المساعد الشخصي الرقمي

مشاهدة النسخة كاملة : قحطــــان طاريهم يهز الشيـــاطين


مشخص الفهري
17-04-2006, 11:46 PM
السلام عليكم مساكم الله بالخير

هذه القصيده رد على احد الاشخاص

من القبائل المجاوره واتمنى ان

تحوز على رضاكم والمعذره

على القصور


حنا الزحول الشامخين الدنادين = اهل المواقف والفعول العجيبه

حنا هل الطاله صعوط المجانين = بين العرب عز ومكانه وهيبه

حنا هل الدنيا وحنا هل الدين = تاريخنا كل الرجال تحكيبه

حنا ليا غارت جموع المغيرين = خيالنا ينطح ويدحر كتيبه

قحطان طاريهم يهز الشياطين = ابليس لاذكرو يصيبه مصيبه

قحطان لاركبو على الخيل قاسين = الحظ قايم والضرايب عطيبه

قحطان في كل المواجيب وافين = اصل العرب ساس الجدود العريبه

من حد نجران العريضه ليا الرين = ديارنا مافيه شكه وريبه

ومن خلقت الدنيا من شهور وسنين = من نجد ما جا للقحاطين غيبه

كم لابة من نجد راحو مقفين = يبونها وراحو سواة الذهيبه

اثبت اقوالي لو الناس دارين = اذكر الناسي ويذكر حريبه

يوم العرب في سالف الوقت غازين = كل(ن) على الثاني يجرب نصيبه

بافعالنا في قمة المجد بادين = والي نبيه بسيف خالد نجيبه

بافعالنا حنا الرجال المسمين = شخنا وسمتنا العقول اللبيبه

ذباحة شيوخ الرجال المعادين = لباسة الجوخه خصوم الغليبه

وخوينا قدره على الراس والعين = الموت من دونه شربنا سريبه

والجار في عزه وقدره موصين = في قربنا تسهل عليه الصعيبه

ونطلق على شوف الضيوف الحجاجين = لاكشرت بعض الوجيه الغضيبه

والي يناسبنا له الجانب الزين = رجالنا يفخر بقربه نسيبه

يشهد على ماقول ناس مقيمين = مطير والغلبا وتشهد عتيبه

يشهد لنا ابن حميد هووابن حثلين = وابن الدويش وكل فارس غزيبه

وشيوخنا روس الرجال الحكيمين = ظلع يزبن من تخلى صحيبه

الشيخ ابن هادي زبون المخلين = الي خذا الشيخه بفغله وطيبه

واذكر بعد شالح وذيب القحاطين = كم شيخ قوم(ن) جاه ذيب وسريبه

والشيخ ابن شفلوت شيخ الميادين = في جرته يشبع مزعزع قنيبه

ومنا ابن لبده والمهادي سلاطين = عدوهم يلقى مذله وخيبه

والي خذا في الثار تسعه وتسعين = ابرز مواقيفه وبان ودريبه

وجراب والغربي سواة الشياهين = وشلوان لاجاة الليال العصيبه

وشيخ الهواجر من زحول الشباعين = ياسعد منهو فاللقا يعتزيبه

كل(ن) له افعال ومكان وموازين = ماقول هقوات القبايل قريبه

كل القبايل في ذرى العز ماشين = نعم القبايل بارض مكه وطيبه

وملا ذكر ربعه عسى حظه الشين = عسى على قبره تحط النصيبه

قلته وانا مشخص وباسم القحاطين = وماجابت الدنيا العريضه تجيبه

صلو على محمد ختام النبيين = جاهد وحارب كل بدعه غريبه

وسلامتكـــــــــم

حسين آل حمدان الفهري
17-04-2006, 11:53 PM
مشخص الفهري

السلام عليكم

صح لسانك
قصيدة جزله ومعبره ووافيه

مسفر بن حسين بن نومه
18-04-2006, 12:02 AM
مشخص لا عدتمتك

بيض الله وجهك وافيه وكافيه

صح لسانك وعلا شاااانك يا كحيلان



تقبل فائق تحياتي


اخوك مسفر بن نومه

مشخص الفهري
18-04-2006, 12:36 AM
حسين ال حمدان

قريشي وخواله ال سليمان

لاهنتو على المرور وبيض الله جيهكم

بن فردان
18-04-2006, 08:41 AM
السلام عليكم ورحمة الله وبركاته
صح لسانك وعلا شانك
ابدعت فأحسنت
تحياتي والى الامام

(المهداني)
18-04-2006, 01:19 PM
أرحب يامشخص

لاهنت ولاهان قدرك على القصيدة...

