حمد هادي المسردي (( رحمة الله ))

الشاعر الكبير / حمد بن هادي المسردي ( رحمه الله )


نبذه عن حياته " رحمه الله "


هو الشاعر الراحل ( حمد هادي المسردي القحطاني ) من الشعراء الشعبيين المبدعين الذين برعوا في كتابة القصيدة الشعرية بكل اقتدار وتفنن .
ولد رحمه الله في مدينة جاش سنة 1360 هجرية وتوفي في 13 رمضان 1412 هجرية.
تمتع هذا الشاعر الفذ بموهبة قوية استطاع من خلالها أن ينسج اجمل الكلمات ، ويصوغ احلى المعاني فقد طوع اصعب القوافي ، وعاند اعسر البحور الشعرية .
وبالرغم من أن الإعلام لم يخدمه كشاعر إلا أنه يعتبر احد اعلام شعر النظم والمحاورة على مستوى الخليج العربي فاشعاره تمتاز بجزالة الألفاظ ومتانة الأسلوب، وسهولة الحفظ
عُرف بكثرة الأسفار حيث طاف انحاء دول الخليج العربي وحاور جملة من ابرز شعراء المحاورة ومنهم على سبيل المثال احمد الناصر الشايع ، خلف بن هذال العتيبي , المعنا البقمي ، رشيد الزلامي ، فهد المحيشير وغيرهم الكثير"

وقد اشتهر - رحمه الله - بمحاوراته الجميلة التي تهتز لها الصفوف وقوافيه الساحرة وأبياته الهادفة
مما جعل الكثير من الناس يحفظونها وصارت أمثالاً تردد الى الآن ومنها:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

الله ولا بعض الضيف والمسايير=اللي تنزل للفتـى نـص قيمـه
والله ولا بعض الطرق والمشاوير=اللـي تعـود عاقبتهـا وخيمـه[/poem]


وقال في موقف اخر:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

احسب ان ما للجماليل على الدنيا جحـود=لين معروفي بذرتـه بنـاسٍ وجحـدوه
واشهد ان من يفعل الجود في من لا يجود=مثل من حجج على غاربه ذبـاح ابـوه[/poem]


فالشعر الأصيل، يحفظه جيل بعد جيل ويبقى في صدور الرواة وعقول الرجال، ويكون حديث المجالس، والمتحدث الأول عن هموم المجتمع وقضايا الناس، ولا شك أنه يخلد اسم صاحبه..الشاعر الراحل ( حمد هادي المسردي ) فقد طوع أصعب القوافي، وعاند أعسر البحور الشعرية حيث استخدم فيها كلمات كثيرة في البيت الواحد مثل قصيدته السابقه في وصف الطائره التي نالت على اعجاب الكثير من هواة الشعر الشعبي.
كتب لأمجاد الوطن، كتب للمعاناة، كتب للحكمة، كتب للنصح والإرشاد، كتب لكل أبواب الشعر، وذلك بإبداع وتميز.
وكان - رحمه الله - يمجد قريته (جاش) مسقط رأسه وبداية انطلاقته الشعرية ويذكرها في معظم أشعاره الجميلة.
كما جرت بينه وبين أخيه الشاعر فلاح العديد من المحاورات منها:
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

فلاح:



يالشاعر اللي تحيي الحفلات لا طبيتهـا=كم ليلة يمسون خلق الله وعينك ما تبات
لا شفت لك حفلة فرح عرس يولع ليتها=طبيتها بنشدك ويش الفايده من ذا السوات



حمد:


ما كل حفلة شفـت كهربهـا يولـع جيتهـا=كم حفلة ما زورها لو كتب لي عشر دعـوات
يا كم وكم حفلة فرح لاعدهـا مـا حصيتهـا=أرفض طلب دعوات أهلها إلا لبعض مناسبات



فلاح:


مـا نيـب أسالـك كـم دعـوة لبيتـهـا=أنشدك وش الفايدة عجل وهات الرد هـات
ويش استفدت من الملاعب طول ما حظيتها=يوم أنت واقف كل ليل بها عيونك ساهرات



حمد:


ربعي ليا جا عندهم حفلـة فـرح عزيتهـا=دام الصفوف وقوف برسي كالجبال الراسيات
وان كان جاهم زلة من شاعـر استقضيتهـا=والفايدة بدع القصيد الطيب اللي له طـرات[/poem]




واليكم اطول شطر في الشعر الشعبي وهذا ما اكده الشاعر راشد بن جعيثن وهو من اطلق على حمد هادي المسردي اسم " الشاعر المعجزه "


حيث قال حمد هادي المسردي في قصيدة " الطيارة ":

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
يا راكب من عندنا طيارة ماطـــورها لارن عبت كنبريشن فل وافتـــــرت مراوحها وطارت بالفضـــا من طائرات اطرازميج اربع مراوح واربعة متحركات =من نوع سبعمية وسـبعة وارد امريكا وصنع فرانكفـورات اسطول من احدث اساطيل الفضاء قد صممت باكبر مصانع سابقات اصواتها

