شاهدو القحطاني وين وضع الحاشيين ومشى من بيشه حتى سراة عبيده ؟ بالصورة؟

هذا من صبيان قحطان ذهب الى عزيمه تخصه هو وزملائه عند احد زملائهم في محافظة بيشة وبعد ماوصلوا الى زميلهم وقام وأكرمهم وإذا بزميل له آخر فحلف بأن يهدي له هذه الحاشيين وطلق منها وقال هذه كرامتك مني فقال وين أحطها الان مشكله اولا المسافة بعيده جدا والسيارة صالون قال تدري قرب الونش للتحميل قالوا زملائه أنت صاحي ولا خبل يافلان وين تحطها فين قال أقول ساعدون وبس ؟؟

وقام وعقل الحاشيين ورفها بالونش حتى وصلت فوق (( العرشه )) الخاصه بالصالون وذهب بها من بيشة حتى وصل سراة عبيده وقد أستغرب كل من شاهد هذا المنظر واترككم مع الصورة

هداهك الله يافلان صاحب الصالون هههههههههههههههههههههههههههههههه

__________________

والله الكفو والصنيان ..هههههههههه


بس دامها حشوان الامر هيّن .. الشين لا جاتك القعدان ههههههههه


الله لا يهينك يابو صقر على ذي الصورة الطريفة .. وما يحتاج حفظناها بالجهاز ..


وعلى فكرة ترى الصالون كفو بيشلّها وبيشلّ غيرها ههههههههه


السلام عليكم ..
.

__________________

صاحب الصالون اعرفه شخصياً وقد سمعت بالقصة وعلى البال اسأله اذا قابلته ولا اتمكن وتذكرت الأن وعرفت الصالون

والغريب كيف نزلوها يقول لي احد الزملاء انه وصل في وقت متأخر ولا فيه من يساعده المهم ايش سوى فك العرشة وربطها في الحراثة ورفعها ثم امر ولده يقدم الصالون ونزله مباشرةً وهذا ما هو غريب عليه ولولا خوفه يزعل لذكرت لكم اسمه وقبيلته وفقه الله

شكر لك اخي على هذا الموضوع

الاخ العزيز قحطاني والراس طرباني

أشكرك على المرور والاطلاع وبيض الله وجهك

وهذا الشخص والله انه كفو وعرف يصرف نفسة عكس بعض الرجال الذي لا يصرف نفسه بشي


ــــــــــــــــــــــــــــــــــــــــــــــــــ ــــــــــــــــــــــــــــــت


الاخ العزيز / أبو وصايف

حياك الله وبيض الله وجهك على المرور والاطلاع

ولكنك مادامك تعرف هذا الشخص فأرجوك رجاء خاص لاداعي لذكر اسمة فهو رجل مقدر عند الجميع وله مكانه خاصه وهذا يدل على صلابة راسه ولافكر في أحد وهو من الناس الذين يحبون المزح فكم من مركز مر به وسألوه وين رايح قال البيت قريب هنا واحد كيلو ولا عندي سيارة غير الصالون وعندي زواج بكرة وهذه عشاء الضيفان وهكذا حتى وصل السراة

أما طريقة تنزيلها بالحراثة فهذا كلام صحيح ولا يستغرب عليه فعله


تقبل تحيات

أبو صقر العبيدي

__________________

والله أنه كفووووو


لاهنت يابو صقر

__________________



ممصمنا المبدع
تركي العلياني
ألف شكر لك

الحيله ماتعجز رجاجيل قحطان .

كفو والله الذيب اللي ركبه فوق الموتر

هخهخهخه

والله بطران ما قصر

__________________

اشهد شهادة حق انه كفو واللي جاب الصورة كفو واللي رد كفو


وهذا والله سلم من مشوار آخر إلى بيشة بعض الناس ماتهدى وهذا دليل على محبته وتقديره عند الناس



والرجال ابدع بصراحة والله يحفظه ويحفظ الكل



دمــــــــــــــــــــــــــــــــــــــــــــــــ ـــتم

__________________
« اللهم كما أحسنت خَلقي فحسن خُلقي »

شكرا للجميع على المشاركة والمرور وابداء الراي

وبيض الله وجيهكم جميعا


لكم مني فايق الاحترام والتقدير

أخوكم


أبو صقر الزهيري

__________________