المساعد الشخصي الرقمي

مشاهدة النسخة كاملة : سوالف ماهوب يسمج طعمها


علي بن مسفرالحبابي
28-08-2006, 11:08 AM
قصيده موعظه وحكمه للشاعر فيصل الرياحي انقلها لكم مع التحيه للجميع


سبحان محص الناس جيل بعد جيل=وأرزاق خلقه بين خلقه قسمها



وأرسل لهم فالكتب قرآن وإنجيل=وسيطر على كل الأمور وحكمها


ياللي تخيل الناس قلي وش إتخيل=الناس مولاها يراقب ذممها


مانته معدلهم على الكيف تعديل =خل العظام كسارها في لحمها



ورفيقك اللي مايراعيك بالحيل=جرب حقيقة رفقته من عدمها



حده على بعض القصا والغرابيل=يبين لك منها قفاها وفمها


إن كانها رفقة مجامل وتمثيل= جرت بعيرٍ جاء الرشاش ودهمها



إعرف ترى مالك وراها محاصيل=وأبرك لك إنك طالعٍ من غسمها


ولاتستمع في تاجر القال والقيل= ناسٍ تبيع بـ (سوق قالوا)ذممها



حساد والحساد دايم مغاليل=عين الحسد ماوفق الله سهمها



الحاسد النمام مقهور وخبيل=عقرب وضم تلدغ وتزبن وضمها



وراقب ولي الكون بالصبح والليل=اللي حصد روس الطغاه وصرمها



ترى الغرور أكبر مرض للرجاجيل=ليا حل بالنفس الشجيعه هزمها



لك موعظه في سورة العصر والفيل=أصدق من الأبيات واللي نظمها



وإجلس مع ثقاة الرجال الحلاحيل=جلسة حلاحيل الرجال إغتنمها



تلقى مجالسهم مزوح وتعاليل=وسوالف ماهيب يسمج طعمها



تاخذ بها حكمه وعرف ودواليل=ويبعد شقا روحك ويبرد نسمها



إرفع مقامك كنك الجدي وسهيل=وناس تبادلك إحترام إحترمها



المرجله تقسيم بين الرجاجيل=ماهي مطيه من شراها وسمها



هاذي مثايل شعر مثل القناديل=تجلا ظلام القلب للي فهمها



من هيض هاجوسٍ تدفق كما السيل = تجي له الأبيات لو ماعزمها

سعود الحبابي
28-08-2006, 12:28 PM
لا هنت يابو فيــصـــــــــل
القصيده ثمينه وطيبه وانت اطيب
يالغالي

عبدالله بن غفره
28-08-2006, 04:31 PM
أبو فيصل

يعطيك العافيه على هالقصايد الطيبه اللي من طيب راسك


صح لسااان أبو بدر

ولا هان أبو فيصل

علي بن مسفرالحبابي
29-08-2006, 11:01 AM
لا هنت يابو فيــصـــــــــل
القصيده ثمينه وطيبه وانت اطيب
يالغالي



ارررررررررررحب ياسعود والله يحييك

يعطيك العافيه علي المتابعه

جبل بن زيد
30-08-2006, 10:59 PM
السلام عليكم ورحمة الله وبركاته


أرحب أرحب يابو فيصل تراحيب المطر


صح الله لسان الشاعر

وصح الله يمنا الي يجيب كل علم غانم


تقبل وافر التحية والاحترام

عبدالله المهداني
30-08-2006, 11:51 PM
لاهنت يابوفيصل


وجعلني ما اعدمك

وصح لسااااان ابوبدر


على هذه الرائعة

تحياتي

علي بن مسفرالحبابي
06-09-2006, 11:26 PM
أبو فيصل

يعطيك العافيه على هالقصايد الطيبه اللي من طيب راسك


صح لسااان أبو بدر

ولا هان أبو فيصل



هلا وغلا ابومحمد

حضورك ومتابعتك تكفيني طال عمرك

دمت بكل الود يالغالي

ظافر القحطاني
08-09-2006, 09:59 AM
أرررحب يابوفيصل


بيض الله وجهك لاهنت على النقل

سعد بن سعيد بن فالح
08-09-2006, 10:54 AM
لاهنت يابو مسفر
صح لسان الشاعر
وسلمت يمناك على نقلها

علي بن مسفرالحبابي
09-09-2006, 05:24 PM
السلام عليكم ورحمة الله وبركاته


أرحب أرحب يابو فيصل تراحيب المطر


صح الله لسان الشاعر

وصح الله يمنا الي يجيب كل علم غانم


تقبل وافر التحية والاحترام

البقاء يابومسفر والله يحييك لاهنت علي المرور العذب

والمتابعه المستمره لاهنت يالغالي

حكيم الشور
16-09-2006, 09:39 AM
أرحب أرحب يابو فيصل تراحيب المطر


صح الله لسان الشاعر فيصل الرياحي

شاعر اطرب له في المحاوره والنظم

وصح الله يمنا الي يجيب كل علم غانم


تقبل وافر التحية والاحترام

شافي الحبابي
20-09-2006, 11:49 PM
لاهنت يابو فيصل
صح لسان الشاعر فيصل الرياحي
وسلمت يمناك على نقلها

قحطاني من دبي
26-09-2006, 12:22 PM
ياسلالام علي الرياحي شاعر فحل
ومبدع في النظم والمحاوره قصيده من راس شيخ كفو
تحياتي وشكري وتقديري لك يابوفيصل
علي ماتقدم وما تطرح من خلال هذه المنتدي
فانت من المشرفيين المتحركيين والذي لهم
دور كبير في نجاح شبكتنا الغاليه

علي بن مسفرالحبابي
08-10-2006, 11:51 PM
لاهنت يابوفيصل


وجعلني ما اعدمك

وصح لسااااان ابوبدر


على هذه الرائعة

تحياتي


هلا ابوسعود ومرحب الف والله لايهينك

علي بن مسفرالحبابي
11-12-2006, 02:45 PM
أرررحب يابوفيصل


بيض الله وجهك لاهنت على النقل


حياك

الله

ولاهنت

علي

المرور

يالغالي

@ابوريان@
11-12-2006, 04:27 PM
اخي العزيز


علي بن مسفرالحبابي


تحيه اعجاب بك من اخوك الصغير لشخصكم الكريم

حمد بن مسفرالحبابي
18-12-2006, 12:16 PM
لاهنت يابو فيصل
صح لسان الشاعر فيصل الرياحي
وسلمت يمناك على نقلها

قحطاني من دبي
01-06-2010, 05:32 AM
رحمه الله علي الرياحي
شاعر علم فقدته الساحه

قصيده فوق الخيال والوصف

بيض الله وجهك يالحبابي