وقفة مع الشاعر الكبير / حمد بن هادي المسردي ( رحمه الله )


مجلس الديار و قصص وسوالف من الماضي خاص بديار قحطان والقصص والسوالف والأشعار القديمه لقبيلة قحطان

موضوع مغلق
قديم 26-04-2005, 09:58 AM
  #1
جعفر بن شري
عضو
 الصورة الرمزية جعفر بن شري
تاريخ التسجيل: Apr 2005
المشاركات: 81
جعفر بن شري is on a distinguished road
Director وقفة مع الشاعر الكبير / حمد بن هادي المسردي ( رحمه الله )

الشاعر الكبير / حمد بن هادي المسردي ( رحمه الله )




نبذه عن حياته " رحمه الله "


هو الشاعر الراحل ( حمد هادي المسردي القحطاني ) من الشعراء الشعبيين المبدعين
الذين برعوا في كتابة القصيدة الشعرية بكل اقتدار وتفنن
ولد رحمه الله في مدينة جاش سنة 1360 هجرية وتوفي في 13 رمضان 1412 هجرية
تمتع هذا الشاعر الفذ بموهبة قوية
استطاع من خلالها أن ينسج اجمل الكلمات ، ويصوغ احلى المعاني فقد طوع اصعب القوافي ، وعاند اعسر البحور الشعرية
حيث استخدم كلمات كثيرة في البيت الواحد مثل قصيدته المشهوره (الطائرة) ذات البحر الطويل
والتي نالت اعجاب الكثير من هواة الشعر الشعبي.
كتب لأمجاد الوطن، كتب للمعاناة، كتب للحكمة، كتب للنصح والإرشاد، كتب لكل ابواب الشعر، وذلك بإبداع وتميز.
وبالرغم من أن الإعلام لم يخدمه كشاعر إلا أنه يعتبر احد اعلام شعر النظم والمحاورة على مستوى الخليج العربي
فاشعاره تمتاز بجزالة الألفاظ ومتانة الأسلوب، وسهولة الحفظ
عُرف بكثرة الأسفار حيث طاف انحاء دول الخليج العربي وحاور جملة من ابرز شعراء المحاورة ومنهم
على سبيل المثال احمد الناصر الشايع ، خلف بن هذال العتيبي , المعنا البقمي ، رشيد الزلامي ، فهد المحيشير وغيرهم الكثير"

وقد اشتهر - رحمه الله - بمحاوراته الجميلة التي تهتز لها الصفوف وقوافيه الساحرة وأبياته الهادفة
مما جعل الكثير من الناس يحفظونها وصارت أمثالاً تردد الى الآن ومنها:



الله ولا بعض الضيف والمساييـر=الـلـي تـنـزل للفـتـى نــص قـيـمـه
والله ولا بعض الطرق والمشاوير=الـلــي تـعــود عاقبـتـهـا وخـيـمــه



وقال في موقف اخر:



احسب ان ما للجماليل على الدنيا جحود=لين معروفي بذرته بناسٍ وجحدوه
واشهد ان من يفعل الجود في من لا يجود=مثل من حجـج علـى غاربـه ذبـاح ابوه

واليكم اطول شطر في الشعر الشعبي
وهذا ما اكده الشاعر راشد بن جعيثن وهو من اطلق على حمد هادي المسردي اسم " الشاعر المعجزه "


حيث قال حمد هادي المسردي في قصيدة " الطيارة ":

ياراكب ٍ من عندنا طيارة ٍ ماطورها لا رن عبت كمبريشن فُلّ
وأفترت مراوحها وطارت بالفضا من طايرات اطراز ميق اربع مراوح واربعة متحركات
..... من نوع سبعميه وسبعه وارد أمريكا وصنع فرانكفورت أسطول
مـن أحـدث أساطيـل الفضـا قـد صممـت بأكبـر مصانـع سابقـات أصواتها






روائع الشاعر / حمد هادي المسردي







المال







يالله يالـلـي بـيـدك الـعــز والـجــاه=يالـلـي لـخـلات المخالـيـق رافـــي
يـا مـن خلـل عبـدك ليابـان ترفـاه=ياعـالـم ٍ غـايـة خـفـا كــل خـافـي
الطـف بحـال اللـي تبـهـذل بدنـيـاه=وداج بجميع انحـا النحايـا وطافـي
يطرد ورا حظٍ عليك انـت مشكـاه=لا شك شاف من الزمان اختلافـي
من كثر ماله ساروا الناس برضاه=ولو كان ناقص قالوا النـاس وافـي
ومن قل ما بيده ترى الناس تشنـاه=لو كان يسقيهـم عسـل قنـد صافـي
فالمال كـم سـاس ٍ طمـان ٍ وعـلاه=والفقـر كـم حطـم روابـع سنـافـي
لا شك مـا للعبـد عـن حكـم مـولاه=مـن خيـر والا شـر والـرب كـافـي
مــا كـتـب للمخـلـوق لا بــد يلـقـاه=امـــا هـزايــم شـــر ولا عــوافــي





شفت انا بالعين







شفـت أنـا بالعيـن رعبـوب بنظـراتـه رمـانـي=آه يامـابـي عـلـى جـيـه ولا لـــي فـيــه حـيـلـه
نابـي الردفيـن ملهـوف الحشـى حلـو اللسانـي=ضامر السرجوف غض العود والقامـه طويلـه
كاشـف مـا يلبـس البرقـع ومـن عقلـي سبانـي=عــود غــي غــاوي بالـفـن وأجـنـاسـه قلـيـلـه
حيـن لاقانـي وغـض الطـرف مجلـي الثمانـي=صابني سهم الخطر من طرف منسوع الجبيله
قلـت ياسيـد العـذارى ليـت حـنـا لــك عـوانـي=ليتـنـي ويــاك يـازيـن الوصـايـف مــن قبيـلـه
صـد عنـي مستحـي يانـاس لـكـن مــا جفـانـي=والتـفـت لــي بإبـتـسـام وزوّد الـحـمـى ملـيـلـه



الميراج







ويالـجّ قلـبـي لــجّ ســرب ٍ مــن المـيـراج=ليـا اصـدّر لاوامـر قايـده واعلـن الغـاره
مع الفجر الأول عاد ضوح السفر ما انباج=تــحــرّك وتــعـــداده ثـلاثــيــن طــيّـــاره
وياوالّـلـه الـلـي غـلّـق الصـبـر مايحـتـاج=ولـوكـان عيـنـي بــأول الـوقـت صـبّــاره
هواجـيـس قلـبـي بالدقيـقـه تجـيـه افـــواج=وعـيـنـي شـقـاويـه والأفــكــار مـحـتــاره
تخالـف همومـي مثـل ما تختلـف لامــواج=عـلـى شـاطـي ٍ مابـيـن فـرّضـه وعـبّـاره
تـوارد وتـرد القلـب مـن كــل فــجّ وفــاج=وتقبل علـيّ امـواج مـع ريـح صرصـاره
ليا اشتد صلف النّود والبحـر هـاج ومـاج=تسوقـه علـى الشاطـي عواصيـف جبّـاره
غريب ٍ ومشتـاق ٍ وشفـق ٍ علـى المنهـاج=وســود الليـالـي تـخـلـف الـظــن غـــدّاره
وجـودي علـى شــوف المحبّـيـن يـافـرّاج=وجـود الكسيـر الـلـي دنــو مـنـه بجـبـاره




مل قلبٍ






مـــل قـلــب هـــزه الـهــم والـهـاجـوس هـــز=وارتجـف عرشـه وزلـزل وجـا فيـه اهـتـزاز
عـقـب ثلثـيـن مــن الـلـيـل فـــز الـقـلـب فـــز=مـثــل فـــزة حافي(ن) واطـــي(ن) كـســرة قـــزاز
كـن باقـصـى ضـامـري ياجمـاعـه نــار قــز=والـضـلـوع يلـوعـهـا مـثــل ضـــو البـوتـقـاز
وكـن فــوادي مــن عـراويـه بامـواس يـحـز=من همومي والهواجيـس فـي صـدري حـزاز
عقـب ذا يـاراكـب الـلـي عـلـى الغـايـه بــرز=جـمـس شكمانـيـن تــوه جـديـد آخــر طــراز
يعجـب السـواق لـي مـا عطـا حــزم الـجـرز=وأن تـحـرك يـقـرب البـعـد ويـشــق الـغــراز
مــن ديــار البـعـد قـلـب العـنـا صـابــه قـلــز=ومـن ديــار البـعـد عــز الله ان القـلـب جــاز
الــغــدا لــــي ســهــل الله بــدايـــات الـمــلــز=ثــم يشـيـك مــن محـطـات مـوقـفـة الـحـجـاز
وغـادر الديـره مـع العصـر يــوم انــه جـهـز=وأنتلـه مرفـوع بالوصـف كنـه أريــل جـهـاز
والعـشـا حــول السلـيـل مــع المـغـرب نـجـز=حـايـفـه غـمــر شـقــردي وعـادتــه الـنـجـاز
ثــم تـحــرك والـدريــول يـلــز الـرجــل لـــز=طـــول لـيـلـه راح كـلــه مـسـاقـط واجـتـيـاز
والـونـيـت يـشـجـع الـلــي يـحـبــون الــلــزز=لـو يقحـص ويــل طـلـع مــن الـقـاع ارتــواز
كـنـه السـكـران لــي غـــزه الشـيـطـان غـــز=عقـب ما افـلا غرشتـيـن وطــاب لــه الخـنـاز
ينطنـخ ويـشـوش ومــن المخـاطـر مــا يـكـز=شـايـف بـعـض الـعـرب كنـّهـم عـنـده عـفـاز
لا اشرقت شمس الضحى لي الونيت بكل عز=واقــف فــي وســط ديــرة بـنـي عــم عــزاز





معلقة ( نصائح وارشاد )







