كلّن وله غايات واهداف واشفوف من يطلب الغايه يذوق الصعوبه

25-12-2005, 09:12 PM

سيل الرفايا

عضو

تاريخ التسجيل: Dec 2005

الدولة: جرّ الوادي

المشاركات: 49

كلّن وله غايات واهداف واشفوف من يطلب الغايه يذوق الصعوبه

[frame="9 80"]

لانيب لامغرم ولانيب مشغوف
وماهو بيرضى مطمعي مارضوبه

أغلي بدون أحدود ولا أرخصت مارووف
لاضاع صدقي فالقلوب الكذوبه

تقدر تقول اني معقّد ومكشوف
عيبين وابن آدم يامكثر عيوبه

يا (عليش) لو هو كلّ ماطوّف ايطوف
كان العرب لعبت بنا لعب طوفه

حنّا لاقلنا يصغي لقولنا ألوف
وخطواتنا عند الرجال محسوبه

فضل(ن) من المولى ومنّه ومعروف
مجمّل(ن) هقوات منهم هقوبه

الحمد له والشكر والفضل والنّوف
مسيّر(ن) عبده موسّع دروبه

ماحن بخير الناس لكن بنا أوصوف
منها أنحرم من لعبهم وألعبوبه

وصوف ماهي ابتغيّر من اصدوف
ولا يغيّرها من الوقت شوبه

أنحبّها مع أنها أخشن من الصوف
اتردّنا عن ما الأوادم لهو به

تعطيك طبع(ن) بين الأجواد مألوف
طبع(ن) رديين البخت ما شقوبه

وصوف عكس اوصوف من يطمر الروف
لبّاس ثوب(ن) ما أبلشه غير ثوبه

الحايف اللي كلّ ماشفته ايحوف
أطلب له ان الله يخفّف ذنوبه

ضعيف ورجال العرب فيهم اضعوف
عقايب وضعف المروّه عقوبه

لو أنه من درس الزمن جوّد احروف
لشمل درى ان عكس اتجاهه جنوبه

ولو أنه من وقته عرف كلّ عاروف
وأنّ الخطا مايستره غير توبه

ولو انّ وقته علّمه ال ON وال OFF
هذا هبوبه لستشاطت هبوبه

ولو أنه يفهم كان ماهو بمكلوف
ولا غدى مثل من هم غدوبه

الرّجل مايقعد وخلق الله اوقوف
ون خالف العالم لقوا مالقوبه

ترى التّعب في طيّب الذات مخلوف
وألا ردي الذات ماهو بصوبه

ون ضاع ماني ملحق الضايع احسوف
وأبشّرك عاد الديار امعروبه

عاد الرجال اتشوف ماعيني اتشوف
وما كلّ درب(ن) لو يزيّن سروبه

اتشوف وتمدّ النظر داخل الجوف
وتميّز أخلاق البذي من اسلوبه

كلّن وله غايات واهداف وشفوف
من يطلب الغايه يذوق الصعوبه

درب(ن) نزيه وكلّه اوعور واجروف
ولولا الشّيم كان العرب مامشوبه

ياضيوف ياناصين ماجيتوا اضيوف
جيتوا وكلّن راس ماله يدوبه

مال الضيوف الا السّنع عند مضيوف
عاده ورى رمعاتهم لرمعوبه

معزّب(ن) جرّب وقد مرّ بظروف
وماكدّرت الايام صافي شروبه

من قوّ باسه مامشى مشي أبا العوف
ولا رهن نفسه سوات الجلوبه

ياهيه ياغازين برماح واسيوف
ياللي لكم كور الشّداد وركوبه

ياهل مطايا(ن) في اللقا تركب اردوف
وتسري على صوت المدوّه طروبه

عسّافها ماراوز المقذع ايدوف
جوّ(ن) تهقوا به يجوبه يجوبه

مزين قلايعكم بعد جيتوا انكوف
عاداتكم ياهل الشداد الرّكوبه

ما لوم جفن(ن) يسهر الليل مطروف
ضاقت به الدنيا بعد ضيّقوبه

المنحب اللي علّته تحت سرجوف
عجزت الاطبّا في معالج ثروبه

يزهاك ياراس(ن) ظهر ماله اكتوف
فعلك بياضه لك لما سولفوا به

بفرّاعة الفاروع تفرع لك اصفوف
كسبك ياكسّاب المهار وحكوبه

لو عاب راعي العيب ماشفتك اتسوف
ولا اختلط وجه البياض وشحوبه

ترغي جمال القوم من قيد واحفوف
وعوق(ن) نقيين العرب مادروبه

وعاد الخروج مليّ بحبال وازروف
تطلي الرّكاب الجرب نوبه ونوبه

محمد بن علوش الهاجري

[/frame]

__________________
[frame="10 80"][frame="10 10"]

سلام الله سلام(ن) يعبّره الضمير

لأبن عم(ن) لازهمني بآقوم بلازمه

فيه من حق الخوي بالوفا شي(ن) كبير

راعي اوقوع(ن) تنومس ولحيه غانمه

أعتبرني في الصّداقه بمنزلة الشوير

وأبشر انك مثل حزم(ن) تبين امعالمه

أبو قالط

[/frame][/frame]

25-12-2005, 10:12 PM

محمد الحياني

.: مشرف ســـابق :.

تاريخ التسجيل: Aug 2005

الدولة: k . s .a

المشاركات: 8,767

محمد الحياني has a reputation beyond repute

مشكووووووووووووور

اخوي الغالي ابو قالط

صح لسان بن علوش

وسلمت يمناك على النقل

__________________
« اللهم كما أحسنت خَلقي فحسن خُلقي »

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى