قصيدة للشاعر / مشعل محماس الحارثي

يابنت ضميني مـن الصيـف لصيـف***مليت مـن جـور السنيـن وصلفهـا
في ضمتـك يابنـت مابـه تحاسيـف***علـى الـذي عـاف الحيـاه وقرفهـا
داوي عليـل غربلتـه الصـواديـف***كلن عجـز عـن علتـه مـا كشفهـا
من غيرك اللي يخفف الجرح تخفيـف***شوفي جروحي ورتمي فـي طرفهـا
واليا شبكت يـدي خلـف السراجيـف***برشـف ثمـان سعـد منـه رشفـهـا
من مبسم فوقـه كمـا سلـة السيـف***وعيون مـن قـرب الحبـارا علفهـا
انااشهد إنها الكيـف يامـدور الكيـف***وصف الطبيب الروح يومـه وصفهـا
لايابعـد مــن يلبـسـن النفانـيـف***ومن شافت من البيض تلعـن جدفهـا
يـادرة مـا داج مثلـك ولا شـيـف***يامهـرة ماغيـري احــد عسفـهـا
انتي لحالـك ثقـل باريـس وجنيـف***ياللـي مكذبنـي رح لـهـا وشفـهـا
من حسنها ماحد وصـف لـو تناتيـف***حتى امها اللـي مـن زمـان تعرفهـا
آيـه خرافـه مـا لهـا اي تصنيـف***وكلن علـى طـاري حلاهـا ولفهـا
لاجيت اصفصف فكرة الوصف تصفيف***يطري علي باقـي الجمـال وحرفهـا
منين اببدى؟؟!في الثمـان المراهيـف***في عيونها فـي شعرهـا فـي شففهـا
فـي جيدهـا وإلا الثنيـن المهاديـف***وإلا بعد فـي خصرهـا اللـي لهفهـا
في ساقهـا فـي فخذهـا والمراديـف***فـي غيـهـا والتـيـه وإلا ترفـهـا
في وصفها مال التواصيـف توصيـف***الوصـف كلـه لوصفهـا مانصفهـا
لو شافها العاقل غـدا خبـل وخفيـف***عني عني إن يرمي غترتـه ويحرفهـا
ولو شافها اللي يلحف القرش تلحيـف***والله ان يصرف ثـروة مـا صرفهـا
وش عـاد مـن جاتـه بليـا تكاليـف***غير الـورود اللـي لهـا قـد قطفهـا
مـن اولآ معهـا بـروس المشاريـف***واليـوم نفسـه قـد لحقهـا كلفـهـا
يابنـت قومـي مابقـى دم ونـزيـف***وانـا الـذي رجلـه عشانـك كرفهـا
يابنت جيتك والزمن صلـف ومخيـف***جيتـك وغلطـات الزمـان اعترفهـا
وصدر ملاه الهـم واليـاس والحيـف***وعينـن بكـت حلـم فقيـر وكشفهـا
جيتـك امدلـك اليديـن النواحـيـف***بسكـن عيونـك والجفـون التحفهـا
وهلي علي مـن الدمـوع الذواريـف***في الصدر ونه ليت من هـو عزفهـا
تدرين ضميني من الصيـف لصيـف***مليت مـن جـور السنيـن وصلفهـا