وفـــاة اخــتي في حــــادث ســيارة

[poem=font="Simplified Arabic,6,darkred,bold,italic" bkcolor="deeppink" bkimage="" border="double,medium,darkred" type=4 line=0 align=center use=ex num="0,black"]

ياعين هلي دمعتك لين تقضين= الدمع في بعض المواقف شهامه
ياعين كنتي بالوعد دوم توفين = ودرب الوفا دايم لطبعك علامه
ابكي على اختي(بنت متروك) ياعين = وصافي دموعك سارعي بـاغتنامه
ياعين اخوها ذاق مر العذابين = من حر فرقاها تكدر منامه
دمعك حرمني شوفها كان تدرين = ولاني بشايفها ليوم القيامه
عاى مشارف قبرها يوم تبكين = يوم الكفن والحنط فكو حزامه
الدمع غطى ناظرك ماتشوفين = من دونها غطاك مثل الغمامه
سوي على كيفك مثل ماتسوين = مايلحقك باغلى خواتي ملامه
السبت في تاريخ تسعه وعشرين = اخر رجب سته وعشرين عامه
جاني خبر قال امس بين الصلاتين = عصيرقبل الليل يوفي ظلامه
حصل تصادم والجماعة سليمين = الا(ام بندر)ماكتب له سلامه
بغى يتوقف خافقي والشرايين = والجسم عيت لاتشيله عظامه
تدفن صلاة الظهر والظهرهالحين = ومشيت قبل انه يخلص كلامه
ساعه وساعه باقيه ماتكفين = قل للمؤذن ينتظر فالاقامه
وصلت مع لحظة خروج المصلين = والدرب باهل الخير زاد ازدحامه
الناس واغلبهم من الربع الادنين= اللي يسلم منتبهت لسلامه
ولحظة وصول الغاليه بين غالين = ياحي جسم(ن) خف ريش النعامه
الله يوسع فالقبر لين ترضين = بامر العزيز اللي رفيع(ن)مقامه
وفي جنة الرحمن في دارعلين = تسكن مع اهل الحسن والاستقامه
بين القطوف الدانيه والرياحين = وانهار من حولك وريح الخزامه
يشهد لها ربي والاقصى والادنين = وكل القرايب من خوال وعمامه
ارضيتي الله والبشرعنك راضين = يلي رحيلك يوم جمعه ختامه
جريح يا(مساعد)وانا في جرحين = واللي يلومك يستحق الملامه
تبغى العزا مني وانا من يعزين = كني رضيع(ن)عند حزة فطامه
قال المثل ماحد(ن)يوص الحريصين = اوصيك لين البدر يكمل تمامه
قل للصغيره للجرس لاتروحين = الناس فيها يامساعد غشامه
من خوف لاتسئل يقال امها وين = يعنى بمعنى مختصر(وين مامه)
لافيه من يسئل ولا الناس دارين = والهم يسري فالضلوع اللتهامه
لجة ضلوعي لاذكرت الصغارين = من لابس الشيله وراعي العمامه
قل للولد تكفى وللبنت تكفين = ممكن يعوض يتمها بابتسامة
لاشك انا مايكتب الله يرضين = وحلو الكراء ماظنى اقدر انامه
الضيف يكرم في ديار الكريمين = وكرامة الله مابعدها كرامه[/poem]

__________________

صح لسااانك وقصيدهـ موثرهـ

الله يرحمها ويسكنها الجنه

تقبل مروري .. اخوكـ/ عبدالرحمن المشجري

__________________

صح لسااانك وقصيدهـ موثرهـ

الله يرحمها ويسكنها الجنه

__________________

صح لسانك يالعقيلي والله يرحم اختك ويجمعكم بها في الجنة .

__________________


http://www.qahtaan.com/works/up/get....fmnp1261962149

الله يسكنها فسيح جناته

رحمها الله وتغمدها الله بواسع رحمته

احسن الله عزاك وعظم الله اجر ك وانا للله وإنا إليه راجعون

الله يرحمها برحمته ويدخلها في عباده الصالحين


تقبل عزائي عني وعن بوي

اخوك عبدالله بن فراج العلياني لعدم تواجده حاليا ولسلام

شكرا على الابداع
ونسال الله لها المغفرة والرحمة

__________________

رحمها الله وتغمدها الله بواسع رحمته

__________________

__________________