هديه للشعر والشعراء

من اجمل الشعر اللذي قرئته قصيده للشاعر حمد هادي المسردي

والسؤال هل من شاعر يضاهي حمد؟

يقول"
نحمد الله يومني من عريبين الجدود

من قحاطينن ليا جاهم الضيف اكرموه
لا لقاهم مستجير(ن) من الخوف محدود

لاذ بحماهم ويلقى السعد لاجـــــوروه
فكم بذلت من المعاريف في كل الوجود

يوم بعض الناس معروفي السابق نسوه
واحسب مماللجمايل على الدنيا جحود

لين معرفي بذرته بناس وجــــــــــحدوه
واشهد ان من يفعل الجود فيمن لا يجود

مثل من حجج على غاربه ذباح بوه
مايلا قي ردها غير نكرانن وزود

لو تحده دنيته وانتخاهم جنبوه
بعضهم يلحف علن وبالخفا ينقض عهود

البلا في داخله بالنظر ماشخصــــــوه
لوتشوفه قلت له ماعليه اليوم زود

واكثر الناس مثلك عنـــــــد هذا ايدوه
فلا تغرك غيمه الصيف ببروق ورعود

ولا يغرك يالخوي بالملا حسن الوجوه
ذا زمان العولمه استوى بيض وسود

الغبي يافرحته والحكيم اللي يـــتوه
قالها اللي وارث الشعر عن اب وجدود

دنيته وايامها واليالي درســـــــــــــــــوه

الله الله ..

جعل يمنآك ماعطب ياماجد ..

والله يرحم قايلها ويجعله من اهل الجنه ..

لن يتكرر حمد المسردي ..

ولاكن السماء نجومها واجد ..

تقبل مروري يا القرم ..

__________________

لاهنت ياماجد على الهديه والله يرحم المسردي وصفه نادر

هدية ولا أحلى يابو مقبل ....
وبيض الله وجهك مليون...
حمد اسطورة.....
وشعراء قحطان بهم الخير باذن الله...
تقبل تحياتي...

__________________

بيض الله وجهك يابو مقبل.....
حمد بحر من بحور الشعر....
وانت كفو وماجبت الا كفو....
تسلم يمناك على النقل الرائع ...
وبلا شك ننتظر جديدك انت....
تقبل مروري وتحياتي....
ا×ــــوكـــ: الهــبـــــ(فــــهـــــد)ـــــــاش....

صح لسان المسردي

وبيض الله وجهك يا المقبل على هذا النقل ..

__________________

هلا بك راكان النجوم واجد والقمر واحد

حمد في جيله وتاريخ لمن بعده ومعجزة التاريخ