من شعراء الحباب وقحطان

وهذه قصـيدة للشاعــر علــيان آل ناصــر فـي حـب الــبل :
قالـه علــيان الصـبي ودع الطـرب
مع اللـي تولـع بالمراقيب عند ابله

خمس مصاغـير وخمس سـوى تظرب
وخمـس حقايقها سمـان من العزله

خمس شدايدهـا تبرا السلـف والجنب
يتلـون بـراق حقـوق نــثر وبله

قـال علـيان الصـبي في الخـلا ينحب
نحيب الفطـيم وحالي الجـود يجمع له

علي راشد اللي حدر الصوب ثم غيب
عفاه السحاب وذارى الـنود من قد له

حظي حداني حدى حـيف على الصعب
حداني وقداني ملاويـه مـن قبلـه

فيا مـل قلب كنه يلـوى علـى شذب
ولا تاب من غمي ولا تبت من عذلـه

هيظـتوا اللي داله يا هـل الملعــب
هيظتوا اللي ساكـت ما تحــنج لـه

انـا اريد خضرا عاتـق تسحن القصب
لواليـبـها مـثل الحنايا وهـي نحله

نواتــيشها متحنيات مـن المصــب
تحيـناي نيبان الحنش في طرف نصله

اطفتـها للـروح ما هــيب للعــرب
الحادي ولقاف المغازيل زانـت لــه

من لامني في حبها يا جعلــه العطب
ثمانين ظبي كل ما فـارق الجملــه

انـا اريـد مسراح بكور حل الشـبب
ليا صفـر الهابـي تواـيق لابو حجله

تبين عليه محرقـات مـن الخشــب
عشقـها مدانيف علـي عـتق قبلـه

ما ريته بـين المحاويـش له مــرب
كبير الترايـب ليا اعترض محلا زمله

انا اريد خـوة خـبرة شوفـهم يشهب
سكارا علي السرفات كنها من الجمله

وانـا اريد شب الظـو بحر من الحطب
علي فاقة عقب التعـب طبخة عجله

لها ثـلاث مـن الرسلان شقح بليا رب
كنها غرانيق مشت في طرف هجلــه

ونجـر علـي ساق بولد الغـنا يلعب
كن فيـه مـياح بكـاره توايــق له

عجـل علـي يا خاطر السوق بالمزهب
انا لي حاجة في نجد من دونها ما ادله

فـلا حاجتي تعطى ولا حاجتي تطـلب
انـا حاجتي فرخ غـدا طـيب اصله

قد هو يصيد الطـير وقد هو يصيد الظب
وقـد هو يمنيني بشوايا من الجملــه

لا والله اللي حال دونه جو اشهب
بعيد علي اللي من تهامة بينهج لـه

ولا عاد مـنه كون قـد علـي عصب
كنه مقب يـوم ورد مــع العبلــه

وردت الصبية جعلهـا عقـبي الجـدب
نفظت الخوا ما شفـت ورد زلا نزلـه

ورت الحفايــر كنهـا ختم الذهــب
قراح مضاميهـا من الشرق الى القبله

الثالث وردت اجرير ابو طي من الخشب
ولا ناشه المربوع وحبل الرسن وصله

الرابع ورد الحصي من شافني رحــب
والاول يقلطني والا خر عزم مثلــه

الخامس وردت اقلات فرع دونـه عقب
كن المحـط جالهـا شامـط وابلـه

السادس وردت اجمـام عد علي القرب
سقاها مـن بد الاراض بالجملــه

عطاني ولـد خالي همـيم وقال اركب
وقطب عليه الكــور قبل آتحنـح له

صدرت صوب الحدى واهل الجبل الاصهب
علي ابو ثمان اسنين قلبي غـدا حبله

من عقب ذا صلوا علي سيد العرب
صلاة مبرات من الشرك والزلــه



انظر المزيد عن قصائد هذا الشاعر وغيره في كتابنا الحنين والاشجان عند شعراء قحطان

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/