بعض قصائد الشاعر سلمان الحياني

[poem=font="Simplified Arabic,5,darkblue,normal,normal" bkcolor="transparent" bkimage="backgrounds/39.gif" border="double,4,gray" type=2 line=0 align=center use=ex num="0,black"]


راكب من عندنـا فـوق زيـن المركبـي=لونه البراق لا لآح فـي غـر النصـوب

كـن شطرطونـه ليمنـه دنـى وتقربـي=مثل لون الشمس ليما دنى وقت الغـروب

فل كامل جيـب كبسولـة صنـع أجنبـي=لي بغيت أرسل رساله تخيـرت الجيـوب

صنعة اليابـان لاكـن وارد بـو ضبـي=كن صوت السلف يوم أشتغل ضحكة لعوب

سايقه غمر وهـو مـن سلايـل منسبـي=دايم يـدوس المخاطـر وينـدل الـدروب

ما نصيـت إلا شجـاع مهـو بمجربـي=وإن مدحدك يا مداوي ترى ماني كـذوب

الرسالـه ودهـا يــم دار إصويحـبـي=صاحب حبه غلبني ونا سـرت مغلـوب

هو دخل فكري وجاء مذهبه مـن مذهبـي=إهتـواه القلـب ولاّ فلانـي بمغصـوب

من نظرت الزيـن والقلـب بـه متعذبـي=والهموم أفواج قامت تجي من كل صـوب

كن رمش العين طابـور جيـش مدربـي=لو نظر شارون لعيونهـا يمكـن يتـوب

آتحـدى كـل مـن ينتقـد ويعـذربـي=جل خلاق البشر ما جعـل فيهـا عيـوب

ليت من شاف الحبيب يصلي على النبـي=لن ما ودي تطالع لهـا عيـن غضـوب

وإن طلبتـه حاجـة مـا تهيـا مطلبـي=قام يحذف بي شمال ويحذب بـي جنـوب

أقبـل الأعـذار مـره ومـرات أعتبـي=والعتاب يقولو النـاس صابـون القلـوب

باني لك داخـل القلـب قصـر مزهبـي=لبنته لخلاص ماهي من إسمنـت وطـوب

أحتللت القلب وأخطيت يا عنـق الضبـي=أحتللت القلب مـا خفـت عـلام الغيـوب

مثلمـا يحتـل بغـداد بـوش الأجنـبـي=هو وتوني بلير كل عـن الثانـي ينـوب

أعلن الصحاف حبـك وصـور وإكتبـي=إن حبك حاصر القلب وأعلنـت الهـروب

كـن وسـط القلـب دبابتيـن تضربـي=وقاذفات وطائرات وصواريـخ وحـروب

أنت غايت مطلبي وإن كسبتـك مكسبـي=وإن خسرتك فات عمري ولا هو بمحسوب

[/poem]




[poem=font="Simplified Arabic,5,darkblue,normal,normal" bkcolor="transparent" bkimage="backgrounds/39.gif" border="double,4,gray" type=2 line=0 align=center use=ex num="0,black"]
هذا اللي صاير مقدر ومكتوب =والآدمي يصبر على حكم ربه

لاكن يا قلب العنا لازم آتوب=ولا عاد تمشي في طريق المحبه

مادام صار الحب لاعب وملعوب=والحــب ماهو لعبة ينلعب به

الحب له قيمه وله طبع وسلوب=عند اللذي يعرف سنعه ومذبه

يا كاحل العينين يا زاهي الثوب =يابو جبين القلم ينكتب به

يا زين لك في خاطري قصر منصوب=ما أحد من العربان يا زين طبه

الحب جدرانه بدال من الطوب=وسقفه من الإخلاص ماهو بصبه

وغيرك من العربان ماهو بمحبوب=ولا صار له في خاطري وزن حبه

ساعة سمعت إن أنت يا زين مغصوب =آنست وسط القلب مثل المشبه

آنا بعدكم صابر صبر آيوب=والنار في وسط الحشى اليوم شبه

دعيت يا من رد يوسف ليعقوب=إنك تــرد أيام حــبي وحــبه [/poem]


[poem=font="Simplified Arabic,5,darkblue,normal,normal" bkcolor="transparent" bkimage="backgrounds/39.gif" border="double,4,gray" type=2 line=0 align=center use=ex num="0,black"]

ياراكب اللي على توريد ياباني = جديد ما غير الكربون شكمانه

تسعه وتسعين لونه خير للواني = مكتوب زيت التويوتا في حدا اركانه

ممتاز واللي تفنن فيه فناني = توه جديد ولا أحد فك بيبانه

يسوقه إدريول ماهو بفكراني=له نفس جبارة ماهي بفكرانه

يا بو محمد نديبي زبن من حاني = يا اللي فعول الوفاء طبعه وبرهانه

قم يا نديبي وشل الخط عجلاني= والحق على نفس ملتهبه وتلفانه

قم يا عنيدي وهيض زين للحاني= في صاحب ما تعبت إلا على شانه

أبو رموش تضلل فوق لوجاني = وأبو عيون بخمر الحب سكرانه

يرسل سهوم من عيونه وترماني=والموت لا سلهمت بعيون نعسانه

ولها ثمان تقل لول ومرجاني=متعدي البحر في لوله ومرجانه

ونهود بالوصف كنها حب رماني = متملك الحسن بشكاله وبلوانه

شفايف حمر وخدود وحجاني =تبرق كما الثلج لبيض برقة أسنانه

أنا مدحته ولا أحد فيه يقفاني = الزين كاسبه من راسه ليا أبنانه

جميل ماله شبيه بكل لوطاني= سبحان رب خلق ذالزين سبحانه

نهيت قلبي ولاكن قام يعصاني =وقلت هذي حياة مالها خانه

الله يجازي هل الأحسان بحساني= ويجزي هل الصد تعذيبه ونيرانه

مجنون ليلى تروا ما جاه ما جاني=يا ناس والله إن جني فايق إجنانه

في معركة حبها خشيت بالعاني= ثم لنت في المعركه والزين ما لانه

دخلت في المعركه وإسلاحي الساني=وإسلاحه إسهوم يرسلها من أعيانه

سدد وسددت وأخطيته ولا أخطاني= برموشه إسيوف للفرسان طعانه

لاشك والله طرحني ثم خلاني = أقفى حبيبي وخلى الروح ولهانه

حلفت لك يا الحبيب عدة أيماني= ما خون عهدي ولو كل البشر خانه

ياليت عاهدتني ماعاد تنساني = لني عطيتك عهود الله وأيمانه

أو ليت وني حبيبك ما معي ثاني = مافيه قلبين للمخلوق يا فلانه

إمنول كان يوعدني ويلقاني= واليوم يقفي ليا سيرت من شانه

ومن اول إذا طلبته حاجه أعطاني= وأحرمني اليوم من خيره وعرفانه

اليوم يا ناس بعد الضحك بكاني = وفرقاه في حالتي يا ناس قد بانه

اليوم يا صاحبي غيرت ما كاني= والعشرة اللي مضت ماكنها كانه

شمتي بحالتي قدام عدواني= عزي لمن صار عز الناس عدوانه

واللي صديق يعزيني وينعاني = ويقل حبيبتك يا سلمان غلطانه

قياليت من هو يعذل القلب خلاني = آسج وآهيم لن الروح ولهانه

والله ما انسى حبيبي دام يهواني= حتى يحطون جسمي داخل أكفانه

حبه سكن بين صمامي وشرياني= وريد قلبي مكانه وأكبر اوطانه

أنا أبغي الزين دام الزين يبغاني = مشتاق له شوق ديان لديانه

واليوم بعد الحبيب صرت وحداني =ولاّ ترى لرض بالعربان مليانه

عايش حزين بعد خلي وزهقاني =في هذه الأرض كني وسط زنزانه

يا زين أنا اعذلك لنك شخص فهماني = ما أنته من اللي يحط الأمر هجانه

لا تحسب إن المحبة لعب بزراني= الحب يا بنت بحر زاد طوفانه

الحب بيت وله عمدان وأركاني= وإذا أنهدم ركن طاحت باقي أركانه

الناس بحر وله موج وطوفاني=والحب مركب وراعي الحب ربانه

فيا قلبي أصبر وعذ من كل شيطاني=وإتعوذ الله على الشيطان وأخوانه

معاد للحب تالي الوقت ميزاني= الحب تالي زماني خف ميزانه

آنا اعترف ان يوم أحببي غلطاني=أقسم بربي إن بعض العشره إيهانه

لاكن ماعاد بتورط مع ثاني =ما دام صارت أعز الناس خوانه [/poem]





[poem=font="Simplified Arabic,5,darkblue,normal,normal" bkcolor="transparent" bkimage="backgrounds/39.gif" border="double,4,gray" type=2 line=0 align=center use=ex num="0,black"]
ياهبايب نجديـا ريـح الصبـا هبـي عليـه=وأنعشي روح بعد لحباب ما تسـوى ريالـي

أشهد إن الروح راحت في هوى نجـد العذيـه=وآترجى الجو يصفىلي وجوي مـا صفالـي

غيمت لجواء وشانـت بعـد ريـم المهمهيـه=والنجوم الزهر وش فادت إذا غـاب الهلالـي

لي حبيـب وآهنـي اللـي بقربـه وآهنيـه=أبعدتنـي عنّـه الأيـام وصـدوف الليالـي

إن وصفته ما توصفـه الحـروف الأبجديـه=خايف لوصاف تنفـذ قبـل لا ينفـذ مقالـي

وإن تركتـه حركتنـي لـه شجـون داخليـه=كل ما حاولت أخفـي زادت النـار إشتعالـي

أقدر أحلف إن ملهوف الحشـى مافيـه زيـه=من جنوب المملكة للشرق لين أقصى الشمالـي

إنكتب حبـه علـي يـوم ألتقوابـي والديـه=ثم تطوّر وأصبح النسيان من سابـع محالـي

يا هجوسي ساعديني وأوقفـي جنبـي شويـه=عبري عن من تسميه العـرب سيـد الدلالـي

باروا الخلاّن وآنـا أحتـاج وقفـات قويـه=وأعتبر هاجوس قلبي صار لي شخص موالي

لي حبيـب قـام يتمـادى بطغيانـه وغيـه=لين ورّاني أعظم التعذيـب وأنـواع النكالـي

نفس محبوبي على قتل البشـر دايـم جريـه=إستباحت قتل نفسي شافت إن ذبحـي حلالـي

إنصحوهـا لا تحمـل نفسهـا نفـس بريـه=وإسألوها كيـف تذبحنـي حـرام ولا تبالـي

هي تحملني الخطـأ وتقـول نياتـك رديـه=كل ما دافعت عـن نفسـي مخلتلـي مجالـي

آه لـو أقـدر أقاومهـا ونتفـاهـم سـويـه=لين تدري كيف حدتنـي علـى حـد الهبالـي

عاهديني عهد قيـس يـوم حـب العامريـه=أو مثل ما عاهدت عليا وبـو زيـد الهلالـي

من يخون العهد خاين وأنـت مستأمـن عليـه=والأمانـه يـا حبيبـي ماتحملهـا الجبالـي

آخـر المشـوار راح العمـر لحـق علبقيـه=راح من هالعمر يا المحبوب كثر اللي بقا لـي

إيه أحبك يا حبيبي وأعتبـر روحـي هديـه=والقصار تنوب يا المحبوب عن بعض الطوالي [/poem]

__________________

السلام عليكم ورحمة الله وبركاته
اشكر الطائر الحزين على الطرح المميز
والشاعر /سلمان الحياني
من اشهر الشعار في الجوه وله مواجهات قويه في القزوعي مع شعراء كبار
نتمنى له التوفيق في مشواره الشعري

__________________
[img][/img][img][/img]

الف شكر

الف ثناء

الف تحية

الف سلام

الف مليوووووووووووووووووون شكر لشخصك الكريم اخوي الغالي الطائر الحزين

جعلك والله سالم وغانم ولاهنت يالغالي



وابيض وجه وكثر الله خيرك

كما اشكر الشاعر سلمان وفقه الله واشكر الاخ الجوة واتمنى منه الرد على الخاااااااااص

__________________
« اللهم كما أحسنت خَلقي فحسن خُلقي »

الله عليك ياسلمان الحياني..

مواهب تهاميه كالعاده ولكنها مدفونه..

__________________

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

__________________

الشكر الجزيل للاخ الطائر الحزين ويعطيك العافيه .


والشكر موصول للشاعر سلمان.


رجاء لاتحرمنا الجديد و حاول ايصال الشاعر وصوته للمجتمع لانها موهبه وحرام ان تدفن.

فيكفينا ماقد دفن من قبل .




تقبل تحيات اخوك
بلجيك قحطان.

السلام عليكم ورحمة الله وبركاته

صح لسان الشاعر سلمان الحياني

وبيض الله وجهك اخوي الطائر الحزين على هذا النقل الرائع

والله قصائد روووعه

وحاول جمع المزيد عن هذا الشاعر

ونبي قصائد صوتيه له



.

__________________

الله يوفقكم جميييييييييييييييييع



واشكرك اخوي الغالي الطائر الحزين



على تقيدم لنا هذا الشاعر المميز الذي فعلاً موهبة وفقك الله يالغالي

__________________
« اللهم كما أحسنت خَلقي فحسن خُلقي »