كلامٍ جزل وأشهد ان راعيها ماكذب...

صح اللــه لسانك.

سعيد بن مذي
18-04-2006, 01:36 PM
صح لساانك

ولاهنت وابيض وجه

أبو عساف
18-04-2006, 02:32 PM
الأخ العزيز مشخص الفهري

السلام عليكم
بيض الله وجهك وصح لسانك
أنت وافي ومن ربع وافين ولاهو غريب عليك الطيب ياذيبان

تشرفت بالمرور سجل أعجابي فيك وفي القصيده

أخوي مشخص تقبل فائق احترامي وتقديري لشخصك الكريم


أخوك / سعيد بن علي بن سعيد آل حمدان آل سالم الفهر 0




كااسر

ابن جلاله العبيدي
18-04-2006, 07:41 PM
صح لسااااااااااااااااااااااااااااااااااااااااااااانك


ابيض وجه لاااااااااااااااااعدمناك

مشخص الفهري
19-04-2006, 05:56 PM
الله لايهينكم يالربع على المرور وبيض الله وجيهكم

متعب الهاجري
19-04-2006, 06:25 PM
هالله هالله


جزله من جزل ونعم في جمووووووووع القحاطين جنوب وبنجد وشماله وشرقه وافين وافين




لاهنت وصح لسانك يالامير

سلطان العبيدي
19-04-2006, 10:10 PM
صح السانك


يا مشخص الفهري


قصيده وافيه

عبدالله المهداني
20-04-2006, 02:41 AM
صح لساااااااااااااانك


وبيض الله وجهك يا وجه بني شدااااااااد


واااافيه من واااافي


لك تحياتي

مشخص الفهري
20-04-2006, 04:43 PM
الله لايهينكم يالربع على المرور

وبيض الله وجيهكم لا خلا ولا عدم

عيد المسردي
21-04-2006, 02:07 AM
مشخص صح السانك ملايين

قصيده وافيه من وافي

عندي استفسار يا مشخص انت راعي تبوك ولا اسم على اسم

وتقبل تحياتي:

اخوك : عيد المسردي

صقور بني هاشم
21-04-2006, 04:40 AM
ايه بالله صح لسانك

قحطان العروبه
21-04-2006, 06:38 AM
والله والنعم

صح لسانك اخوي ولا هنت

مشخص الفهري
21-04-2006, 08:22 PM
عيد المسردي

صقور بني هاشم

قحطان العروبه

لاهنتو على المرور

وبالنسبه لاستفسار

اخوي عيد اقول صدقت

ياذيبان

سعود الحبابي
16-09-2006, 09:10 PM
صح السانك يا مشخص
وبيض الله وجهك على هالقصيده
لكن يا خوي مشخص انا بغيت انسخ القصيده او اطبعها
حاولت وما قدرت
كيف الطريقه
الله يوفقك و يرعاك وتقبل تحيات اخوك/ سعود الحبابي

عبدالله العلي
19-09-2006, 07:58 AM
مشخص الفهري

اقف عند هذه الاسطوره التي سطرت الماضي والحاظر


ابيات مكتوبه بذهب والاماس


جعلني والله ما ابكيك يا ذخرنا


تحياتي

محمد بن مسفر بن جليد
14-03-2010, 02:07 AM
جزال يا مشخص سجل اعجابي

صالح حسن الكيرعاني
14-03-2010, 09:51 PM
صح الله لسانك وعلى الأخرى عانك

جناب الهضب
14-03-2010, 10:07 PM
قلته وانا مشخص وباسـم القحاطيـن وماجابـت الدنيـا العريضـه تجيبـه

صلـو علـى محمـد ختـام النبييـن جاهد وحـارب كـل بدعـه غريبـه
ونعم وصح لسانك