يـقــول الـلــي بـرســم القـافـيـات=يصوغ القاف صـوغ مجوهـرات
إلــى مـنـه بـغــا نـظــم القـصـيـد=فـــلا يـخـتـار غــيــر الـطـيـبـات
تـنـقـا مـــن نـظـيـفـات الـلـحــون=علـى كيـفـه مــن الـقـاف كلـمـات
محـاريـف القـوافـي لــو تعـصـت=أصخرهـا ولــو هــي عاصـيـات
تـخـيـرت الـكــلام الــلــي يـفـيــد=وجـنــبــت الـعــلــوم الـتـافـهــات
وأنــا قـاسـيـت شـــدات الـزمــان=وذقـــت أمــرارهــا والـحـالـيـات
ومـن قاسـى علـى الدنـيـا شـدايـد=يـفـيـد ويستـفـيـد مـــن الـحـيــات
وأنــا مـانـي بـقـول انــي خـبـيـر=ولانـــي بـــا ادعـــي بـمـقــولات
درسـت مـن المعرفـه مــا تيـسـر=وصرت اعرف علوم ٍ موجـزات
وعشـت مــن الحـيـاة الله واعـلـم=عن اللـي مـن سنيـن العمـر فـات
عـرفـت اطــوار نـيـات الـرجـال=وشـفـت اسـرارهــا المتخـالـفـات
ومـيـزت الرفـيـع مــن الـوضـيـع=وقـلــت الـحــق والـعـلـم الـثـبـات
ترى في الناس من يجلى الهمـوم=عــن المضـيـوم عـنــد النـايـبـات
يسـد الـنـوب مــن كــل النـواحـي=ويــركــي لـلـحـمـول الـكـايــدات
عـزيـز النـفـس لــو مـالـه قـلـيـل=ايـديـنــه بـالـوفــا مـسـتـاصــلات
عـزيـز النـفـس لــو مـالـه قـلـيـل=احــبــالـــه لــلــمــكــارم واردات
عـزيـز النـفـس لــو مـالـه قـلـيـل=اشـبــوره لـلـمـراجـل طــايــلات
ولا ظنـيـت بـــه ظـــن ٍ بـطـيـب=تشـوف رســوم ظـنـك راسـيـات
وليـمـنـك نـخـيـتـه فــــي لــــزوم=بـذل لـك فـي قـضـاه المعـجـزات
وليمـنـك نصيـتـه وأنــت ضـيـف=يـقــوم لـــك بجـمـيـع الـواجـبـات
وفـيـهـم مـــن يـزيــد الـهــم غـــم=ولا يـنـطـح وجـيــه الـمـكـرمـات
واضعيـف النفـس لـو مالـه كثيـر=ســواً بــه فــي حيـاتـه والمـمـات
واضعيـف النفـس لـو مالـه كثيـر=عـن الطـولـه شـبـوره قـاصـرات
واضعيـف النفـس نـذل ٍ مـا يفـيـد=وجــــوده والــعــدم مـتـسـاويـات
بـخـيـل ٍ فــــوق دنــيــاه وذلــيــل=وعـن الامجـاد طبـوعـه شــاذات
يقـولـه واحــد ٍ جـــرب وشـــاف=وصـار يـقـول عـقـب التجـربـات
عـلـى قــول الــذي بالـقـول فــاز=سبقنـي فـي العصـور الماضيـات
جـــزا الله الـشـدايـد كـــل خـيــر=عـرفـت بـهـا الـقـدا والمخطـيـات
وعرفت بهـا العـدو مـن الصديـق=جــزاهــا الله عــنــي بـحـسـنـات
فـيـا سـامـع كـلامـي لـــك عـلــي=نـصـايـح كـالـجـواهـر غـالـيــات
ولا اريــد الـجـزا إلا مــن الـهـي=ثــــواب الله خــيــر الـجــايــزات
علـيـك بـطـاعـة الله ذو الـجــلال=الــــه الــكـــون رب الـكـايـنــات
جليـل الملـك ذو العـرش العظـيـم=ومــن الافــلاك بـامـره دايـــرات
مغيـث المستغيـث إلـيـا استـغـاث=وقــهــار الـجـبـابــرة الـطــغــات
ولــي الأمــر عـالــم كـــل شـــي=ولا تـخـفــى عـلـيــه الـخـافـيـات
مـحــب الـعـفـو غـفــار الـذنــوب=ولـه حسنـات الاسمـا والصـفـات
وسـيـع الحـلـم رحـمــن ٍ رحـيــم=وعــفــوه واســـــع ٍ لـلـمـغـفـرات
وهـو معبـودنـا المحـيـي الممـيـت=وعـلــم الـفـقـر بـيــده والـغـنــات
علـيـك بطاعـتـه فــي كــل حـيـن=وقــم لــه بالـفـروض الـلازمــات
شـهـادتـك وصـلاتــك والـصـيــام=وحـــج الـبـيـت واداي الــزكــات
وبــر الوالـديـن احــرص عـلـيـه=وفـعــل الـبـاقـيـات الـصـالـحـات
وقل معـروف وأنـه عـن المناكـر=واتــق ذنــب رجــم المحصـنـات
