توقيف الناصريه

بالإدارة العامه للمرور بالرياض


سوء التنظم , صغر المكان , ممرات تستغل للنوم ، سحب من الدخان

وهو حجز للأشخاص المخالفين للأنظمة المرورية بطريقة غريبة جداً

تجمع عدد كبير من مختلف الجنسيات يصل بعض الإحيان إلا عدد خيالي

لاتتوقع أمكانية أسيعاب المكان لهذا العدد

ولكن يتم حجز هذا العدد الهائل في هذا المكان الصغير

دورات المياه أعزكم الله مقرفه بشكل غريب جداً

عدم التقدير للأشخاص كبار السن وعدم مراعاة المرضى

أحتكاك أشخاص يغلب على شخصيتهم العشوائية والفساد مع صغار السن

الصلاة في نفس المكان اللذي يتم فيه جلوس ونوم المواقيف

لعب البلوب وشرب الدخان في نفس المكان المحدد للصلاة

روائح كريهة جداً لا تقبلها حتى الحيوانات

الأكل عن طريق عامل البوفيه لو أعطاك أياه خارج التوقيف

لم تتقبله معدتك ولكن داخل هذا التوقيف كأنه مفطح


ما يقدرون المظلومين


إذا معك واسطة أمورك مصلحه



مقطع يبين حالة المواقيف


http://movie.abunawaf.com/2006/08/abo-nasryh.zip


عن طريق الإيميل مع أجراء بعض التعديلات


آتمنى أن تصل الرساله لمن لديه مقدره في الإصلاح



أنتبهو تقطعون الإشارة حتى لو أنها خضراء

__________________



ممصمنا المبدع
تركي العلياني
ألف شكر لك

السلام عليكم ورحمة الله وبركاته

الله يعين ،، والله يوم شفت المقطع

تذكرت الحج وافتراش الحجاج على الطريق

والله تزاحمهم في التوقيف كنه التزاحم في الحج كل واحد منسدح

بس خلهم يستاهلون اللي يخالفون الأنظمه ويسرعون

__________________

ههههههههههههههه يافارس قحطان

اللي ماعنده واسطه يبي يتفرش الأسياب مثلهم

__________________



ممصمنا المبدع
تركي العلياني
ألف شكر لك

السلام عليكم ورحمة الله وبركاته


ماعاد فيها واسطه



لامن مسكوك مامنهم فكه ،، الا ان كان تنحاش وتترك معهم اوراقك يصورون جنبها

__________________

أنا ما أعرفهم ولا بعد جيتهم يابو مسفر

__________________



ممصمنا المبدع
تركي العلياني
ألف شكر لك

خخخخخخخخخخخخخخخخخخخخخخخخ





والله الظاهر انك اللي منسدح وجنبه قوطي لبن






لاهنت



تقبل تحياتي,,

كنك داري ياسعد

وماقال كل هالانتقادات الا من قلب

__________________

السلام عليكم ورحمة الله وبركاته

الاخ بن غفره

كيف يخطي الواحد وتبيهم يفرشوله

المخطي يتحمل ما جاه

هههههههه


لاهنت والله يعين المخطي وتقبل كل الاحترام

__________________
00000000

الله يعين

الحقيقه موضوعك هذا يابو غاده ذكرني واحد صار له موقف لايحسد عليه
حيث كان ماسك الصف في حفله في إحدى صالات الافراح بالرياض وعند حوالي الساعه 11 مساءً طراله شغل واستأذن من زملائه وقال ربع ساعه وارجع لكم .
مايدري ماذا يخفي له القدر ؟
وعندما خرج بسرعه على باله بيقضي لزومه ويرجع لزملائه ويمسك الصف من جديد إلا والمرور السري يرصده ويبلغ إحدى الدوريات وهم يكفشون ابو الشباب وين ؟ وعسى ماخلاف وش ذالسرعه الله يصلحك ولا امداه يطلع الإثبات إلا وسيارته فوق الونش!
يالربع مايصير وراي شغل ضروري تكفون آخر مره طيب أخذو الاثباتات كلها واراجعكم بكره قالو مايمديك الله يعينك خلاص المقبل معنا على الجهاز وسمع البلاغ إغسل إيدك من الفكه.
والله خذوه وعلى التوقيف في الناصريه والله يلعنك يا إبليس وراح ربع ساعه ولحقه ارباع وعند الساعه الواحه بعد منتصف الليل احسو زملائه بأن تأخيره غير طبيعي وأكيد فيه شي
اتصلو عليه ومن حسن الحظ ان مسؤلي التوقيف تركو جواله معه وعندما كلموه الشباب . ألو عبدالله وينك سلامات؟
قال الحمدلله سلامات بس المرور قدر الله ومسكوني علشان السرعه وانا موقوف وتكفون افزعو لي ب............ إحتمال ما اخرج إلا بكره
قالو إلا اكيد ماهو بإحتمال انت بس دخلت الغريفه لاعاد تقول إلا خير
والله ويطقطقها المسكين 24ساعه بالدقيقه لا وليتها انتهت على كذا المفاجأه الأدهى انهم عندما قرب الإفراج عنه سوو بحث عن سوابقه ولقو عليه 600 ريال قالو ولا تعدى شبر إلا مسددها الله لايهينك ويكلم فاعل خير ولاقصر فزع له
والحين ماشاءالله لو تشوفه مايعديها 100كم حتى لو تقول له ادعس الطريق ذا مافيه ولا نجده يعني تاااب وافلح
وهذا بلا شك من إيجابيات هذا الإجراء حيث انه رادع بمعنى الكلمه ونتج عنه قلة الحوادث بمدينة الرياض بمعدل70% بحسب مصدر مسئول بالمرور

لاهنت يابن غفره

والله يعصم قلوب المسلمين من السرعه ويوفق رجال الأمن ويعينهم على هذه الجهود الفعاله

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

سعد



كنك تدق في واحد من الربع




.

__________________