قصيدة ترحيبة ألقيت أمام الملك أثناء زيارته لمنطقة عسير

بسم الله الرحمن الرحيم

قصيدة ترحيبة بمناسبة زيارة خادم الحرمين الشريفين الملك/
عبد الله بن عبد العزيز آل سعود حفظه الله لمنطقة عسير وتم ألقائها أمام خادم الحرمين الشريفين في قصر الفرعاء أثناء أقامته غداء لأهالي منطقة عسير يوم الجمعه 12/ 10/1427هـ

[poem=font="Simplified Arabic,5,blue,bold,normal" bkcolor="transparent" bkimage="backgrounds/17.gif" border="solid,medium,gray" type=4 line=0 align=center use=ex num="0,black"]
يوم السعــادة والفرح والنور = بشوف المليك اللي لنا دكتور
عبدالله سندنا ذخرنا راس مالنا = إذا عمست الارياء وصعب الشور
هلا مرحبا ياللي لك العز دايم = كسبت الجميل بفعلك المخبور
هلا ياولد عبدالعزيز ال فيصل = صقر الجزيره وأقتفاه صقور
ظهر وأظهر الله الحق من عند جاحده = وتلقا مشقات السفر غيور
غيور على العليا وفي مطلب العلا = و توجه جنوب والظمير يفور
توجه جنوب وسار والله ساعده = معه حول خمسين تقول صقور
تحرو علوم من سنع نجد هامَه = وحافوا وطافوا والبشور بشور
بشور تبشربه بطلها زعيمها =ودخل بالرياض ولا عدوه سبور
دخل باربعين مرخصين نفوسهم = يبي ملك جدانه يزيل العور
دخل بالخطر ولاحسب ساعة الخطر = وطب الرياض وشاع فيها النور
وفرحة بزيزوم السرايا وصانها = بعد من حكم فيها بظلم وجور
وتعلا سنام المجد في نجد وأعتزى = بعزوة هل العوجاء وطق السور
ولا ردته صعب المداخل وسورها = عمد يم باب القصر والناطور
وقف عند باب ماتغير معالمه =وجهز عند نافذته ولزم الكور
وتوطى على عجلان في ساعة اللقاء =وتله بعنقه وأخوياه حضور
وقصه بشومان تهاوى ظرايبه =ونذربه وقال أنته من النذور
ونادى المنادي بأول الليل وأخره =بعبدالعزيز الحاكم المشهور
وداوى الكبود وكرروا راية الندى = وعم الرياض أفراحها وسرور
وصَوت بصوت و المخاليق تسمعه =وزاد الفرح وأستبشر الجمهور
دخلها وهي خلو تعاوى ذيابها =وولف قبايلها مع المحشور
وحكم بالرياض وحفظها من ضياعها =ولاقام فيها غير بعض شهور
وتولى على نجد وولف ربوعها = ورجع للحساء وقامت رحاه تدور
على صافنات يوم ينطح بها العدى =يغطي الرمال بدمهم المنثور
وتولى شمال المملكة مع جنوبها =وتولى الحجاز وبيته المعمور
وتولى على جده وصار البلاء بها =يوم الرغامه ينكتب بسطور
وتولى على نجران من بعد ذلك =مش يم جيزان وهو فخور
فخور يبي توحيدها وتحديدها =ينظم خططها والعدو مثبور
وتولى على كل المناطق بقوته =بضرب السيوف اللي تشق الزور
حكمها ووحدها على الدين والهدى =بظله رعى الاشقر مع العصفور
ورضيت لبو تركي وجاء من نصيبها = عبدالعزيز اللي مضى له دور
رحمك الله ياعبدالعزيز بن فيصل =عساه بالجنه ووسط الحور
خلف حرار بيناة فعولهم = سعود هب قلب العدو ممرور
وفيصل طبيب المملكة هو حكيمها =فيصل وبعده خالد المذكور
وتولى فهد خمس وعشرين حجه = خلى عيون أعدى بلدنا عور
وتوليت يابحر الندى مرهق العدى =ونشهد شهادة حق ماهي زور
على عهدك الميمون للدين والوطن =خليتها جنة عدن ونهور
تنفذ مشاريع عجزنا نعدها =ومادمت حي مايصير قصور
وولي عهدك لاعدمنا وجوده =نمر على وطي الخطر جسور
سلطان ابوخالد راعي الطيب والوفاء = مشكور ياسيدي وهو مشكور
يعيش المواطن في ذراكم وعطفكم =وشرع الله الهادي هو الدستور
ديار الجنوب اليوم تفرح بشوفكم =كل المناطق برها وبحور
وكل القبائل جو يحيون شخصكم =بدو مسيرات وغدو طابور
ورحب الامير اللي تعهد بشونها =على حسب أوامركم هو المأمور
خالدوفيصل رحبوا في قدومكم = وحنا نرحب والفرح منشور
رجال قحطان جنودكم في وجودكم =ترحب بشوفك والشعور شعور
هلا مرحبا ماهل به ماطر الحياء =وعداد ماغناء حمام الدور
وتراحن جنودك في الطلب حين جاء الطلب =وتراحن على جور الزمان صبور
نجمل مواقفنا ولا ينطمع بنا =ولا علينا من خباث الصَور
ولاهي تزعزعنا الدعاوي وغيرها =هل الفكر في درب الهلاك عبور
ولا يجحد المعروف حي من الملا = إلاقليل الحظ والمغرور
وأذا ماهدى رشده تجدد مصايبه = يرجع ونابه في اللقاء مكسور
وعلى السمع والطاعه نجدد عهودنا = وعلى عهدك الزاهر تزيد زهور
نحييك يامولاي ونقول مرحبا = ترحيبة من خاطر مسرور[/poem]

الشاعر
حسين بن معوضه آل ملهي الحبابي
رئيس مركز القوباء-محافظة بيشه
وشيخ قبيلة آل ملهي الرشده الحباب