ولا تـنــقــل كـــــلام ٍ بالـنـمـيـمـه=وتظـلـم لـــك نـفــوس ٍ غـافــلات
تـرى المولـى عـن العـالـم غـنـي=ومــن طـاعــه يـنــال الأمـنـيـات
كـريـم ٍ لا عـطــا مـاهــو بـخـيـل=ومــداتـــه جـــــزال ٍ وافـــيـــات
ليـا مـنـه عـطـى جــزل العطـايـا=وهـو حــلال صـعـب المشـكـلات
تــراه الـلـي لـيـا ضـاقـت علـيـك=يـفـرجـهـا مـجــيــب الــدعـــوات
مــزيــل الــهـــم رزاق ٍ مـعــيــن=عـلـى خـلـقـه عـيـونـه مـرقـبـات
عظـيـم الـشـان حــي ٍ لا يـمـوت=مــديـــم ٍ والـخــلايــق فـانــيــات
وكـن مستامـن ٍ بـه وامـش وامـن=والاقــــدار بـفـلـكـهـا مـاشــيــات
ولا تـحــزن وعـانــد كـــل هــــم=ولا بـــــد الـشــدايــد زايــــــلات
ولا شــفــت المـحـقـريـه بــديــره=فـلـرض الله فـجــوج ٍ واسـعــات
بــدل دار ٍ جـفـاك الـلـي سكـنـهـا=اتـحـصـل لـــك ديـــار ٍ ثـانـيـات
فحـثّ الرجـل وارحــل لا تبـالـي=ولا تـبـقـى عــزومــك فــاتــرات
ودسّ بالرجـل غـبـات المخـاطـر=ولا تحسـب احسـاب مخـاطـرات
فـلا يجـري لـك الا مـا كتـب لـك=ولا يــاقــاك عــنــه مــحــاذرات
وهاجـر عـن ديـار الــذل تـربـح=وســافــر لـلــديــار الـنــازحــات
تـرى الاسـفـار سـجـات وغنـايـم=وكــــم لـلـبــال فـيـهــا تـسـلـيـات
تــرى الاسـفــار للـعـاقـل مـفـيـده=تفـيـدك مـــن جـمـيـع النـاحـيـات
تـعــرفــك الــرجـــال الـطـيـبـيـن=ذوي ســـاس الـعـلـوم الغـانـمـات
وتجـعـل هـمـة اعـزومــك قـويــه=وتعـطـيـك الـــدروس الـكـافـيـات
وفيـهـا للمـعـاش احـسـن وسـيـلـه=وفـيـهــا للـنـصـيـب مـصـادفــات
وسـجـات الـنـفّـس فـيـهـا وفـيـهـا=لعمـر المـرء فـي الدنـيـا طــرات
تحـرك فـي فـجـوج الله الوسيـعـه=يجيـك الـرزق مـن كـل الجـهـات
ولا تـرضـى الكسـافـه والمهـونـه=تشـوف مــن المعـاديـن الشـمـات
وتـرى عمـر الفتـى ماهـو بـدايـم=وتـرى آجـال النـفـوس مـحـددات
ونـيـل المـجـد فــي قـــوة الإراده=وطـــلاب المـعـالـي مـــا يــبــات
يــدوّر للـعـلا لـــو كـــان يـتـعـب=وعيـونـه فــي طلبـهـا سـاهــرات
فــــلا تـغـتــر بـالـنــوم الـعـمـيـق=تــراه يضيـعـك عـمــق الـسـبـات
تغـانـم دام لــك قــدر إستـطـاعـه=ومـا دام الـفـرّص لــك سانـحـات
وليمـنـك بـذلــت الـجـهـد فـاعـلـم=تــرى ارزاق الـعـبـاد امـقــدرات
فـكــن صـابــر واقـنــع بالـمـقـدَرْ=ولا تـنـدم عـلـى مــا كــان فــات
تــرى الارزاق مــا تـاتـي بـقــوه=ودنـيـانـا تـراهــا خــــذّ وهــــات
ورزق الحي مضمـون ٍ وجـاري=إلـيــا حــتــى تـلاقـيــه الــوفــات
ولـكــن التـسـبـب شـــي واجـــب=ومـن يــزرع سيجـنـي الثـمـرات
وتـرى مـن جـد لابـد انــه يـاجـد=كــلام اهــل الـعـقـول الـزاكـيـات
وليمـنـه بــذل جـهـده ولا احــرز=مـرامــه مـــا عـلـيــه مـعـاتـبـات
ونـفـسـه مـــا يلحّـقـهـا حـسـوفــه=بـقـولـه مـــا عـمـلـت مـحــاولات
الـيــا مــــن الـلـيـالـي عـاكـسـنّـه=وحـظـه مــا سـعـى بمـسـاعـدات
فـيـدري بـــان هـــذي دبـــرة الله=ويـبـقــى قــانــع ٍ بـالـحـاصــلات
وخير الناس مـن يعطـى القناعـه=ولا اشقـى مـن نفـوس ٍ طامعـات
وعنـدي غيـر مــا قلـتـه وصـايـا=على المعنى الصحيـح امسيسـات
اليا منك بغيـت تصـون عرضـك=وتـحـضـى بالـمـزايـا الـكـامـلات
