" عقارب طينة الوادي "

[poem=font=",6,white,bold,normal" bkcolor="black" bkimage="" border="none,4," type=1 line=0 align=center use=ex num="0,black""]

الا يا ليتني مثلك واغنيها على اطْرف عود=ولادْري عن همومٍ عشعشت بالصدر يالقمري

همومٍ لازمتني من بداية عمري المقرود=وْتكابر كل ماكْبر لين ادخلها معي قبري

تمسيني تصبحني كأني بالشقا موعود=على جلسة ألم تحرق بقايا من أمل عمري

تطاردني وادافعها واساءل ربي المعبود=يكافيني شرور الفتنه اللي ظلّمت فجري

عقارب طينة الوادي تدسّ السم لي فـ ( ورود )=خناجر تبتسم تخفي ورايه طعنة الغدري

لها حلمي مناعة عن خطرها لو تزود يزود=وْلها لا ضاق بي صدري يسليني لحن شعري

طوتني والحزن طوي الفتيله وسطها البارود=لها صبري زنادٍ تشتعل به لو نفد صبري

والا يالصبر لو بانت مواريها حجج وشهود=دخيلك لا تأثر لو تشب النار في صدري

والا يا مسعد اسمع جابتي ثم ودها مسعود=يجيب العلم من لا يشتقي به وانت ما تدري

على مرّ الزمن تبقى الأسود وفعلها مشهود=ولا عمر الرخم لو طار عالي يشبه الصقري

وانا والله طول العمر مخفيها عن المنقود=وْعيون الناس شافتها وباح الصدر من قهري

يموت ذكرك يالردي على مانته بها موجود=وْرجال العز لو ماتت تعيش بطيب الذكري

والا يالشجره الخضرا ولو ناش العروق الدود=يكفّيني ظلالك وآخذ لْعرق الغثا حذري

على عز وفخر تبقين لو ان الليالي سود=ولا هزّت كياني ظلمته عندي كما البدري

[/poem]

__________________


ديواني
https://www.alsh3r.com/poet/2550

صفحتي في تويتر
https://twitter.com/abu3zamalsha6ry

صفحتي في الفيس بوك
http://www.facebook.com/profile.php?...17&ref=tn_tnmn

__________________
http://www.youtube.com/watch?v=r-Kkc7UfZKc

أخي عبدالعزيز
صح لسانك على هذي الرائعة
راقت لي كثيرا
تحياتي لك على هذا الابداع

__________________