طيارها متخرج من معهد اعلى فن طيران جو اللي بعاصمة الولايات المريكية وذات الاتحاد المعترف به عالمـيا وهى واشنطن اى مجمع جميع الجامعات =رسـم العلم ذو الراية الخضرا مع السيفين والنخلة على جنحانها تقلع من مدرج مطار ابو ظبي كن حسها زلزال هز الارض يوم ترن باصوات تقول رعود شكماناتها
من عاصـمة دولة الامارات اقلعت متوجهة ومسافره يم الكويت طرانزيت بلازمي وانا الذي قومتها من شان مندوبي ومن شان الوصاة= وبرفقها من قاذفات النار عشر مقاتلات يحمنها ساعة رفعها الكابتن الممتاز ثم اسـتعدلت فى العـرش دارت دورتين وروحت يم الكويت مولعة شاراتها

تحركت متوجهه واسترفعت واستعدلت ثم روحت وصلت فضاء جو الكويت بسرعة ثم وقعت وسط المطار وحول المندوب منهابالرسايل ناصي ٍ وافى الصفاة= الشاعر المعروف وهو ابو عشيمان امهدي ثم سلمه منى رسايل مـير مدري ليش يا هل العرف مارجع مع المندوب مردوداتها

مدري محقريه مع قلة ثقة ولا اعتبرني يا عرب ملقوف يوم ارسل بلا سابق معرفه ثم وضع ما ارسلت لـه في وسط سلة مهملات =وانا اشتري بالمال معرفة الذي شرواه حيث أنه خبيروعارف كل المعاني والعلوم وسر مضموناتها

ايضا ولاني بجنبي جدي وجده واحد يشهد على قولي تواريخ ٍ قديمه والرجال أهل الفطانه والعقول الزاكيات =علماً بأن رد المثايل يعتبر بين الرجال العارفين اطماع وهو من العوارف يذكرونه عارف قانون ترتيباتها

لا شك ياللى تاصلونه خبروه إنى تري لاني بمتحدي ولا أحب التحدي والخطا ما بغاه ما ابغي الا القوادي والعلوم اللى لها ذوق وطرات =لا قصد لى غير التعرف به ولو مارد ما والله يجي فى خاطري مثقال ذرة حيث ما هو لا زم بين الرفاقه يا عرب تطويل خذها هاتها

ابغيه ذخر فى مقاديم الليالي مثل ما قد قال راكان بن حثلين لابن هادي بماضي ما مضي يوم الفعايل مستمره بين ماضـين الفعايل فى العصور الماضيات =مابغي على ما قالوا اهل العرف نرجع كالنعامة شافت المكروه مما ليس تكره من قوايمها الذي يحفي مواطيها المسير ولا بغت تمشيبها حفيت بحين وخيبت هقواتها[/poem]


ويعتبر حمد هادي من الشعراء الذين عانوا بالفعل كثيراً في حياتهم من جور الزمن وتقلباته، فهو شاعر معاناة في جميع الأحوال، حيث عانا الكثير منذ نعومة أظفاره، وأول أبيات شعرية نظمها في حياته كانت وليدة معاناة حقيقية، فعندما كان صغيراً لم يتجاوز عمره الخامسة عشر أجبره أهله على رعي الغنم، فأنشد هذه الأبيات التي تدل على موهبته الشعرية النادرة فقال:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

سرحوني بالغنم عشر وثمانـي=ثامن الفرقه طفيل يرضعونـه
عرضوا فوق النظا ما واعدوني=عندهم يا ناس حق يظهرونـه[/poem]

وقد تحدث أيضاً من خلال أشعاره النادرة عن هموم الحياة، ووصف الرجال، والدنيا، والسفر والترحال، فهو قد تجرع مرارة الدنيا:



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يا الله يا عالم خفـا كـل مكتـوم=يـا مطلـع فيمـا تكـن السرايـر
يا واحد فـرد صمـد حـي قيـوم=يا للي بتدويـرك تـدور الدوايـر
يا الخالق اللي بيدك الأجل محتـوم=يا خالق ابن آدم شعوب وعشايـر
يا الدائم اللي ما حد ٍغيـرك يـدوم=والخلق يفنـى للبعـث والنشايـر
أنت الذي تعلم بمـا ليـس معلـوم=وما لا تريد يصير ما هو بصايـر
والرزق من عندك مقدر ومقسـوم=ومدك يعوض عن جميع الخسايـر
يا كاشف الكربات عن كل مضيوم=يا عالم مكنـون غيـب الضمايـر
الطف بحال اللي جفى عينه النـوم=يسهر كما يسهر كسيـر الجبايـر
لي مدة عن لـذة النـوم محـروم=أسهر وكن بحاجـر العيـن عايـر
حتى غدا حالي كما حـال مهيـوم=من كثر ما تمسي عيونـي سهايـر
من جور دنياً بان منها لـي ثلـوم=قامت تجرعنـي بكـاس المرايـر
وأضحك واجامل كن ما نيب مهموم=والصدر وسطه مثل ضو السعايـر[/poem]

















وبعد هذه الرحلة الطويلة لشاعرنا حمد هادي - رحمه الله - ترك لنا تراثاً شعرياً خالداً في نفوسنا لن تطويه صفحات الزمن، فقد كان أحد رموز الشعر، وسطر أجمل الروائع الشعرية.






روائع الشاعر / حمد هادي المسردي


% المال %

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يالله ياللي بيـدك العـز والجـاه=ياللي لخـلات المخاليـق رافـي
يا من خلل عبدك ليابـان ترفـاه=ياعالم ٍ غاية خفـا كـل خافـي
الطف بحال اللي تبهـذل بدنيـاه=وداج بجميع انحا النحايا وطافـي
يطرد ورا حظٍ عليك انت مشكـاه=لا شك شاف من الزمان اختلافي
من كثر ماله ساروا الناس برضاه=ولو كان ناقص قالوا الناس وافي
ومن قل ما بيده ترى الناس تشناه=لو كان يسقيهم عسل قند صافـي
فالمال كم ساس ٍ طمان ٍ وعـلاه=والفقر كم حطم روابـع سنافـي
لا شك ما للعبد عن حكم مـولاه=من خير والا شر والرب كافـي
ما كتب للمخلـوق لا بـد يلقـاه=امـا هزايـم شـر ولا عوافـي[/poem]


% شفت انا بالعين %



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
شفت أنا بالعين رعبوب بنظراتـه رمانـي=آه يامابي على جيـه ولا لـي فيـه حيلـه
نابي الردفين ملهوف الحشى حلـو اللسانـي=ضامر السرجوف غض العود والقامه طويله
كاشف ما يلبس البرقع ومن عقلـي سبانـي=عود غـي غـاوي بالفـن وأجناسـه قليلـه
حين لاقاني وغض الطرف مجلـي الثمانـي=صابني سهم الخطر من طرف منسوع الجبيله
قلت ياسيد العذارى ليت حنـا لـك عوانـي=ليتني وياك يازين الوصايـف مـن قبيلـه
صد عني مستحي ياناس لكـن مـا جفانـي=والتفت لـي بإبتسـام وزوّد الحمـى مليلـه[/poem]



% مل قلبٍ %


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

مـل قلـب هـزه الهـم والهاجـوس هـز=وارتجف عرشه وزلزل وجا فيـه اهتـزاز
عقب ثلثيـن مـن الليـل فـز القلـب فـز=مثل فـزة واحـد واطـي كسـرة قـزاز
كن باقصى ضامري ياجماعـه نـار قـز=والضلوع يلوعهـا مثـل ضـو البوتقـاز
وكن فوادي من عراويـه بامـواس يحـز=من همومي والهواجيس في صدري حـزاز
عقب ذا ياراكب اللي علـى الغايـه بـرز=جمس شكمانين تـوه جديـد آخـر طـراز
يعجب السواق لي ما عطـا حـزم الجـرز=وأن تحرك يقـرب البعـد ويشـق الغـراز
من ديار البعـد قلـب العنـا صابـه قلـز=ومن ديار البعد عـز الله ان القلـب جـاز
الغـدا لـي سهـل الله بـدايـات المـلـز=ثم يشيك مـن محطـات موقفـة الحجـاز
وغادر الديره مع العصر يـوم انـه جهـز=وأنتله مرفوع بالوصف كنه أريـل جهـاز
والعشا حول السليـل مـع المغـرب نجـز=حايفـه غمـر شقـردي وعادتـه النجـاز
ثم تحـرك والدريـول يلـز الرجـل لـز=طـول ليلـه راح كلـه مساقـط واجتيـاز
والونيـت يشجـع اللـي يحبـون الـلـزز=لو يقحص ويل طلع مـن القـاع ارتـواز
كنه السكـران لـي غـزه الشيطـان غـز=عقب ما افلا غرشتين وطـاب لـه الخنـاز
ينطنخ ويشوش ومن المخاطـر مـا يكـز=شايف بعض العـرب كنّهـم عنـده عفـاز
لا اشرقت شمس الضحى لي الونيت بكل عز=واقف في وسط ديـرة بنـي عـم عـزاز[/poem]



% معلقة ( نصائح وارشاد ) %



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يقـول اللـي برسـم القافيـات=يصوغ القاف صوغ مجوهرات
إلى منـه بغـا نظـم القصيـد=فـلا يختـار غيـر الطيبـات
تنقـا مـن نظيفـات اللـحـون=على كيفه مـن القـاف كلمـات
محاريف القوافي لـو تعصـت=أصخرها ولو هـي عاصيـات
تخيـرت الكـلام اللـي يفـيـد=وجنبـت العـلـوم التافـهـات
وأنـا قاسيـت شـدات الزمـان=وذقـت أمرارهـا والحالـيـات
ومن قاسى علـى الدنيـا شدايـد=يفيـد ويستفيـد مـن الحيـات
وأنا مانـي بقـول انـي خبيـر=ولانـي بـا ادعـي بمقـولات
درست من المعرفه مـا تيسـر=وصرت اعرف علوم ٍ موجزات
وعشت مـن الحيـاة الله واعلـم=عن اللي من سنين العمـر فـات
عرفت اطـوار نيـات الرجـال=وشفـت اسرارهـا المتخالفـات
وميزت الرفيـع مـن الوضيـع=وقلـت الحـق والعلـم الثبـات
ترى في الناس من يجلى الهموم=عن المضيـوم عنـد النايبـات
يسد النوب مـن كـل النواحـي=ويركـي للحمـول الكـايـدات
عزيز النفـس لـو مالـه قليـل=ايدينـه بالوفـا مستـاصـلات
عزيز النفـس لـو مالـه قليـل=احبـالـه للـمـكـارم واردات
عزيز النفـس لـو مالـه قليـل=اشبـوره للمراجـل طـايـلات
ولا ظنيـت بـه ظـن ٍ بطيـب=تشوف رسوم ظنـك راسيـات
وليمنـك نخيتـه فـي لــزوم=بذل لك في قضـاه المعجـزات
وليمنك نصيته وأنـت ضيـف=يقـوم لـك بجميـع الواجبـات
وفيهـم مـن يزيـد الهـم غـم=ولا ينطـح وجيـه المكرمـات
واضعيف النفس لو ماله كثيـر=سواً به فـي حياتـه والممـات
واضعيف النفس لو ماله كثيـر=عن الطوله شبـوره قاصـرات
واضعيف النفس نذل ٍ مـا يفيـد=وجـوده والعـدم متسـاويـات
بخيـل ٍ فـوق دنيـاه وذلـيـل=وعن الامجاد طبوعـه شـاذات
يقوله واحـد ٍ جـرب وشـاف=وصار يقول عقـب التجربـات
على قول الـذي بالقـول فـاز=سبقني في العصور الماضيـات
جـزا الله الشدايـد كـل خيـر=عرفت بهـا القـدا والمخطيـات
وعرفت بها العدو من الصديـق=جزاهـا الله عنـي بحسـنـات
فيا سامـع كلامـي لـك علـي=نصايـح كالجواهـر غالـيـات
ولا اريد الجـزا إلا مـن الهـي=ثـواب الله خيـر الجـايـزات
عليـك بطاعـة الله ذو الجـلال=الـه الـكـون رب الكايـنـات
جليل الملك ذو العـرش العظيـم=ومن الافـلاك بامـره دايـرات
مغيث المستغيث إليـا استغـاث=وقهـار الجبـابـرة الطـغـات
ولي الأمـر عالـم كـل شـي=ولا تخفـى عليـه الخافـيـات
محـب العفـو غفـار الذنـوب=وله حسنات الاسمـا والصفـات
وسيـع الحلـم رحمـن ٍ رحيـم=وعفـوه واسـع ٍ للمغـفـرات
وهو معبودنا المحيـي المميـت=وعلـم الفقـر بيـده والغنـات
عليك بطاعته فـي كـل حيـن=وقم لـه بالفـروض اللازمـات
شهادتـك وصلاتـك والصيـام=وحـج البيـت واداي الزكـات
وبر الوالديـن احـرص عليـه=وفعـل الباقيـات الصالـحـات
وقل معروف وأنه عن المناكـر=واتق ذنـب رجـم المحصنـات
ولا تنقـل كــلام ٍ بالنميـمـه=وتظلم لـك نفـوس ٍ غافـلات
ترى المولى عـن العالـم غنـي=ومـن طاعـه ينـال الأمنيـات
كريم ٍ لا عطـا ماهـو بخيـل=ومداتـه جــزال ٍ وافـيـات
ليا منه عطـى جـزل العطايـا=وهو حلال صعـب المشكـلات
تراه اللي ليـا ضاقـت عليـك=يفرجهـا مجـيـب الـدعـوات
مزيـل الهـم رزاق ٍ معـيـن=علـى خلقـه عيونـه مرقبـات
عظيم الشـان حـي ٍ لا يمـوت=مديـم ٍ والخـلايـق فانـيـات
وكن مستامن ٍ به وامش وامـن=والاقـدار بفلكـهـا ماشـيـات
ولا تحـزن وعانـد كـل هـم=ولا بـد الشـدايـد زايــلات
ولا شفـت المحقريـه بـديـره=فلـرض الله فجـوج ٍ واسعـات
بدل دار ٍ جفـاك اللـي سكنهـا=اتحصـل لـك ديـار ٍ ثانيـات
فحثّ الرجل وارحـل لا تبالـي=ولا تبقـى عزومـك فاتـرات
ودسّ بالرجل غبـات المخاطـر=ولا تحسب احساب مخاطـرات
فلا يجري لك الا ما كتـب لـك=ولا ياقـاك عنـه مـحـاذرات
وهاجر عن ديـار الـذل تربـح=وسافـر للـديـار النـازحـات
ترى الاسفار سجـات وغنايـم=وكـم للبـال فيهـا تسلـيـات
ترى الاسفـار للعاقـل مفيـده=تفيـدك مـن جميـع الناحيـات
تعرفـك الـرجـال الطيبـيـن=ذوي سـاس العلـوم الغانمـات
وتجعل همـة اعزومـك قويـه=وتعطيـك الـدروس الكافيـات
وفيها للمعـاش احسـن وسيلـه=وفيهـا للنصيـب مصـادفـات
وسجـات النفّـس فيهـا وفيهـا=لعمر المرء في الدنيـا طـرات
تحرك في فجـوج الله الوسيعـه=يجيك الرزق من كـل الجهـات
ولا ترضى الكسافـه والمهونـه=تشوف من المعاديـن الشمـات
وترى عمر الفتى ماهـو بدايـم=وترى آجال النفـوس محـددات
ونيل المجـد فـي قـوة الإراده=وطـلاب المعالـي مـا يبـات
يدوّر للعـلا لـو كـان يتعـب=وعيونه فـي طلبهـا ساهـرات
فـلا تغتـر بالنـوم العمـيـق=تراه يضيعـك عمـق السبـات
تغانم دام لـك قـدر إستطاعـه=وما دام الفرّص لـك سانحـات
وليمنـك بذلـت الجهـد فاعلـم=تـرى ارزاق العبـاد امقـدرات
فكـن صابـر واقنـع بالمقـدَرْ=ولا تندم على مـا كـان فـات
ترى الارزاق مـا تاتـي بقـوه=ودنيانـا تراهـا خـذّ وهـات
ورزق الحي مضمون ٍ وجـاري=إليـا حتـى تلاقيـه الـوفـات
ولكـن التسبـب شـي واجـب=ومن يزرع سيجنـي الثمـرات
وترى من جد لابـد انـه ياجـد=كلام اهـل العقـول الزاكيـات
وليمنه بـذل جهـده ولا احـرز=مرامـه مـا عليـه معاتـبـات
ونفسـه مـا يلحّقهـا حسوفـه=بقولـه مـا عملـت محـاولات
اليـا مـن الليالـي عاكسـنّـه=وحظه مـا سعـى بمساعـدات
فيـدري بـان هـذي دبـرة الله=ويبقـى قانـع ٍ بالحـاصـلات
وخير الناس من يعطى القناعـه=ولا اشقى من نفوس ٍ طامعـات
وعندي غير مـا قلتـه وصايـا=على المعنى الصحيح امسيسـات
اليا منك بغيت تصون عرضـك=وتحضـى بالمزايـا الكامـلات
فلا تمشي معـا الأنـذال دايـم=وساير لـك رجاجيـل ٍ ثقـات
ومن لا شـاورك لا تستشيـره=ولو عنـد الظـروف القاسيـات
وكُن صامت فإن الصمت حكمه=وهيبـه داخــل المجتمـعـات
وكُـب الثرثـره بالـك تلجلـج=فلا يبقى على هرجـك شفـات
وكثر الضحك نقص ٍ بالمهابـه=فلا تضحـك بـدون مناسبـات
ولا تنطق بغير الصـدق دايـم=ولا تبـدي اهـروج ٍ كاذبـات
وكُن متواضـع ٍ بالـك تكبَـر=وخـل اخلاقـك دايـم عاليـات
ولا تشكي على حي ٍ سـوى الله=اليا شفت الظـروف معاكسـات
ولا تبدي علـى الأنـذال سـدك=ولا بـد الشـدايـد زايــلات
ولا تنسى عليـك بحفـظ حقـك=ترى ليس الكـرم بمناضحـات
وعن التبذير صُن مالك يصونك=اليا جات الظـروف القاسيـات
ترى ماكل من يضحـك يفيـدك=اليا صـارت يدينـك خاليـات
وعز الجار فـان الجـار قـدره=على المسلـم مـن المستلزمـات
وظيفك بش فـي وجهـه وقـدم=له الماجـود حسـب المقـدرات
وحذراك الخيانـه فـي خويـك=ولا ترضـى عليـه محايفـات
وحذراك الغـرور اول شبابـك=ترى طرق الغـرور مضيعـات
وليا ثار النشـب بيـن المقـرّد=فجنـب والعواقـب مرضيـات
ولا تخطي ولا يخطـى عليـك=وبالـك تعتـرض لمعرضـات
وليا جاك الخطا من يـم جاهـل=فـداره بالهـروج المقنـعـات
لعلـك تقنعـه بأحسـن وسيلـه=وبيبـان الحمـاقـه مقـفـلات
وان لم يقنـع الجاهـل بعـذرك=وامـوره شفتهـا متـوتـرات
فكن عاقـل وحـذراك الجهالـه=وحسّـب للقـوافـي قافـيـات
ليا جهل الجهول العقـل ضـدّه=فلا تحسـب لامـور ٍ مهمـلات
مضى وقت الجهل واقفى وولـى=معـا غبـر السنيـن المدبـرات
وليا مد الجهـول ايديـه عامـد=وصارت مـا تفيـد مفاهمـات
فحاول تقنعه فـان كـان عانـد=فـلا للنكـر غيـر المنكـرات
وردّع الجهل ما يحسب خطيـه=ويحسب من الامـور المقديـات
خصوصاً لانتهى مقدار صبرك=وشفت من الخصيـم معانـدات
فلا يرضى علـى نفسـه مذلـه=يكون اللـي عزومـه ناقصـات
ردي الخال نذل ٍ وابـن هامـه=ولاش ٍ والـروابـع خــاذلات
وليا منه قضى صبـرك وغلـق=وشفت ان مالحلـول بمجديـات
فدافع دون عرضـك والكرامـه=وخاتمتك ليا مـا جـات جـات
والأجل مقدر ٍ والمـوت واحـد=والانفـس كلهـا لـه ذايـقـات
ولا ياقـى الحـذر ممـا يقـدر=لا بـد احكـام ربـك نافـذات
وهذا ما استطعت من النصايـح=نصايـح ثابـتـه ومـوكـدات
يقولـه واحـد ٍ والكـامـل الله=يوصي وما عمـل بالتوصيـات
اوصيكـم وأنـا والله مقـصـر=قصور ٍ مـا تغطـه لاروقـات
خصوصاً من جهة ما يرضي الله=وهذا اللـي بـه اكبـر فايـدات
عسى ربـي يسامحنـي ويغفـر=ذنوبـي الآتـيـه والسالـفـات
ولكن ياهل العـرف اعذرونـي=اليا قصرت فابغـى المعـذرات
وصلى الله على المختـار طـه=عـدد مانسنـسـن الـذاريـات
شفيع الخلق فـي يـوم الملاقـا=وكل الخلـق حافيـن ٍ عـرات
رسـول الحـق سيدنـا محمـد=عليه من الإله ازكـى صـلات[/poem]


% يا عذاب الحال ( جنون القصيد ) %

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يا عذاب الحال حـل بـه انحـلال=كنها تلحى اللحـم عنهـا السـلال
انحنى حتى غـدى مثـل الخـلال=حال عنه الحيل واصبـح ناحلـي

حـل بالحـال انحـلال ٍ وانتحـل=مثل عود ٍ يبّس من طـول المحـل
عقب ما ماتت عروقـه واضمحـل=ذاوي ٍ بامحـل محـل ٍ ممحـلـي

طول صبري كل ليل وكـل يـوم=اتـحـرى للرسـايـل والعـلـوم
في ديـار ٍ جوهـا حـر وسمـوم=وعجهـا وغبارهـا مـا ينجلـي

شاب راسي من فراق الخل شـاب=مـا تهنـا لا طعـام ولا شـراب
وان كتبت الخط ما جانـي جـواب=والخبر من صاحبـي مـا ردّ لـي

طال يابن سويد صبري وانقضـى=صابر ٍ كني على جمـر الغضـى
من هموم البال ضاق بـي الفضـا=مير ما يشكى علـى غيـر الولـي

لابغيت اسـج واسلـى واستريـح=فـز قلبـي ثـم تذكـرت المليـح
صاحب قلبي علـى شانـه جريـح=مخطر اني مـن هـواه استهبلـي

من نديبي فـوق مامـون الحديـد=سايقـه مطنـوخ والموتـر جديـد
يوصـل المكتـوب قـدام البريـد=حيـث خطـي جاهـز مستعجلـي

يـا نديبـي قـم تجهـز للمـراح=فوق هاف ٍ لا عطا ا لارض البراح
قام يكفـخ مثـل خفـاق الجنـاح=لا نهض من راس رجـم ٍ معتلـي

هاف لوري فوق ماطوره صليـب=منوة اللي عن هوى بالـه غريـب
لا عطى الحزم الجلد يقنـب قنيـب=نـوع ماطـوره ثمـان سرندلـي

من ديار البعد يمشي فـي السحـر=بالغلـس قـدام ينـبـاج السـفـر
والضحـى متعـدي ٍ دولـة قطـر=داخـل ٍ سلـوى ورقمـه يجهلـي

لوحته مجهولـة ٍ مـن غيـر زور=سقطوا رقمـه بابوظبـي المـرور
حين سافر واسمحوا لـه بالعبـور=ضامنينـه مـن جميـع المشكلـي

ضامنينه من جميع اي اعتـراض=لين يدخل نجد واطراف الريـاض
وامرهم نافـذ ولا فيـه انتقـاض=ما عدا الجمرك لـزوم ٍ يحصلـي

ثم يسافـر عقـب تركيـب النمـر=مثـل زاروق معـا غبـة بـحـر
يجعل الوادي علـى دربـه ممـر=ناصي ٍ تثليـث والمخـرج ملـي

صار له يوم استوى الخط اهتواش=واعجب السواق بالسرعة وشـاش
مانوى الوقفة يكون بحـزم جـاش=صامـل ٍ فـي نيتـه ومصملـي

ديـرة فيهـا بنـي عمـي ومـن=لا طروا للقلب في الخوف ارجهـن
درعي الضافي على طول الزمـن=لا سقى الله موطـن ٍ منهـم خلـي

المـسـاردة الــذي حـرابـهـم=فـي اللقـا لازم لـزوم يهابـهـم
مـا تحديـت الصعـاب الا بهـم=وفي حميا غيرهـم لا شـف لـي

صيتهم فيما مضـى بـان وظهـر=وانتشـر بيـن القبائـل واشتهـر
ربعي اللي مـا يهابـون الخطـر=يـوم نيـران الحرايـب تشعلـي

ربعي اللـي للعـدا سـم ٍ ذحـاح=فزعة المضيوم لا صاح الصيـاح
بالسيـوف المرهفـات وبالرمـاح=ضربهم مثـل القضـاء المنزلـي

بالجهل يوم العصـور الماضيـات=والسهـوم الــواردة متخالـفـات
لاقبلوا فـوق الخيـول الصافنـات=ارجفت سبع الاراضـي تزلزلـي

كـم عقيـد ٍ مـن جـواده نزلـوه=بالوطـا جفـه وراسـه طيـروه
مايعـرف الخـوف لكـن ذللـوه=ربعـي اللـي يلطمـون العايلـي

يشهـد الله والخلايـق شاهـديـن=ويشهد التاريخ من طـول السنيـن
اعقـل العقـال واجهـل جاهليـن=ضـد منهـو ضدهـم سيجهـلـي[/poem]




وكان حمد هادي في آخر حياته يلقي الكثير من قصائد النصح والإرشاد والتوبة واقسم في أحد تسجيلاته الصوتية بأن لا يسجل قصائد الغزل حتى توفي في مدينة الدمام عام 1412هـ عن عمر يناهز الخمسين، وقد رثى نفسه بقصيدة مؤثرة وهو على فراش الموت منها اختار هذه الأبيات :



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

اشوف الموت حيٍ في شليلي=ولو نفسي بعد يقرع نسمها
انا مني دنا الموت المزيلي=تمركز فوق الأنفاس وكتمها
وأنا حالي ثوى وانهد حيلي=وانا حالي لحا اللاحي لحمها[/poem]


في الختام وبعد هذه الرحلة الطويلة للشاعر حمد هادي - رحمه الله واحسن مثواه -فقد ترك لنا تراثاً شعرياً خالداً في نفوسنا لن تطويه صفحات الزمن ، وكان احد رموز الشعر ، وسطر اجمل الروائع الشعرية رحم الله الشاعر حمد هادي المسردي واسكنه فسيح جناته




تحياتي


وتقديري

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

الأخ عبدالله

لاهنت وبيض الله وجهك على هذا التقرير الوافي

لشاعر يعرفه الجميع سواءً في مجال النظم أو المحاوره ويحسب له ألف حساب

رحمة الله عليك ياحمد هادي

اكرر شكري لك يابو سعود

ودمت بخير

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

عبدالله وين اهبك من الموت يا غناتي كفيت العجم
سطرت فأبدعت عن هذا الأسطورة معجزة الشعر
رحمه الله وغفر له

__________________

لله يرحمه برحمته التي وسعت كل شئ

شاعر يرفع الراس ومعروف شغله في العتبان

خلف ورشيد الزلامي

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

اررررحب ياعبدالله






والشاعر حمد هادي علم وهرم من اهرام الشعر ولايمكن ان ينساه الشعر الشعبي..







واضيف لما ذكرت بعض القصائد التي استهويها لهذا الشاعر الكبير :




[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
راكب اللي يقرب البعد لا منه زما=جمس شكمانين توه من امريكا ورد
أدهم لا دق سلفه وشغل واحتما=كنه يقرا الله احد والله الصمد
كن حس بلوفه مناقشة حزب علما=يدرسون محاضراتٍ بجلساتٍ جدد
فزته لا فز كنه بيصعد للسما=مثل حر مطلقاتٍ سبوقه للهدد
كن فزيزه مرمي رمى لكن ما رما=فزه المطفوق واخطاه وارتاع وشرد
لا عطا حزم الجلد يرتكز عجه كما=قنف غرٍ مرزمة في مقاديمه برد
بنهمه فجرٍ من العاصمة ثم ابهما=خاصٍ ديرة هوى البال مركوز النهد
الفطور شريق من بين شقرا وضرما=والغدا في حزم جاش بلا سابق وعد
لايمي في حب جاش واهل جاش يعما=جعل ماله فوق دنياه مال ولا ولد



,,,,




علي كثروا اعوان الدهر والدهر ضدي=وذا حال من صارت ضروف الدهر ضده
تحداني الدنيـا علـى غيـر مـا ودي=و حبـل الـردا رث اذا جيـت بامـده
بعض الأصدقاء لا جيت باقابله صـدي=ومن كنت محتـاج لـوده بـدى صـده
ولا عاد لي غير أترك الـدار واشـدي=ومـن عدنـي والا فــوالله مـاعـده
وصدر الفضا واسع مع الأفق ممتـدي=ومن سار في درب وصل ولو بعد مـده
اليا بـاروا الخـلان و الحـظ متـردي=فلا للفتى الا يتـرك الـدار مـن جـده
وخلن بدل خلـن وحـدن بـدل حـدي=وربي هو اللي يقصـر العمـر ويمـده
تمسكت في حبل الصله وتعبـت يـدي=بـلا فايـده والحبـل ذا اليـوم باهـده
وباقوس ثوبي دمت حـي علـى قـدي=و كل يفصـل لـه ثيـاب علـى قـده
و من لا يسد بواجبه مات مـا سـدي=ولا خير في من واجبـه مـات ماسـده
باشد الرحال وبترك الدار مـن جـدي=ومن له علي فضل ومعـروف يرتـده
ورزقي على اللي لا عطا يجزل المـدي=و من يستعيـن بخالقـه نـال مـا وده
فلا خير في من يقبل الضيم والضـدي=ويخسى الذي تقصر عن المرجله يـده


,,,,,


بعض الحكم من قصائده,,


,,,


ياكثر الأصحاب في وقت الرخا ياناس كثراه=وياقلهم حزة الشدات فـي وقـت اللزومـي
كم واحد ٍ بالرخا دايم معي والضيق ما ألقـاه=توي دريت ان خلان الرخا لـي ماتدومـي
وكم من صديق ٍ مصد ٍ بالرخا عني ولا أدناه=لا شك يوم انها ضاقت علي جـلا همومـي
فياحي حي الشدايد لـو بهـا تكليـف حيـاه=كم نبهت غافـل ٍ تلعبّـه أوهـام الحلومـي
جربت والتجربـه برهـان للعاقـل بدنيـاه=من لا يجرب يعض من الندم روس البهومي


,,,,,


احسبن مـا للجمايـل علـى الدنيـا جحـود=ليـن معروفـي بذرتـه بنـاس وجحـدوه
اشهد من يفعل الجـود فـي مـن لا يجـود=مثل من حجج علـى غاربـه ذبـاح ابـوه


,,,,


اشهد ان بعض العرب لو معه مال وحـلال=لـو غنـيٍ المواجـيـب مـاهـو قـدهـا
كم غني مـا ينومـس ليـا جـوه الرجـال=وكـم فقيـر لابــدن الـلـوازم سـدهـا


,,,


مـن معـه مـالٍ تـراه يصيـر غـالـي=والفقـيـر الـنـاس دايــم يرخصـونـه
يرخصـه حتـى الرفيـق اللـي مـوالـي=واسـرتـه لاقــل مـالـه يبغضـونـه
وغيـرت سـود الدهـر مجـرى الليالـي=واختلـف طبـع الخلايـق عـن يكـونـه
واليمـيـن الـيـوم تغلبـهـا الشمـالـي=والعـوارف مقـصـدي مــا يجهلـونـه[/poem]


..






لاهنت ياعبدالله على جهدك الجبار واهتمامك في الموروث الشعبي..







تقبل تحياتي,,

__________________

اررررررررررررررررررحب ياعبدالله

حيه وحي ماجاب

بيض الله وجهك على هذه النبذه وعلى القصائد

تقبل وافر التقدير

__________________
00000000

سلمت يمناك ياعبدالله وبيض الله وجهك


مجهود يستحق التقدير


لاعدمتك

لاهنت ياعبدالله على هذا النقل المميز والاهتمام الجبار

وحمد هادي المسردي شاعر قوي وله مواقف مع

كثير من الشعراء وخاصة شعراء عتيبة وقد ذكر لي بأنه أقيمت حفله وفي هذه الحفله كثر فيها الشعراء

وعندما جاء بعد العشاء جاء حمد هادي سمار ويوم شافوه الشعراء المتواجدين أخرجوا من الحفل

فكان له هيبه وشاعريه قويه ويتميز بسرعة الرد


لاهنت وبيض الله وجهك

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

أبو سعود


بيض الله وجهك على المجهود والنقل الرائع


لشاعر المرحوم / حمد هادي المسردي


رحمة الله



تقبل وافر تحياتي وشكري لك موضوعك الرائع

__________________



ممصمنا المبدع
تركي العلياني
ألف شكر لك

الاخ :

ابـــــــــو سعود فديتك يالغالي

اشهد بالله انك وفيت وكفيت

اختيار موفق جعلنا مانعدم راسك

واطلب الله في هاذا الشهر الفضيل

ان يرحم حمد بن هادي المسردي

ويجعله من ضيفان الجنه

__________________