فــلا تمـشـي مـعـا الأنــذال دايــم=وسـايـر لــك رجـاجـيـل ٍ ثـقــات
ومــن لا شـــاورك لا تستـشـيـره=ولــو عـنـد الـظـروف القاسـيـات
وكُن صامت فإن الصمـت حكمـه=وهـيـبــه داخـــــل المـجـتـمـعـات
وكُـــب الـثـرثـره بـالــك تلـجـلـج=فـلا يبقـى عـلـى هـرجـك شـفـات
وكثـر الضحـك نقـص ٍ بالمهـابـه=فــلا تضـحـك بـــدون منـاسـبـات
ولا تنـطـق بغـيـر الـصـدق دايــم=ولا تـبــدي اهـــروج ٍ كــاذبــات
وكُــن مـتـواضـع ٍ بـالــك تـكـبَـر=وخــل اخـلاقــك دايـــم عـالـيـات
ولا تشكـي علـى حـي ٍ سـوى الله=اليـا شفـت الـظـروف معاكـسـات
ولا تـبـدي عـلـى الأنــذال ســدك=ولا بـــــد الـشــدايــد زايــــــلات
ولا تنـسـى علـيـك بحـفـظ حـقـك=تـرى لـيـس الـكـرم بمناضـحـات
وعن التبذير صُن مالك يصونـك=اليـا جــات الـظـروف القاسـيـات
تـرى ماكـل مـن يضحـك يفـيـدك=الـيـا صــارت يـديـنـك خـالـيـات
وعـز الجـار فــان الـجـار قــدره=علـى المسـلـم مــن المستلـزمـات
وظيفـك بــش فــي وجـهـه وقــدم=لــه المـاجـود حـسـب المـقـدرات
وحــذراك الخيـانـه فــي خـويــك=ولا تـرضــى عـلـيـه مـحـايـفـات
وحــذراك الـغـرور اول شـبـابـك=تـرى طـرق الـغـرور مضيـعـات
وليـا ثــار النـشـب بـيـن المـقـرّد=فـجـنـب والـعـواقـب مـرضـيــات
ولا تخـطـي ولا يخـطـى عـلـيـك=وبـالــك تـعـتـرض لـمـعـرضـات
وليا جـاك الخطـا مـن يـم جاهـل=فــــداره بـالـهــروج الـمـقـنـعـات
لـعـلـك تقـنـعـه بـأحـسـن وسـيـلـه=وبـيــبــان الـحـمـاقــه مـقــفــلات
وان لــم يقـنـع الجـاهـل بـعــذرك=وامــــوره شـفـتـهــا مـتــوتــرات
فـكـن عـاقـل وحــذراك الجهـالـه=وحــسّـــب لـلـقـوافــي قـافــيــات
ليـا جهـل الجهـول العـقـل ضــدّه=فــلا تحـسـب لامــور ٍ مـهـمـلات
مضى وقت الجهـل واقفـى وولـى=مـعـا غـبـر السـنـيـن الـمـدبـرات
وليـا مــد الجـهـول ايـديـه عـامـد=وصــارت مــا تـفـيـد مفـاهـمـات
فحـاول تقنـعـه فــان كــان عـانـد=فـــلا للـنـكـر غـيــر الـمـنـكـرات
وردّع الجهـل مـا يحسـب خطيـه=ويحسـب مـن الامــور المقـديـات
خصوصاً لانتهى مقـدار صبـرك=وشفـت مــن الخصـيـم معـانـدات
فـلا يـرضـى عـلـى نفـسـه مـذلـه=يـكـون الـلـي عـزومـه ناقـصـات
ردي الخـال نــذل ٍ وابــن هـامـه=ولاش ٍ والــروابـــع خــــــاذلات
وليـا منـه قضـى صبـرك وغـلـق=وشـفـت ان مالحـلـول بمجـديـات
فـدافـع دون عـرضـك والكـرامـه=وخاتمتـك لـيـا مــا جــات جــات
والأجـل مـقـدر ٍ والـمـوت واحــد=والانـفــس كـلـهـا لــــه ذايــقــات
ولا يـاقــى الـحــذر مـمــا يـقــدر=لا بـــد احـكــام ربـــك نــافــذات
وهذا مـا استطعـت مـن النصايـح=نـصــايــح ثـابــتــه ومــوكـــدات
يـقـولــه واحــــد ٍ والـكــامــل الله=يوصـي ومـا عـمـل بالتوصـيـات
اوصـيـكــم وأنــــا والله مـقـصــر=قـصـور ٍ مــا تـغـطـه لاروقـــات
خصوصاً من جهة ما يرضي الله=وهــذا الـلـي بــه اكـبـر فـايــدات
عـسـى ربــي يسامحـنـي ويغـفـر=ذنــوبــي الآتــيـــه والـسـالـفــات
ولكـن ياهـل الـعـرف اعـذرونـي=اليـا قـصـرت فابـغـى المـعـذرات
وصلـى الله عـلـى المخـتـار طــه=عــــدد مـانـسـنـسـن الــذاريـــات
شفيـع الخـلـق فــي يــوم المـلاقـا=وكــل الخـلـق حـافـيـن ٍ عـــرات
رســـول الـحــق سـيـدنـا مـحـمـد=عليـه مـن الإلـه ازكــى صــلات



