​‏​‏​‏​‏​يا سلامي يا عبيده يا صبيان الزحام
يا رجالٍ ورثها الطيب من جدانها

يا سلامي يا عبيده متيهة الجهام
لابةٍ من ماضي الوقت عالٍ شانها

يا سلامي يا عبيده يا مروين الحسام
في نهار الهوش ما تنهزم فرسانها

ياعبيدة لابتي يا رفيعين المقام
لابةٍ تستوفي الدين من ديانها

ياعبيده يا سيوفً تقصون العظام
يا سيوف الهند شرً على عدوانها

كاسبين النعم والمدح في شرقً وشام
لا غرابة ذي عبيده لها مكانها

يا هل الناموس ربعي موردة الحيام
ترجع حقوق القبايل ليا حقانها

قسمنا وسط القبايل من علو السنام
لابةٍ من طيبها راجح ٍ ميزانها

وأن دعانا داعي العز والله ما يضام
يبشر بجمع يهول العداء وأذهانها

حن عبيده مشعل الحرب مروين السهام
نكسب الطالة وعند اللقاء صبيانها

حن هل الطالات وفعولنا تجلا الملام
حن رجال الحرب لا ثورت دخانها

حن هل العادات وسلوم وعلومٍ جسام
ورث طيب ٍعند الأجيال من شيبانها

والعدو لما ذكرنا يفز من المنام
والنفوس الشيطنة يختفي شيطانها

و الخوي في سلمنا له معزه و إحترام
وضيفنا يكرم من الحيل جل سمانها

و القبايل كلها حقها وافي وتام
حضرها والبدو و اللي على شطأنها

والنواميس أتجددّ لنا في كل عام
صحبة ٍ ما تافي إلا مع صحبانها.

__________________

صح الله لسان بن ضمدان ولا هنت يا حمد على نقل

__________________

صح لسان الشاعر ابن صمدان الجربوعي ولاهنت يابو سعيد على النقل

كنت في جوله وكلما جيت لي بدوي لي ترحيبته رديه وضوه طافيه ومعظمهم مايرحب

الا اهل بيت وجدت فيه اولاد صغار بالسن وتلزموا في ولا فكوني بعد يوم لكني حنيتهم ولاقلطت

ويوم جيت عند هذاك الواحد ليوم رحب ترحيبته جيده وليوم كز الضو قبل مااسكر باب سيارتي

ويوم نشدته من انت قال انا ابن صينه الفهر

ويوم نشدته من اهل البيوت الي مريت لي مافيهم عبيدي الا العوال الي نشبوا في مابغوا يفكوني وقلت منهم قال عيال عايض بن حبشه ال سليمان

قلت

البقاء بك يامرحبنا العبيدي ------------ جعل عيني مابكت ربعي عبيده

يكرمون الي خطاويهم بعيدي ---------- والمسيَر له تراحيب جديده

اشكرك على النقل وبيض الله وجه ابن صمدان وعبيده يطلقون لسان من مدحهم

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

أخوي حمد

صح الله لسانك ولسان الشاعر

إختيار موفق وفقك الله

كل عام وأنت بخير

بيض الله وجهك .

__________________