بسم الله الرحمن الرحيم

السلام عليكم ورحمة الله وبركاته ، وبعد :

هذه المرثية في عمي الفقيد الغالي / مبارك أحمد بن وعلة القحطاني .

رحمه الله رحمة واسعة ، وأسكنه فسيح جنانه ، وألهمنا الصبر والسلوان في مصابنا الجلل ، إنا لله وإنا إليه راجعون .

[poet font="Arial,5,white,bold,normal" bkcolor="transparent" bkimage="backgrounds/10.gif" border="double,4,green" type=0 line=350% align=center use=ex length=0 char="" num="0,black" filter=""]
يالله ياللي عباده تشفق لصومه =تلطف بحالِ عناها تو ما جاها

الآجال بيد الولي تكتب ومحتومه =كم حلة هادم اللذات بكاها

والله ماشره على قلبي ولا لومه =ولا لوم عين لعمي سبلت ماها

ويش لون بالومها لاشافت رسومه =وعلومه الطيبة لا ما تحاكاها

الشايب اللي يصلي الليل ويقومه =لعل روحه جنان الخلد مأواها

يا ليت للموت ماريات مفهومه =وتسلم هل الطيب منها واتعداها

الله يجبر مصاب عياله وقومه =في فجعة الشايب اللي محتملناها

من أول لابته بالحيل مخدومه =وأهل المطاليب ما ترجع بلياها

وأهل السلف لأصبحت للمال ملزومه =يطري على أهل العدم لا خلي مخباها

اللي وجوده ينسي الوقت ورخومه =لما هدر لجة الحشوان برغاها

عز القبيلة خذاه الموت بكمومه =راح وتركنا بدار شانت حلاها

عز الله إن حظ ربعي كثرة ثلومه =لا والله إلا سنون الذيب شفناها

والشر لسرج خيوله غارت سهومه =يفطر بناس وناسٍ ايتعشاها

عقبه ثقتنا في بعض الناس معدومه =إلا شقيقه جملها لا وضعناها

وقت السعد كل ماله طاحت نجومه =ومصيبتي لا تهون ولا أقدر أنساها

هني عين يجيها النوم وتنومه =ما حاربت لذة النوم وتعاداها

وهني كبد غُفل ما هي ما سومه =ما مرها جور دنيانا ولا أذاها

والعبد يصبر لحكم الله ومقسومه =إن قبلها طيب وإلا غصب يرضاها

لاشك ربعي بعد ما صار مكلومه =وأيامنا الله يخارجنا من أتلاها

لكن عوضنا محله الله يدومه =الشايب اللي حقوق الكل يرعاها

الشيخ ابن وعلة اللي تعرف علومه =اللي ليا ثقلت القالة تبناها

شيخ لنا جعل ربي يبطي بيومه =شيوخنا اللي عسى الرديان تفداها

اللي بهم نبدي المشراف ونرومه =ونقهر ظروف الليالي ونتحداها

واستغفر الله ولا به نفس معصومه =عسى لساني من الزلات يحماها
[/poet]
دمتم في حفظ الله ورعايته .

أخوكم / أبو مشعل .

__________________

صح لسانك اخوي 00مبارك
ونسأل اللهالعلي القدير في هذا الشهر الكريم ان يتغمد الفقيد بوسع رحمته
انا لله وانا اليه راجعون

صح لسانك ورحم الله ميتكم/ مبارك بن أحمد الزهيري وأسكنه فسيح جناته وجمعنا به وإياكم في الجنة

إنا لله وانا اليه راجعون

__________________

رحمه الله وتغمده بواسع رحمته
واسكنه فسيح جناته
اااااااااااامين

[grade="00008B FF6347 008000 4B0082"]احسن الله عزاكم فالشيخ

ومانقول الا الله يرحمه رحمة واسعة

ويجعله من ضيفان الجنة[/grade]

__________________

الله يرحمة امين
وصح لسان الشاعر

صح لسانك يا محمد

والله يرحم عمك ويغفر له

__________________

صح لسانك يا ابو علي
والله يرحمه برحمته ويتغمد روحه الجنة
والبقى في روس الباقين

مبارك بن على

رحم الله الفقيد واسكنه فسيح جناته

والهم ذويه الصبر والسلوان

والفقد واحد عليكم وعلينا والله المستعان


حفظك الله

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]