بعض قصائد الشاعر الراحل / محمد بن جروان العلياني ( وبعض الروابط المفيده )

قصيده لشاعر / محمد بن جروان ( رحمه الله )

في قضية فلسطين

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
تنخى فلسطين الحبيبة بالأسلاب = مكشوفة عقب الخبا والخداير
أم العرب دار العرب وام الأشباب = ملك العروبة من سنين غباير
هل كيف يملك دارنا ساكن الغاب = مكذبين الحق سر وجهاير
قوموا على جمع العصابة بمضراب = يجعل شراذمهم شتاتِ نثاير
القدس ينخى بالعرب كل الأقطاب = بالمدن ينخى والقرى والعشاير
ينخى العرب الأبطال شياب وأشباب = يشكي عليهم حر صلو المناير
يندب جماهير العرب كل محراب = زالت علاماته لهيب السعاير
يا معشر الإسلام ما أنتم بغياب = لا تذخرون الروح والموت صاير
السيف ما يسطى بلا زند وقضاب = والحق ما يأتي بشورٍ وشاير
النار في حاجة لحاطب وشباب = والحرب ما يمضي بليا خساير [/poem]



قصيدة وطنيه لشاعر / محمد بن جروان ( رحمة الله )
رداً على شاعر آخر تهجم على المملكة وأبنائها

[poem=font="Simplified Arabic,4,green,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
من سب هل نجدٍ وصلناه عجليـن = يا ويل من نعطيـه بالوجـه حنـا
نجدٍ مغن الجود يا قاصـر القيـن = أرض الكرم دار الفخر وش تمنـا
فيهـا ملـوكٍ للمنافـق خطيريـن = حكـام عـدل بالشريعـة مشـنـا
خيالة العوجـا نجـوم الشياطيـن = أهـل الوفـا بالعهـد لا عاهـدنـا
حلويـن علقـم ريفيـن حليمـيـن = وقاسيـن لامـن قبلاهـم قسـنـا
شهمين عدمين اغيور رمـد عيـن = رفقيـن صلفيـن علـى كـل فنـا
شبهتهم في ساعة العسـر والليـن = ضلع على سطـح البسيطـة تبنـا
شعب السعودي يابتر الذيل وافيـن = مـا تشتكـي جيرانـا سـوء منـا
وليا حصل حيف من الضد الأقصين = نصد غـارات العـدا مـن حللنـا
عاداتنا ياللاش ليجـا وفـا الديـن = ميزاننا يرجح علـى مـن وزنـا
جيش السعودي محتميـن المخليـن = لا ما جرالـك مشكـل مـا فشلنـا
يـا ناشـدٍ عنـا ترانـا قحاطيـن = ومن الجحادر نخبر اللـي جهلنـا
نطاحة الكايد على العسـر والليـن = ونرسي إلـى مـن البـلاوي بلنـا[/poem]

من قصيده طوليه له بعض الأبيات يمدح بعض القبائل

وفيها

[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
منهم «مطيرٍ» كـل سبـعٍ نهومـي = ورداتهم يشبع بها السبـع والطيـر
كم صبحوا من غافـل كـل يومـي = ما بيـن غـاراتٍ وركـبٍ معاييـر
وعيال «زايد» ماضييـن العلومـي= تشهـد لهـم كـل القبائـل بتفخيـر
دون الغرايـس مثـل دابٍ لطومـي = عيـوا عليهـا قـو بـاسٍ وتدبيـر
«حربٍ» هل الردات افهود الرجومي = يثنـون لامـا فرعـن الغنـاديـر
أما «الظفير» اسوات موجٍ يزومـي = دون الدخيـل ينوخـون المظاهيـر
اهل البويـت لكـل قلـبٍ فهومـي = تكفيك دعوى الحثربـي بالأساطيـر
ومنهم «عتيبه» ماضييـن السلومـي = مسمار هنـد مـا كلتـه المساميـر
كم عزبةٍ حوضه رمـوه امخدومـي = راحوا بها الهيلا سـوات المداويـر
و«شمر» إلى جاء الملح مثل الغيومي =وأن لحقت الزلبات مثل المضاهيـر
كم طاح تو انحورهم مـن قحومـي = فرسانهـا باليـد مثـل النواعـيـر
و«وايل» اثقال الروز ضلعٍ زحومي = طابور تركٍ ضـاربٍ لـه مزاميـر
وربعي بني قحطان ضلعٍ زحومـي = عـز القصيـر مهدميـن الطوابيـر
وان جا البلنزا مثل ضرب النجومي = تفـرح بردتهـم ثقـال الخواويـر [/poem]

