حريب جدك لو صفا مايودك 000000وعينيه لو تبكي لك الدم كاذبه

السلام عليكم

نقتطف لكم هذه الابيات من قصيدة للشاعرالكبير المرحوم بإذن الله راشد الخلاوي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
حريب جدك لو صفا مايودك = وعينيه لو تبكي لك الدم كاذبه
واحذر عدوك في الملا فرد مره = واحذر صديق السو وألف تحاط به
وترى ابرك ساعات الفتى مابها الفتى = ومافات مات وساعة الغيب غايبه
واغنم متى لاحت من العمر فرصه= وان هب نسناس فاذر في سوايبه
فلا بالتمني تبلغ النفس حظها = ولابالتأني فاز بالصيد طالبه
إذا الحر قلت حيلته ثم غادرت =تصفق به الدنيا وضاقت مذاهبه
يبدل بداره دار عز يرومه = عنها ولاغبن به الروح ذايبه
فالدار مايحصر عليها وليدها = دار الفتى ماطاب فيها مكاسبه
الجذ والتزويج والحرب للعدى = والفرض والقرض الذي في مواجبه
وترى شور من لايستشيرونه الملا = شمعة نهار في ضيا الشمس ذايبه
وترى النصايح في البرايا فضايح = كم ناصح أضحى له الناس عايبه
ولاعاب قوم قط إلا حسودهم = ومن عاب شخص عاجز عن مراتبه
ومن عاب شخص قبل يبصر بنفسه = يرى فيه مالا ينحصر من معايبه
الاطباع تطبع جود من جاد جده = ولو كان من بيت رفاع مناهبه
والاطباع تارد بالفتى مارد الردى = وما الدين والدنيا والاطباع خاربه
والاطباع عضو في بن ادم مركب = والاطباع للتطبيع لاشك غالبه [/poem]

أبيات كلها حكم

صج لسان الشاعر ولاهنت يا إبراهيم على المقتطفات الجميلة

__________________

.


ارحب ياابراهيم




وياهلا والله وغلا ..




مشكور وبيض الله وجهك ...




أمتعتنا بهذا الإختيار الجزل والنقل المميز والحضور العذب




رحم الله الخلاوي رحمة واسعة وجميع موتى المسلمين


دمت سالما وبألف خير ..

ال معمر

شكرا على مرورك الطيب

ولاتهون

مشكور و بيض الله وجهك

استاذنا

معيض بن صميع




الاخ الغالي

تركي الجعادنه




اشكركما على المرور الذرب

صح لسانه

الله يرحم الخلاوي


شاعر جزل ومايحتاج


مشكور اخوي على الاختيار الجميل

ابراااااهيم


بيض الله وجهك


والله يرحم من قالها


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة