذمتك ورعاني
ورحت اتفقد عياله ثم لقيت امه = والحزن في صوتها المشحوب ينباني
ثم صار لي موقف(ن) لا صارت مطمه = من موقف(ن) صار واحزني وبكاني
وجوني عياله وكل(ن) من ملا فمه = يقول (بابا) سنين طوال ماجاني
وانا اشهد ان كل حي يحن له دمه = من بعد هذا حصل لي موقف(ن) ثاني
جتني فتاة(ن) خطاها تمشي بهمه = ثم اعثرت وانثنت قدام تنصاني
وعالراسها فرعت ثم طشت اللثمه = وتطيح وتقوم مضيومه وتنخاني
قلت ابشري والعسر والله ماهمه = الظاهر ان القدر للموت وداني
قالت ياعم انا ابوي اللي ولد عمه = غرا بها ابوي ابن عمه وهو الجاني
اشكي عليك الزمن ياعم من ظلمه = خلاني اعيش في حيره وحرماني
ياعم تكفى تلف الشمل وتلمه = ابغاك تفزع وتنخا قاصي وداني
قلت الردي جعلها تبكي عليه امه = وانتي نخيتي وانا بنخا كحيلاني
بنخا ابن فرثان صقر(ن) وكره القمه = وانخاه بسمي وبسم شيوخ قحطاني
وادخل على ربنا اللي يكشف الغمه = وادخل على هادي بن معيض لاهاني
وانا دخيل الحظن والبيت والذمه = وادخل على الحي واللي وسط الاكفاني
يامارد(ن) للظوامي صافي(ن) جمه = اللي ورد له مصدر منه ظمياني
الحكم لله وحكمك بيدك وسمه = لرضاك ماننكره لو كان ماكاني
والعاقل اللي بلاه الله كبر حلمه = يهون الكايده ياوجه سنحاني

السيف النادر
17-02-2005, 05:46 PM
ابن ماانع

لا هنت على نقلك قصايد الحازبي وصح لساانه وسلمت يمينك

وفعلاا قصيدة مؤثرة جدا جدا

والله يفك اسره واسرى المسلمين في كل مكاان

ابن ماانع .... لا عدمتك ياكحيلاان

تقبل تحياات
اخوك
السيف النادر

سعيد بن مانع
18-02-2005, 01:28 AM
ولا تهون يالذيب ولاهنت على المرور وهذا اكبر شرف لي ان شرواك يرد على موضوعي

ناصر المعمري
18-02-2005, 01:14 PM
لاهنت يابن مانع..

عزالله انها قصيده محزنه وفيها من الألم الشي الكثير..


والله يكون بعونهم وبيض الله وجهك..

ابن قحطان
18-02-2005, 06:02 PM
مشكووووور يابن مانع الرفيدي
والله ان شعر راسي وقف من القصيده

الله يفك اسر المسجون

عبيدي الدمام/ابوزياد
18-02-2005, 09:57 PM
لا هنت يابن مانع ..
القصيده حزينه في معانيها وهذا سبب معناها ..

سعيد بن مانع
19-02-2005, 12:50 AM
ابن قحطان وناصر المعمري وعبيدي الدمام اشكركم جزيل الشكر على مروركم الكريم
ولاهنتووووو جميــــــع 00000

هاوي نجد
24-02-2005, 08:18 PM
لاهنت يا بن ما نع

الحقيقه قصيد ه مؤثر ه للغا يه وعسا الله ايفك اسره

واسرى جميع المسلمين ولاهنت يالجزل

هذا من طيبك ونا خوك قصايد عالية الذوق

تقبل تحيات اخوك

فارس قحطان
24-02-2005, 08:39 PM
بن مانع

بيض الله وجهك

فعلا قصيده تتفطر منها القلوب

المهلهل
25-02-2005, 01:40 AM
الله يعتق رقبتة

والقصيدة والله انها مؤثرة

المعمري
28-02-2005, 02:39 PM
لا هنت يا بن مانع وبيض الله وجهك

معانق سحاب
26-04-2006, 06:21 AM
السلام عليكم ورحمة الله وبركاته..

انا داري ان الرد متأخر بس انا بحثت عن القصيده هاذي كثير وأخيراً لقيتها.. انا سمعتها مره بشلة صوت بس للأسف ماكانت القصيده كامله.. اتمنى من اللي عنده القصيده كامله بالصوت انه يزودنا فيها ومشكرين جميعاً وانشالله احصل الرد منكم..


تقبلو تحيات أخوكم: معانق سحاب

سعيد بن مذي
27-04-2006, 11:02 AM
لاهنت يا بن مانع على النقل الرائع وصح لساانه والله يفك جميع اسرى المسلمين

ساج الوقت المشعلي
28-04-2006, 10:07 AM
القصيدة مؤثرة جداً والله يفك جميع أسرى المسلمين.


لاهنت يابن مانع وبيض الله وجهك.....





تحياتي لك



أخوك / ساج الوقت المشعلي.

جبل بن زيد
05-05-2006, 02:33 AM
السلام عليكم ورحمة الله وبركاته
الأخ بن مانع الرفيدي

لاهنت على النقل


وفك الله اسر كل مأسور


وأبيض وجه

رحاب
05-05-2006, 08:49 PM
أحسنت أخوي بن مانع وعسى أن يفك أسرى جميع المسلمين
اللهم أنصر المستضعفين من المؤمنين في كل مكان

مزبن الجاني
10-05-2006, 09:15 AM
لاهنت اخو سعيد وعسى الله يفك اسره اللهم ارفع عنه ما لم به يا حي يا قيووووووووووووووووووم
مشكوووووووووووووووور يا العطاء

عبدالله بن غفره
11-05-2006, 06:09 PM
لاهنت يأبن مانع وبيض الله وجهك على النقل


قصيدة تتفطر لها القلوب فعلاً


نقل رائع لا يستغرب من شخصك الكريم


تحياتي لك يالغالي

فتى خضار
17-05-2006, 07:32 PM
بسم الله الرحمن الرحيم
السلام عليكم ورحمة الله وبركاته
الى الاخ العزيز سعيد بن مانع الرفيدي اشكر على على هذا النقل وبيض الله وجهك واسأل الله العلي العظيم بكل اسماه الحسنى وصفاته العلى ان يفرج كرب كل مسلم ومسلمه وان الله يكون فى عون المبتلى والله ان الفصيدة اثرت فينى وفي من قراها او سمعها 00000000000000000000000 تمنياتى لك التوفيق 0000000000000 فتى خضار

ما يحتاج
23-05-2006, 06:29 PM
لاهنت يا ابن مانع وقصيده الشاعر سعيد الحازبي مؤثرة نسال الله ان بفك سجن اخيه من الرضاع

الشامان
23-05-2006, 11:32 PM
بيض الله وجهك يبن مانع ولاهنت على نقل هذه القصيده الرائعه وتقبل فائق إحترامي

أبو صقر
24-05-2006, 09:32 AM
عسى الله يفرج همه

فتى الخنافر
28-05-2006, 03:45 AM
لاهنت لاهنت على نقل ذل قصيده وجعل يمينك تحج ولله قصيده مؤثره جدآجدآ
تقبل تحياتي وتقديري

عاشق المرجلة
29-05-2006, 01:35 PM
اللهم فك أسر هذا السجين
وارحم القتيل
والصراحة أنها قصيدة بمعنى الكلمة أنها قوية وفيها نخوة تتفطر لها القلوب وصح لسان الشاعر واللهم أعن أهل القتيل على مصيبتهم واللهم أعنهم على فك الأسير بعد الله سبحانه وتعالى .

آل سلمان
06-06-2006, 03:01 PM
الله يرحم الميت ويفك السجين

ويعطيك العافية على النقل

والقصيدة ملحنها الشاعر سعيد أبو دية وأثنين معه على شريط كاسيت

وقضية القتل حاصلة قبل أكثر من 15 سنة

وعلى كل واحد منا أن يبذل كل ما يستطيع

فمثلا أحد أقاربي من الواصلين أو أصحاب الشان أو المكانة القبلية

أو مسموع الكلمة أستطيع أن أستحثه للسعي في إطلاق هذا الأسير المسكين

الذي نسيناه خلف القضبان ولم يتذكره إلا الشاعر سعيد أبودية

أو أن يكون أحد أقاربي كذلك شاعر معروف له صيت يشارك الشاعر سعيد بقصيدة لها وقع

أو أن يكون أحد أقاربي مسئولا في الدوله

كما ندعو الشعراء للمساهمة

وكذلك ندعوا القائمين على الموقع لتثبيت قضية هذا المسكين ونقلها الى الراي العام في قبيلة قحطان

ماجدالقريشي
08-06-2006, 03:15 PM
اسأل الله ان يفك اسره
ويعيده الى اهله واقاربه ويفرحهم فيه


قصيدة مؤثرة


ونتأمل من بن فرثان الخير



بيض الله وجهك يابن مانع

تقبل مروري

فيصل بن سعد
08-06-2006, 06:26 PM
فعلا قصيده محزنه

الله يرحم من مات ويفك اسر السجين