قصيده في جميع قبائل الجزيره العربيه

هاذي قصيده قريتها عن قبايل الجزيره العربيه
وحبيت انكم تشاركوني في قراتها


-----------------



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يالله ياخالق اراضين وابحار = الواحد المعبود رازق عبيده

الخالق الغفار علام الاسرار = وفرق شعوب الارض في كل يده

وابدي واسولف من عذيبات الاشعار = ابيات شعر والمعاني وكيده

اشري وابيع واعرف كيف بختار = واختار من جزل البيوت الفريده

وذ كرتراث وعز وامجاد وافخار = قبائل تومن بدين وعقيده

وصلت حضارتنا على سطح الاقمار = ابنا الجزير والجزيره مجيده

في ظل حكام لهم فعل واشوار = ال السعود اللي تفك الضهيده

نسل الزعيم الحاكم العادل البار = مجدد امجاد الجزيره بجيده

حتى اصبحت حره وحنا له انصار = في ظل اخو نوره هنوف سعيده

وصارت لابو تركي بطوله وتذكار = والفخر والامجاد تبقى شهيده

وخلف لنا املوك لهم فعل واخبار = الشعب واحد والقياده رشيده

والامن بانينه على ساس وجدار = وقرو على العابث عقوبه شديده

وحنا حماة الدار من كل غدار = وما همنا بطشه وخبثه وكيده

قبائل مالحقناهم اوعار = وعشنا بهذي الدار عيشه رغيده

والحمد لله نحمده سر واجهار = شعب تكاتف من سنين مديده

ودون الوطن جيش على كل معبار = لارفرف البيرق ونادى عقيده

بشرق البلاد وغربها دوم حضار = وارض الشمال اللي نفوده مديده

وارض الجنوب اللي تخيضر بالاشجار = جزيرة فيها القبايل عديده

ارض بها قحطان وافين الاشبار = وياعز منهم بالشدايد بسيده

واذكر عتيبه يوم للطيب مغوار = لا ثارت الهيجا وقرب ضديده

وشمر هل الطولات والجود مقدار = اهل الكرم واهل الفعول الحميده

وقوم اعنزه مروين الاخصام الامرار = اولاد وايل من عصور عهيده

ومطير قوم تكرم الضيف لا زرار = وياويل خصم في حراهم وعيده

واذكر قبيلة حرب يانعم الاخيار = وتاريخهم يحكي سطور مجيده

وسبيع نعم القوم ووجيه الاسفار = زبن الدخيل ليا زبن من طريده

واذكر قبيلة يام والطيب يندار = اهل العلوم الوافيه والرشيده

ثم الدواسر تجعل الخصم منهار = عيال زايد عز منهم سنيده

ثم السهول اللي لها الطيب مدرار = وعن منهج العادات ماهي محيده

ثم اذكر العجمان حماية الجار = والمرجله والجاه فيهم عتيده

واذكر بني مره طويلين الاعمار = ما ينقد المري ولا له نقيده

ثم الهواجر لابة تقدح النار = اهل الركاب اللي خطاها بعيده

واذكر بني خالد قبيلة وامار = قوم لهم في المجد قول ورصيده

وبني تميم اللي لها الطيب مصدار = بني تميم وكل فعل تجيده

ثم الزعوب اللي بها الخصم يحتار = شجعان ماترضى سوا ماتريده

العازمي وافي وفي الطيب بيطار = روحه على كل المصاعب صميده

ثم الظفيري في المصاعيب جبار = والطيب والامداح باصله وطيده

ثم اذكر الاشراف بجلال واكبار = اهل الحجاز اللي تفك الزهيده

ثم الهذيلي له مواقف ومندار = راعي الفخر راعي العلوم السديده

ثم البقوم اللي لهم جيش وامهار = ريف الضيوف ليا لفاهم وليده

واذكر ثقيف اللي لهم مجد وآثار = ومهما حسبنا من كلام نعيده

وبلحارث اهل العز بشهود واقرار = ا لحارثي ياطيب فعله وجيده

والمالكي معروف لا صار ما صار = في موقف اهل الطيب يبذل جهيده

