[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حمدان القحطاني

تعال ياخولان ابن عامر تشّرف بالحضور = بيني وبينك سالفه والنار مـن شبابهـا

من بعد ابو عمار صايب قام يرثع بالقدور = اليوم غزه شالت الضفه علـى مشعابهـا
خولان بن عامر
ياللي تناديني وصلتك جعل حظـك مايبـور=النار من شبابهـا والخيـل مـن ركابهـا
ان طعت شوري لاتّنبش في خفيّات الصدور=اتحمّد النعمـه وغـزه لا تخـش ابوابهـا
حمدان القحطاني

يالكبتن الطٌيار هد الطايـره هـد الصقـور = مير انتبه للعفش لا يقضـي علـى ركابهـا

اطلع بها وانزل بها واضرب بها غب البحور = وان عشت ياخولان تكرهها ومنهـو جابهـا
خولان بن عامر
الطايره فوق المدّرج يا ابيض الشارب تدور = البوصله فيها خلل واجواء البلاد اسبابهـا
ياصاحبي حمدان مايلحق هل الناله قصـور =المشكله سكـان مكـة ماتعـرف اشعابهـا

حمدان القحطاني

ياصاحبي خولان بعض الناس ماعنده شعور = مير الذبيحه ماتهـون ألا علـى قصابهـا

الي عيونه بالعشى والي عيونـه بالفطـور =اثر البطون الجايعه مسرع تثور اعصابهـا

خولان بن عامر
ترى الصقور انواع ياحمدان من نوع الطيور = لكن ما كل الطيـور اتعيـش مـن مخلابهـا
بعض النفوس اعصابها لاشافت النامس تثور = وبعض العرب مثل الذياب اللي تحد انيابهـا
حمدان القحطاني
وش ينفع المخلاب لن جاته سكاكين النحور = لوً الاسامي تختلـف ماتختلـف فعرابهـا

يانور ربي ماش غيرك في ظلام الليل نور = لو طحت ياسهيل اليماني في صعيد ترابهـا
خولان بن عامر
سكين ولا سيف ناظر للجنايز فـي القبـور = اغمظ بعينك واحتمل لسـم تحـت اهدابهـا
اصل الحصان حصان ياحمدان ولاّ الثور ثور =والحية الرقطاء حصرنا سمهـا فـي نابهـا


[/poem]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة