(الـتضـحية دون الـوطـن)

[poem=font="Simplified Arabic,7,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
وشلون ما نفخر وقادتنا من اطوال العمار=أولاد وأحفاد الملك عبدالعزيز ابن سعود
أشهد شهادة حق بن الحر خلف له حرار=والسان حال اليوم يشهد والمعارك على الحدود
ياسيدي خالد ولد سلطان رمز الإفتخار=يشهد لك التاريخ بفعالك وخلق الله شهود
شاركتنا ياسيدي في المعركه ليل ونهار=وقفت علجبهه بنفسك بين ضباط وجنود
كذا ضربت أروع مثل في التضحية والإنتصار=ما يحصل إلا بالشجاعه والتقدم والصمود
من دون حدك ياوطنا والعقيدة والشعار=لرواح نرخصها وعاهدنا ونوفي بالعهود
هذا من الواجب علينا وايهبا اللي ما يغار=التضحية دون الوطن واللاش جعله ما يعود
عدونا حنا نضده مارضينا بالفرار=وحب الوطن فينا غريزة وارثينه ملجدود
يشهد علينا الخط ألاول لحظة فيها إنتحار=كلا(ن) يقول أنا لها مافيه رجال(ن) شرود
ويشهد جبل دخان بسمه يوم ولعناه نار=إلين حررناه غصب إبلا شروط ولا قيود
أشرف وطن وأغلى وطن وأفضل وطن وأحب دار=نفدي ثراها بالدماء برواحنا عنها نذود
حنا حماة أرض الوطن بر وسماء وأيضاً بحار=الصدق فينا والولاء يبقى على مر العقود
لبيه يا دار(ن) رسول الله ولد فيها وسار=أطهر بقاع الأرض ما جوها النصارى واليهود
غلطان يالحوثي وقولوا له بعد حسن الجوار=يحسب عواقب غلطته جاه المواجه والردود
ويعلم اللي ما درى عنا ويشرح ويش صار=إيعلم الحيين منهم كم هم اللي في اللحود
هذي الرساله الأوله والجيش في وضع إنتشار=ضد الطغاه المعتدين وكل طماع وحسود
بسم الملك والشعب والدولة وهو راع القرار=جينا نقدمها وحنا تحت حكم ابن سعود[/poem]

الشاعر
ناصر علي بن شتوي القحطاني

ارحب يا ناصر


والله انك وافي ومطلق وجززززززززل


صح الله السانك ياناصر مدد بلا عدد

__________________

[poem=font="Simplified Arabic,7,blue,normal,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أشرف وطن وأغلى وطن وأفضل وطن وأحب دار=نفدي ثراها بالدماء برواحنا عنها نذود
حنا حماة أرض الوطن بر وسماء وأيضاً بحار=الصدق فينا والولاء يبقى على مر العقود
لبيه يا دار(ن) رسول الله ولد فيها وسار=أطهر بقاع الأرض ما جوها النصارى واليهود
غلطان يالحوثي وقولوا له بعد حسن الجوار=يحسب عواقب غلطته جاه المواجه والردود
ويعلم اللي ما درى عنا ويشرح ويش صار=إيعلم الحيين منهم كم هم اللي في اللحود[/poem]

أرررررحب يابوتركي

الله الله الله
عليك شاعر ومبدع كما عهدناك
وأتشرف بالرد على هذه
القصيدة اللتي حقيقه جزله ومن شاعر معروف له باع طويل
في الشعر والمحاوره تقبل تحيات أخوك ومحبك

__________________

يعطيك العافية يا ابو تركي

شاعر معروف ولا تجيب الا السمان

وشهادتي فيك مجروحه

تقبل مروري وتحياتي

__________________

أرحب يا بو تركي ..

صح الله لسانك يا وجه الحباب ..

قصيدة جزلة ووافية ..

لاهنت ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..