واثني تحياتي عدد وبل الامطار = على سليم وكل خصم تكيده

واذكر جهينه هل مواقيف وادوار = تلقى الجهيني راسم الطيب بيده

واذكر بلي والمجدله فعل واظهار = وتاريخهم يحكي فعول فريده

وبني عطيه في المواجيب حضار = قوم بوقت الجد قوم عنيده

ثم الحويطي والكرامه له اشعار = ثم الشراري له فعول مفيده

ثم الرشيدي في الصعيبات صبار = على علوم الطيب فعله يزيده

وباقي جنوب الدار والقاف مادار = باقي على قلبي كلام واشيده

زهران نعم القوم في وقت الاضرار = والخصم عينه من لقاها سهيده

والغامدي معروف له عزم واصرار = راعي المراجل والعلوم المفيده

وشمران قوم والجمايل لها اطوار = وبلقرن سم للقلوب النكيده

والاكلبي والمحلفي مابعد بار = والحارثي طيبه وفعله يشيده

وبني شهر وبني عمر سيف بتار = قوم على الاخصام نار وقيده

والاسمري والاحمري صيتهم سار = بين القبايل والمواقف شهيده

واذكر عسير الهول ذربين الاذكار = وابها احتموها فالسنين الشديده

وادهم والصيعر على حد الاقطار = يحمون حد الدار من اللي يريده

وامشي مع الساحل مع جمله افكار = رسمتها والطير زان اتغريده

وانزل على جيزان تاريخ واديار = ورجال فيفا والقبايل عديده

وارجوا العذر واهل المواجيب عذار = الي نسيته مانذكر في القصيده

الواهبي عدد ابيوته بالادوار = من شاعر ماشل قلبه حقيده

شهران ربعي هم هل المدح والكار = واهل الكند واهل السيوف الجديده

يوم البلد مايامن الزند لاثار = زيزومنا ابن مشيط نعم الوليده

فالجهل شجعان وفي السلم تجار = من بطن بيشه للتهم لارفيده

حبيت ابين موقفي بين شعار = وارجوا سموحتكم على ذا النشيده

ماحب انافق واتعنصر تعنصار = ولا ني باطيع اهل العقول البليده

ما كل من طب البحر قيل بحار = وما كل من شل الفشق جاب صيده

فالشعر بستان به ورد وازهار = واللي تعداها بيوته فقيده

واقولها في الشعر تكرار وامرار = ضرف بلا عنوان يلغى بريده

وبعض السوالف له مواقف ومحضار= وشعر بلا معنى لزوم نبيده

وصلوا على المرسول شفاع الابرار= محمد الهادي وقدوة عبيده[/poem]

(منقووول)

__________________
[frame="6 80"]عدت من جديد [/frame]

تسلم يابو ذيب على هذي القصيده
لاشلت يمناك

بس ماقلت لنا من الشاعر
يبدو لي من القصيده انه شهراني والا


++++++++
اسمح لي اعدل بس في تنسيق القصيده

__________________

لاهنت يابو ذيب وماقصرت

ابن الاروق

تسلم يمينك يابو ذيب

فارس آل رووووووووووق

تسلم يمين الي على الطيب رباك

شيخ المهادية

سلمت يمينك يا ابو ذيب على القصيده

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

سلمت يمينك , ومشكور ما قصرت

ابيات جميله جدا تجسد تلاحم وتقارب القبائل السعوديه

تسلم وماقصرت

ابو ذيب لاااااااااااااهنت


ارض بـهـا قحـطـان وافـيـن الاشـبـار============ويـاعــز مـنـهـم بالـشـدايـد بـسـيـده


لكن زبدة الحكي من هو صاحب القصيدة ؟؟؟


ولكم تحيات اخووووووووووووكم نجم سهيل

السلام عليكم ورحمة الله وبركاته

القصيدة لاحد شعراء شهران وهو/ مفلح بن عمير الواهبي الشهراني

وله ديوان يوزع حاليا بالمكتبات بعنوان مسك المشاعر والقصيدة موجودة فيه
وهي موجودة على هذا الرابط




http://www.shahran1.net/vb/showthread.php?t=3613