يا عذاب الحال
( جنون القصيد )






يـا عـذاب الحـال حـل بــه انـحـلال
كنهـا تلـحـى اللـحـم عنـهـا الـسـلال
انحنـى حـتـى غــدى مـثـل الـخـلال
حـال عنـه الحيـل واصـبـح ناحـلـي

حـــل بـالـحـال انـحــلال ٍ وانـتـحـل
مثـل عـود ٍ يبّـس مـن طـول المحـل
عقـب مـا ماتـت عروقـه واضمحـل
ذاوي ٍ بـامـحــل مــحــل ٍ مـمـحـلـي

طـول صبـري كـل ليـل وكــل يــوم
اتــحـــرى لـلـرســايــل والــعــلــوم
فــي ديــار ٍ جـوهـا حـــر وسـمــوم
وعـجـهـا وغـبـارهـا مـــا يـنـجـلـي

شاب راسي من فـراق الخـل شـاب
مـــا تـهـنـا لا طـعــام ولا شــــراب
وان كتبـت الخـط مـا جانـي جـواب
والخبـر مـن صاحـبـي مــا ردّ لــي

طال يابـن سويـد صبـري وانقضـى
صابـر ٍ كنـي علـى جـمـر الغـضـى
مـن همـوم البـال ضـاق بـي الفضـا
ميـر مـا يشكـى علـى غـيـر الـولـي

لابغـيـت اســج واسـلـى واسـتـريـح
فـــز قـلـبـي ثـــم تـذكــرت المـلـيـح
صاحـب قلبـي علـى شـانـه جـريـح
مخـطـر انــي مــن هــواه استهبـلـي

مــن نديـبـي فــوق مـامـون الحـديـد
سايـقـه مـطـنـوخ والـمـوتـر جـديــد
يـوصــل المـكـتـوب قـــدام الـبـريــد
حـيـث خـطــي جـاهــز مستعـجـلـي

يـــا نـديـبـي قـــم تـجـهـز لـلـمــراح
فوق هاف ٍ لا عطا ا لارض البراح
قــام يكـفـخ مـثــل خـفــاق الـجـنـاح
لا نهـض مـن راس رجــم ٍ معتـلـي

هاف لـوري فـوق ماطـوره صليـب
منـوة اللـي عـن هـوى بالـه غريـب
لا عطـى الحـزم الجلـد يقنـب قنيـب
نـــوع مـاطــوره ثـمــان سـرنـدلـي

مـن ديـار البعـد يمشـي فـي السحـر
بـالـغـلـس قــــدام يـنـبــاج الـســفــر
والضـحـى مـتـعـدي ٍ دولـــة قـطــر
داخـــل ٍ سـلــوى ورقـمــه يجـهـلـي

لوحـتـه مجهـولـة ٍ مــن غـيـر زور
سقـطـوا رقـمـه بابوظـبـي الـمـرور
حيـن سافـر واسمحـوا لــه بالعـبـور
ضامنـيـنـه مـــن جـمـيـع المشـكـلـي

ضامنينـه مـن جميـع اي اعـتـراض
لين يدخـل نجـد واطـراف الريـاض
وامـرهـم نـافــذ ولا فـيــه انـتـقـاض
مـا عـدا الجمـرك لــزوم ٍ يحصـلـي

ثــم يسـافـر عـقـب تركـيـب الـنـمـر
مـثــل زاروق مـعــا غــبــة بــحــر
يجـعـل الــوادي عـلـى دربــه مـمـر
نـاصـي ٍ تثلـيـث والـمـخـرج مـلــي

صار له يوم استوى الخـط اهتـواش
واعجـب السـواق بالسرعـة وشـاش
مانـوى الوقفـة يكـون بحـزم جــاش
صـامــل ٍ فــــي نـيـتــه ومـصـمـلـي

ديـــرة فـيـهـا بـنــي عـمــي ومــــن
لا طروا للقلب في الخـوف ارجهـن
درعي الضافـي علـى طـول الزمـن
لا سـقـى الله مـوطـن ٍ منـهـم خـلــي

الـمـســاردة الــــذي حـــــرابــهـــم
فـــي الـلـقــا لازم لــــزوم يـهـابـهـم
مـــا تـحـديـت الـصـعـاب الا بــهــم
وفــي حمـيـا غيـرهـم لا شــف لــي

صيتهـم فيـمـا مـضـى بــان وظـهـر
وانـتـشـر بـيــن القـبـائـل واشـتـهــر
ربـعـي الـلـي مــا يهـابـون الخـطـر
يـــوم نـيــران الـحـرايـب تـشـعـلـي

ربـعـي الـلـي لـلـعـدا ســـم ٍ ذحـــاح
فزعـة المضيـوم لا صـاح الصيـاح
بالـسـيـوف المـرهـفـات وبـالـرمـاح
ضربـهـم مـثـل الـقـضـاء المـنـزلـي

بالجهـل يـوم العـصـور الماضـيـات
والـسـهــوم الـــــواردة مـتـخـالـفـات
لاقبـلـوا فــوق الخـيـول الصـافـنـات
ارجفـت سـبـع الاراضــي تزلـزلـي

كــم عـقـيـد ٍ مـــن جـــواده نـزلــوه
بـالـوطـا جـفــه وراســــه طــيــروه
مـايـعـرف الـخــوف لـكــن ذلــلــوه
ربـعــي الـلــي يلـطـمـون الـعـايـلـي

يـشـهــد الله والـخـلايــق شـاهـديــن
ويشهـد التاريـخ مـن طـول السنـيـن
اعـقــل الـعـقـال واجـهــل جاهـلـيـن
ضـــد مـنـهـو ضــدهــم سيـجـهـلـي




مما قاله حمد هادي وهو على فراش الموت






اشوف الموت حيٍ في شليلي=ولو نفسي بعـد يقـرع نسمهـا
انا مني دنـا المـوت المزيلـي=تمركز فوق الأنفاس وكتمهـا
وأنا حالي ثوى وانهـد حيلـي=وانا حالي لحا اللاحي لحمها




في الختام وبعد هذه الرحلة الطويلة للشاعر حمد هادي - رحمه الله واحسن مثواه -
فقد ترك لنا تراثاً شعرياً خالداً في نفوسنا لن تطويه صفحات الزمن ، وكان احد رموز الشعر ، وسطر اجمل الروائع الشعرية
رحم الله الشاعر حمد هادي المسردي واسكنه فسيح جناته
__________________
gaffer711@hotmail.com

جعفر بن شري غير متواجد حالياً  
قديم 27-04-2005, 02:46 PM
  #2
الامبراطور
عضو فعال
 الصورة الرمزية الامبراطور
تاريخ التسجيل: Feb 2005
الدولة: جده
المشاركات: 530
الامبراطور has a spectacular aura aboutالامبراطور has a spectacular aura about
افتراضي

جعفر ابن شري جعل والله ايامك سنين اقولها وانا والله صادق

لانك جبت درر عن شاعر قحطان الله يرحمه ويرحم موتى المسلمين

واقترح ان يجمع قصيده في ديوان لان قصيده فخر لكل قحطاني

على العموم لاهنت وبيض الله وجهك
__________________


almas0110@hotmail.com

JEDDAH is the best
الامبراطور غير متواجد حالياً  
قديم 28-04-2005, 12:29 AM
  #3
محمدالمسردي
عضو مشارك
تاريخ التسجيل: Sep 2004
الدولة: جاش الاخضر
المشاركات: 122
محمدالمسردي is a jewel in the roughمحمدالمسردي is a jewel in the roughمحمدالمسردي is a jewel in the rough
افتراضي

الله يعطيك العافيه ياجعفر ولاهنت على الموضوع عن شاعر قحطان حمد هادي الله يرحمه ويسكنه فسيح جناته

اخوك/محمد المسردي
__________________
راكب اللي مادرج له على البيداء كفر=== غالي سعره وتوه جديدٍ وارده
Rang Rover فل اكشن لاجيب ولاشفر=== مافتحت اسويكه الا بشيكٍ فارده
القدح لو تّركده فوق سيته ماأن جفر=== لو تكيم به من خباش للمجارده
داخله كنه اشّعرة ضبي والبدي أعفر=== مايحلا الا بحر يعوق الشارده
لعّترض تلافتوله نفر نفر نفر===وشفت نضرات المشفح مغير اتطارده

فلاح القرقاح
محمدالمسردي غير متواجد حالياً  
قديم 30-04-2005, 12:46 PM
  #4
جعفر بن شري
عضو
 الصورة الرمزية جعفر بن شري
تاريخ التسجيل: Apr 2005
المشاركات: 81
جعفر بن شري is on a distinguished road
افتراضي

الله يعطيكم العافيه جميعأ ........................... ومشكور يالامبراطور .............. ومشكور يابن عمي محمد المسردي
واتمنى ان تكون مواضيعي حايزه على رضاكم جميعأ
وانتم كذللك وعموم الضيوف والاعظاء لاتبخلون علينا بمواضيع تهم المنتدى .............................................
ولــــــــــــــــــــــــــكـــــــــــــــــــــ ـم مـــــــــــــــنــــــــــــــــــــي جزيـــــــــــــــــــــــــــل الــــــــــــــــشكررررررررررررررر
__________________
gaffer711@hotmail.com

جعفر بن شري غير متواجد حالياً  
قديم 01-05-2005, 12:24 AM
  #5
ابن عاصم
عضو فضي
تاريخ التسجيل: Oct 2004
الدولة: هناااك
المشاركات: 1,402
ابن عاصم is just really niceابن عاصم is just really niceابن عاصم is just really niceابن عاصم is just really nice
افتراضي

جعفر بيض الله وجهك على الموضوع

وشاعرنا حمد هادي المسرررررردي يبغاله مجلدات

انشهددددددددد انه شاعر وبس
__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي
ابن عاصم غير متواجد حالياً  
قديم 05-10-2006, 06:14 PM
  #6
سلطان العبيدي
عضو متميز
تاريخ التسجيل: Jun 2005
المشاركات: 992
سلطان العبيدي is a splendid one to beholdسلطان العبيدي is a splendid one to beholdسلطان العبيدي is a splendid one to beholdسلطان العبيدي is a splendid one to beholdسلطان العبيدي is a splendid one to beholdسلطان العبيدي is a splendid one to behold
افتراضي رد : وقفة مع الشاعر الكبير / حمد بن هادي المسردي ( رحمه الله )

يعطيك العافيه


لاهنت
__________________

شكرا يا سالم على الحركان على التوقيع
سلطان العبيدي غير متواجد حالياً  
قديم 09-10-2006, 12:10 AM
  #7
عبدالله آل عباد
مشرف
 الصورة الرمزية عبدالله آل عباد
تاريخ التسجيل: Jun 2006
الدولة: أرض الله الواسعه
المشاركات: 9,859
عبدالله آل عباد has a reputation beyond reputeعبدالله آل عباد has a reputation beyond reputeعبدالله آل عباد has a reputation beyond reputeعبدالله آل عباد has a reputation beyond reputeعبدالله آل عباد has a reputation beyond reputeعبدالله آل عباد has a reputation beyond reputeعبدالله آل عباد has a reputation beyond reputeعبدالله آل عباد has a reputation beyond reputeعبدالله آل عباد has a reputation beyond reputeعبدالله آل عباد has a reputation beyond reputeعبدالله آل عباد has a reputation beyond repute
افتراضي رد : وقفة مع الشاعر الكبير / حمد بن هادي المسردي ( رحمه الله )

لالالالالالالالالالالالالالالالالالالالالالالالالا لالالاهنت ملا يين

ياوالله الشاعر
__________________



لأستشاراتك القانونية أضغط هنا
لوجه الله تعالى
عبدالله آل عباد غير متواجد حالياً  
قديم 09-10-2006, 12:58 AM
  #8
عبدالله بن غفره
إدارة المجالس
 الصورة الرمزية عبدالله بن غفره
تاريخ التسجيل: Nov 2005
الدولة: مامن بعد
المشاركات: 8,733
عبدالله بن غفره has a reputation beyond reputeعبدالله بن غفره has a reputation beyond reputeعبدالله بن غفره has a reputation beyond reputeعبدالله بن غفره has a reputation beyond reputeعبدالله بن غفره has a reputation beyond reputeعبدالله بن غفره has a reputation beyond reputeعبدالله بن غفره has a reputation beyond reputeعبدالله بن غفره has a reputation beyond reputeعبدالله بن غفره has a reputation beyond reputeعبدالله بن غفره has a reputation beyond reputeعبدالله بن غفره has a reputation beyond repute
افتراضي رد : وقفة مع الشاعر الكبير / حمد بن هادي المسردي ( رحمه الله )

لاهنت ياجعفر


ورحمة الله على شاعرنا حمد هادي


في أنتظار عودتك



أخوووووووووك
__________________



ممصمنا المبدع
تركي العلياني
ألف شكر لك
عبدالله بن غفره غير متواجد حالياً  
قديم 30-11-2008, 12:56 PM
  #9
فيصل ابن جليغم
عضو
تاريخ التسجيل: Apr 2008
المشاركات: 48
فيصل ابن جليغم has a spectacular aura aboutفيصل ابن جليغم has a spectacular aura about
افتراضي رد : وقفة مع الشاعر الكبير / حمد بن هادي المسردي ( رحمه الله )

لاهنت
فيصل ابن جليغم غير متواجد حالياً  
قديم 08-12-2008, 07:24 PM
  #10
مبارك بن حاضر
.:: الـمـراقــب الـــفـنـي ::.
 الصورة الرمزية مبارك بن حاضر
تاريخ التسجيل: Feb 2006
الدولة: الـرياض - طريب
المشاركات: 2,005
مبارك بن حاضر has a reputation beyond reputeمبارك بن حاضر has a reputation beyond reputeمبارك بن حاضر has a reputation beyond reputeمبارك بن حاضر has a reputation beyond reputeمبارك بن حاضر has a reputation beyond reputeمبارك بن حاضر has a reputation beyond reputeمبارك بن حاضر has a reputation beyond reputeمبارك بن حاضر has a reputation beyond reputeمبارك بن حاضر has a reputation beyond reputeمبارك بن حاضر has a reputation beyond reputeمبارك بن حاضر has a reputation beyond repute
افتراضي رد : وقفة مع الشاعر الكبير / حمد بن هادي المسردي ( رحمه الله )

رحم الله الشاعر الكبير حمد هادي المسردي

و بيض الله وجهك يا جعفر



.
__________________






حسابي في تويتر

MbarkHadr

مبارك بن حاضر


مبارك بن حاضر غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
عندما تموت الغيرة ؟؟ الأصيل المجلس الـــــعــــــــام 13 16-09-2007 11:39 AM
صفات الشيخ عبد العزيز بن باز رحمه الله كما يحكيها الشيخ عبد العزيز الراجحي حفظه الله ابو اسامة مجلس الإسلام والحياة 3 04-08-2006 08:08 AM
احاديث نبوية المعمري مجلس الإسلام والحياة 4 11-09-2005 12:38 AM
مجموعة ارقام هواتف المشايخ والدعاه والايميلات .. عبيدي الدمام/ابوزياد مجلس الإسلام والحياة 3 09-02-2005 11:56 AM


الساعة الآن 01:19 PM

سناب المشاهير