هذه القصيده للشاعر الكبير/ سلطان بن وسام الهاجري .

الـــــجبال اللي تزحزح ماتزيح
...................... والغصون ادنى هبوب تزولها
اعــــــتنز على جـبل ولا تطيـح
.................... الـجبال تـذري الـلي حــــولــهــا
والصراحه مزعجه وانا صريح
.................... تـــــــزعجك ماتــزعجك باقولها
شاعر موهوب ولساني فــصيح
.................... وسابـح عرض البحور وطولـها
الافاعي روسها تـندح نـديــــــح
...................... والـعـــقــارب ســمها بذيولـهـا
ما على الدنيا ضمير مستريــح
....................... وكل خـلق الله تعـن خيولــهــا
ذا يـون وذا يحـن وذا يـصـيـــح
........................ وذا يخطف راسها ورجـولهـا
والشعر هذا قــبيــح وذا مــليـح
........................ وكل ابوهـا سـاري مـفعولـهـا
اجـلد الـقـبيح فـي وجـه القـبيـح
........................ وقـل واشرايك واقول اصولها
والا انا ماقد مدحـت الا المديـح
......................... الـجمال اللي تـشيل حمولهــا
والصراحه مزعجه وانا صريح
.......................... تزعجك ماتزعجك بااقولـهـا
والا تدري مايصح الا الصحيـح
......................... خــاطـب العالم بـقـد عـقـولـها

__________________
[poem font="Simplified Arabic,6,darkblue,bold,italic" bkcolor="transparent" bkimage="backgrounds/23.gif" border="groove,thick,darkblue" type=4 line=0 align=center use=ex num="0,black"]
سلام الله على ساس العروبه واصلها قحطان = بني عمي مقابيس الوغا للخيل خياله
يحقن النا الفخر بين القبايل طولة الازمان = ولنا علم الوفا كيف(ن)نسوقه وسط فنجاله[/poem]

نسيم الليل



بصراحة هذه المشاركة رائعة



ولك الشكر الجزيل



نقل رائع وإختيار عذب



صح لسان الرائع بن وسام



وتقبل خالص التقدير ..

الاخ معيض بن صميع لاهنت على المرور

__________________
[poem font="Simplified Arabic,6,darkblue,bold,italic" bkcolor="transparent" bkimage="backgrounds/23.gif" border="groove,thick,darkblue" type=4 line=0 align=center use=ex num="0,black"]
سلام الله على ساس العروبه واصلها قحطان = بني عمي مقابيس الوغا للخيل خياله
يحقن النا الفخر بين القبايل طولة الازمان = ولنا علم الوفا كيف(ن)نسوقه وسط فنجاله[/poem]

صح الله لسان بن وسام


وسلم الله يمينك اللي كتبتها

لاهنت يانسيم الليل