لو ان عندي مثل ماعند الوليد بن طلال ,, جدلانيات

من جديد ابن جدلان

[poem=font="Tahoma,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لوّ إن عندي مثل ماعند الوليد بن طلال=شريت برج الفيصليه لجل اغيظ المملكه
ماهو على شان الجنيه ولا على شان الريال=لكن على بالي طرى شيٍ تمنيت أدركه
غروٍ غريرٍ غرّره زينه ومطغيه الدلال=لاشاف له شيٍ يبيه فظرف لحظه يملكه
اللي سواته وبسهوله يملك قلوب الرجال=اليا لمح له درب في قلب الرياجيل سلكه
هذا وأنا ماشفت منه إلا التمنّع بالوصال=كفي من الحسرات لامني تذكرت افركه
يحبني وأدري بحبه مير ماجالي مجال=أجلس معه جلسه وهذا الوقت ما فيه بركه
يطري علي مع السهر وأخذ ثلاث/أربع ليال=تقول كن العين ظبي وحضرة الليل شركه
صوته ليا جاني ظما يسقيني الميّ الزلال=وساعة غيابه تدخل عيوني ونومي معركه
شفايفه جمرٍ وأنا شاعر سريع الإشتعال=الله أشغلني به وغيري ما أشغله إلا كبكه
لبّا عيونه والشعر لاحط شال وشال شال=إن طوّله وإن قصرّه وإن سعوّده وإن أمركه
ولبّا النحيل اللي تحمّل شيلة حمولٍ ثقال=ولبّا الثقال اللي ولو وقّف يجي فيه حركه
إليا قفل جواله أظلم كل ما حولي ومال=فكري لتيار العذاب وكل طاروق إمسكه
وأصبحت أهوجس ما تقول إلا الوليد بن طلال=مع إني أفقر شخص عايش في حدود المملكه[/poem]

__________________

الله الله الله الله


يابو فيصل

أنت تدري ان الناااااادر ما يجيب الا نوادر وانت من نوادر الرجال ولا تجيب الا الشي الطيب


وبن جدلان اسطووورة شعر


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح الله لسان القايل والناقل


ابن جدلان لا يختلف على شاعريته اثنان


مبدع في الا ختيار يا ابوفيصل



لاهنت يالذيب

شفايفـه جمـرٍ وأنــا شـاعـر سـريـع الإشتـعـال

الله أشغلنـي بـه وغيـري مـا أشغلـه إلا كبـكـه

صح لسانك يا بن جدلان واقول جبتها عالجرح .......يا بو عابد ............. شكرا على هذا النقل الراااائع



وتقبل خالص الود ,,,,,,,,,,,,,, ابن القبيلة

__________________
لا تمــــشي خلفي قد لا أقــــودك ولا تمـــــــــشي أمـــــــــامي قد لا أتبعـــــك ولـــــــــــــــكن دعنــــا بجــــانب بعض ونـــــكـــــون أصـــــدقــــاء









من حسن إســـــــــلام المرء تركــــــــــــه ما لا يعـــــــــــــنيـــــــــــــه .

عـــــــــــــــــــــــفوا أخ علي

__________________
لا تمــــشي خلفي قد لا أقــــودك ولا تمـــــــــشي أمـــــــــامي قد لا أتبعـــــك ولـــــــــــــــكن دعنــــا بجــــانب بعض ونـــــكـــــون أصـــــدقــــاء









من حسن إســـــــــلام المرء تركــــــــــــه ما لا يعـــــــــــــنيـــــــــــــه .

لا هنت ياعلي وبارك الله فيك

بسم الله الرحمن الرحيم
السلام عليكم ورحمة الله وبركاته


انا اشهد انها قصيدة جزله


لاهنت يا ذيبان

__________________
سبحان الله وبحمد سبحان الله العظيم

بيض الله وجهــــــــك يا الوافي

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

صح لسان الشاعر و بيض الله وجهك يالغالي على النقل

تقبل تحياتي

دمت بود

بسم الله الرحمن الرحيم
السلام عليكم ورحمة الله وبركاته

بيض الله وجه الشاعر

لاهنت والله يعطيك العافيه


تقبل مروري.......

__________________