قصيده له من خارج الوطن

[poem=font="Simplified Arabic,4,sienna,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
وقفت انا وقفه سحـا شانهـا شـان= في ساعةٍ يفشل بها النـذل والـلاش
شيمة عرب يفخر بهـا كـل ديقـان = نبغي بها سترٍ عن المسرف الـواش
ليتك معي في يوم زوغات الاذهـان = يوم اختلط حـس المدافـع ورشـاش
يوم المعزب قال وين بـن جـروان = ذي ساعة الناموس ما عـاد منهـاش
حنـا فعايلنـا جميـلات وسـمـان = يفخر بها من ربعنـا كـل شـواش
قولٍ على البرهـان مافيـه نقصـان= ماهي سوالف شاردٍ عقـب منحـاش
نبغي انومس مـن تسمـوا بقحطـان = لا نشدوا مـن يمنـا كـل طـراش
ماهوب قولـة قالهـا فـلان وفـلان = الصدق اقول وصاحب الزور لا عاش [/poem]


قصيده لشاعر رثاء في الملك فيصل بن عبدالعزيز رحمهم الله جميعاً


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
أعزي الشعب السعـودي بتجميـل = وأخص الأسرة في فقيـد فقدنـاه
وأعزي أجيال العرب دون تشكيل = وأعزي الإسـلام دانيـه وأقصـاه
مرحوم يا فيصل قليـل التماثيـل = اللي رفع شعبه بعـدل المواسـاه
مرحوم يا ذخر الضعوف المراميل = ذخر اليتامى والشيـوخ المخـلاه
ليته يشوف ادموعنا اللي كما السيل = والله إن تزول ارواحنا ما نسينـاه [/poem]

قصيدة تشره على أحدى أصدقائه رحمه الله

[poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
وقت تغير وأختلـف عـن فنونـه = أخلف وخالف وأختلف كل مجراه
صحيح شفنا كـل مـا يذكرونـه = ضاعت سلوم أهل النواميس والجاه
يا كيف ابن سعدون لي يذكرونـه = عشيري اللي سبعة اعـوام ويـاه
عطا الله اللي بالفخـر يمدحونـه = يا حيف يدري عن خويه ولا جاه
حاولت صبري يطوي الياس دونه = وعجزت لا جيت اتنيسـاه لنسـاه
لا جيت أعذل القلب زادت جنونه = عيا يطيـع اللـي يعذلـه وينهـاه
عيا يبي نـاسٍ وهـم مـا يبونـه = يمشي بضدي ضاربٍ درب عمياه
يا قلب يا مذهوب دونـك ودونـه = ساسٍ تشيهل شامخ الطول مبنـاه
يا زبن مضيومٍ شكى من محونـه = ضاقت به الدنيا ولا لقـى مـاواه
مضيوم حتـى لابتـه يضهدونـه = عز الله انك غاية اقصـاه وادنـاه
وش علمكم سلم الخوي تتركونـه = سلم الخوي عند العرب كيف تنساه
حتى رسالة خـط مـا ترسلونـه = حق على مثلـك لمثلـي مناجـاه
هـذا جوابـي للـذي يفهمـونـه = ومحللة الأقـوال تعطيـك معنـاه [/poem]

وقصيده آخرى في قحطان

[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
حنـا قحاطيـنٍ لـنـا موقفـنـا = عند الخـوي والجـار والخطـار
ولا اقول حن فوق القبائـل كلهـم= كــل بــدوره والفـلـك دوار
كـل علـى حقـه ودون العانـي = والخلـق فـي يملكـون أحـرار
حنا بلدنا السابقـة غـرب القهـر = منها الخوايـس والجحـر وذمـار
ثـم انتحـوا مـن ديـرةٍ ملوهـا = يبغـون نجـد وواسـع الأقفـار
تحدروا كانهم امزونٍ مردفٍ ربابها = وسيـل جـورٍ يركـب الجـوار
وخيلٍ عليها ركب كـل مجـرب = كـل ابلـج قحطانـي مـغـوار
وهجنٍ تهف احبالهـا مـن قفلهـا = وشجعان فوق محطمـة الأكـوار [/poem]



[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
القصائد منقوله = تنسيق أخوكم
بن غفره = ،،،،[/poem]

وأحتراماً منا للأشخاص الذين قامو بالكتابة عن هذا الشاعر العلم الذي يعتبر رمز من رموز شعراء قحطان الراحلين

فأليكم هذا الروابط

للفائده

من مواضيع الكاتب الرائع غانم بن هادي عن الشاعر المرحوم : محمد بن جروان العلياني

أضغط هنا ( 1 )


أضغط هنا ( 2 )


أحدى المواضيع في شبكة قحطان عن الشاعر / محمد بن جروان بواسطة الكاتب / هاوي نجد

أضغط هنا





والسلام عليكم

__________________



ممصمنا المبدع
تركي العلياني
ألف شكر لك

ارحب يابن غفـــــــــره

ويعطيك الف عافيه على انتقاء المواضيع المميزه

تقبل تحيتي ووافر احترامي

اخوك ابن مــــجـــــمش

__________________
[poem font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,medium,gray" type=4 line=0 align=center use=ex num="0,black"]
ياوجد حالي وجد عودن من العام =صيبه بنات وعلته في فواده
وياوجد حالي وجد من جاه الاعدام=عقب السجن تقرأ عليه الافاده
اشكي على الايام من جور الايام=واثر الغدر في سود الايام عاده
تشطب على اهل الطيب من روس الاقلام=والاش تعطيه الفرح والسعاده[/poem]

مرحباُ مليون يابن غفره
متميز دايمً الله يوفقك
تقبل تحياتي
اخوك/ سعود

الله لا يهينك يابومحمد



بي الله وجهك

والله يرحم بن جروان



تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

لا هنت وبيض الله وجهك
وصح لسان الشاعر والله يرحمه ويغفررله

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان

موضوع روعة وإختيار موفق لهذه القصائد
بن جروان شاعر قحطان الأول في وقته
رحمه الله واسكنه فسيح جناته

__________________

[QUOTE=بن غفره]قصيده لشاعر / محمد بن جروان ( رحمه الله )



قصيدة وطنيه لشاعر / محمد بن جروان ( رحمة الله )
رداً على شاعر آخر تهجم على المملكة وأبنائها


من سب هل نجدٍ وصلناه عجليـن = يا ويل من نعطيـه بالوجـه حنـا
نجدٍ مغن الجود يا قاصـر القيـن = أرض الكرم دار الفخر وش تمنـا
فيهـا ملـوكٍ للمنافـق خطيريـن = حكـام عـدل بالشريعـة مشـنـا
خيالة العوجـا نجـوم الشياطيـن = أهـل الوفـا بالعهـد لا عاهـدنـا
حلويـن علقـم ريفيـن حليمـيـن = وقاسيـن لامـن قبلاهـم قسـنـا
شهمين عدمين اغيور رمـد عيـن = رفقيـن صلفيـن علـى كـل فنـا
شبهتهم في ساعة العسـر والليـن = ضلع على سطـح البسيطـة تبنـا
شعب السعودي يابتر الذيل وافيـن = مـا تشتكـي جيرانـا سـوء منـا
وليا حصل حيف من الضد الأقصين = نصد غـارات العـدا مـن حللنـا
عاداتنا ياللاش ليجـا وفـا الديـن = ميزاننا يرجح علـى مـن وزنـا
جيش السعودي محتميـن المخليـن = لا ما جرالـك مشكـل مـا فشلنـا
يـا ناشـدٍ عنـا ترانـا قحاطيـن = ومن الجحادر نخبر اللـي جهلنـا
نطاحة الكايد على العسـر والليـن = ونرسي إلـى مـن البـلاوي بلنـا[/poem]





أبيض وجه يا ابن غفرة على هذا النقل المتميز لهذا الشاعر الكبير الله يرحمه

وكل قصائدة جزلة وجميلة وتبين استماتته في الدفاع عن قبيلته قحطان باسلوب لا يمكن ان يتكنه الا الكبار حيث كان لا يتعدى على قبيلة الشاعر وانما كان يخص برده الشاعر فقط هذا اذا احتاج الامر لسب الشاعر كما حصل له مع الشاعر المطيري من الكويت والذي سب في قحطان بل سب الجيش السعودي باكمله وسب حكامنا وهو القائل:



[poem=font="Simplified Arabic,6,orangered,bold,normal" bkcolor="transparent" bkimage="" border="groove,medium,gray" type=4 line=0 align=center use=ex num="0,black"]
يا بنت يا اللي في كناكر تخيطين ====جند السعودي في الخياطات فنا
.................................................= ===لي دقت الابره على السلك غنا
رجالهم با بنت يفرق بثنتين====الكحل في عينه وفي اليد حنا [/poem]

فانبرى له ابن جروان رحمه الله ورد عليه بالقصيدة السابقة التي اوردها الاخ ابن غفرة ولم يسب مطير التي يزعم الشاعر الكويتي انه منها وله في هذا ابيات في ثنايا القصيدة كنت اتمنى ان ابن غفرة اوردها لكنه ما قصر واعتقد ان لديه اسبابه ويعذر في هذا ومنها قوله

[poem=font="Simplified Arabic,5,black,bold,normal" bkcolor="transparent" bkimage="" border="groove,medium,gray" type=4 line=0 align=center use=ex num="0,black"]
وانته تقول انك من مطير العزيزين====حمر النواظر متعبت كل دنا
وانا اظنك هافي منسبك شين====وحديدتك من يمت الاصل خنا[/poem]

وغير هذا البيت لكن هذا ماذكرته خلال كتابة هه الاضافة والمعذرة


وله قصائد كثيرة نشرت في ديوان صوتي له سمعتها لاول مرة قبل اكثر من 17 سنة والى الان احتفظ بالشريط ولا ازال اسمعه وهو موجود في التسجيلات الموجودة في استراحة النادر بالسليل على خط الجنوب



واما قصيدته التي من ابياتها:

حنـا قحاطيـنٍ لـنـا موقفـنـا = عند الخـوي والجـار والخطـار
ولا اقول حن فوق القبائـل كلهـم= كــل بــدوره والفـلـك دوار
كـل علـى حقـه ودون العانـي = والخلـق فـي يملكـون أحـرار
حنا بلدنا السابقـة غـرب القهـر = منها الخوايـس والجحـر وذمـار
ثـم انتحـوا مـن ديـرةٍ ملوهـا = يبغـون نجـد وواسـع الأقفـار
تحدروا كانهم امزونٍ مردفٍ ربابها = وسيـل جـورٍ يركـب الجـوار
وخيلٍ عليها ركب كـل مجـرب = كـل ابلـج قحطانـي مـغـوار
وهجنٍ تهف احبالهـا مـن قفلهـا = وشجعان فوق محطمـة الأكـوار [/poem]


فهي رد على شاعر ودعاني من الدواسر شكك في قبيلة قحطان وشكك في نسب الشاعر فسرد له ابن جروان هذه الملحمة في نزوح الجحادر من الجنوب الى نجد وكيف سيطروا عليها ولم يجحف في ذكره لاحد من القبائل التي حدث بينها وبين قحطان حروب بل كان يمدح كل بما هو اهل له ومنها قوله في العتبان:

[poem=font="Simplified Arabic,6,black,bold,normal" bkcolor="transparent" bkimage="" border="none,medium,red" type=4 line=0 align=center use=ex num="0,black"]
والا هم الهيلا مقابيس الوغى====شجعان لكن وقتهم منهار[/poem]

يبين ان ظروفهم الاقتصادية في ذلك الوقت لم تساعدهم كثيرا لكنه اقر لهم بالشجاعة والاقدام وهذه الحقيقة




وعندي طلب منك يا ابن غفرة ان تكتب المزيد من قصائد هذا الشاعر الذي لم يخدمه الاعلام وهو علم من اعلام قحطان


اسأل الله ان يتغمده بواسع رحمته

__________________
لا يزال لسانك رطبا بذكر الله

سلمت يمناك يابن غفره

علم ٍ غانم وانت راعيه

لاعدمناك

ابن مجمش


أرررررررررررحب وشكراً لك جزيل الشكر على المرور العطر


تقبل وافر تحياتي وأحترامي

__________________



ممصمنا المبدع
تركي العلياني
ألف شكر لك