<<<<<< العقل المدبّــر >>>>>>
لاتـدبـرنـي وانـــا الـعـقـل الـمـدبــر
شفـلـك الله لايـبـارك فـيــك دبـــره
ان كسـرت العظـم يبطـي ماتجـبـر
وانـت لامنـك كسرتـه طــاب جـبـره
آتـنـشّـد عــــن عـلـومــك وآتـخـبــر
مالقـيـت علـومـك الا عـنــد خـبــره
لا تـصــغــر فـالـعــلــوم ولا تــكــبــر
ضاق صدري منك ضيقة ثقب الابره
كـيـف تبـهـت مسـلـم ٍ بالله تـجـبّـر
والـرجـال اهــل الشهامـيـة تخـبـره
يـادقـيـق الـصــوت كـبــرك المـكـبـر
صـار عنـدك مـن بعـد خنـتـك نـبـره
كـــــل مـادبّـرتـهــا عــيـــت تــدبـــر
لو جمعت المال هبـره فـوق هبـره
مــادريــت ان الـمـحــزم مـايـسـبـر
وان حدوه تقول يحدى صـوب قبـره
لـيـت منـدوبـك قـعـد مـاجــا ودبـــر
البـحـر مـاكــل مـــن طـبــه يـعـبـره
الـثـقـه بالـنـفـس تـــذرع ماتـشـبـر
والمعـرفـه فـطـرة مـاهــي بـخـبـره
والــكــبـــر لله لاعــــــــاد تــكـــبـــر
مــن تكـبـر نجعـلـه للـنـاس عـبــره
يـعــلــم الله لانـويــتــك مـاتـشــبــر
كم طويل شبور شبري فاق شبره
مـانــعــبــر واحــــــــد مـايـنـتـعــبــر
الجـبـل مايـسـتـوي ذيـبــه ووبـــره
صاحبـك ياكـم علـى شانـك تصـبـر
لين جبت الضغـط لـه وانبـاح صبـره
لـــو نـشـدنـا واحـــد هـلــل وكـبــر
وش بطـاة السيـل منـه قـال كـبـره
كــل رجــال عـــن شـعــوره يـعـبـر
والقلـم لـولا الـورق ماسـال حـبـره
والشـعـور الـصــادق ايـمــام مـنـبـر
قلـبـي يـراعـيـه وعـيـونـي تـحـبـره
شف عيوني من بعض الاشيا تعبر
لاقضـت عبـره وراحـت جـات عـبـره
وان صفـى فالوقـت جـو وجـو غـبـر
صـافـي جــوي وجــوك فـيـه غـبـره
مـوتــر مـايـطـرد الــــروض الـمـزبــر
واحسافـه وقفتـه فـي ظــل كـبـره
طيع شوري والبس البشت الموبّـر
الحسـاوي دون مثلـك قـصـر حـبـره
ولاتدبـرنـي وانـــا الـعـقـل الـمـدبـر
شفـلـك الله لايـبـارك فـيــك دبـــره
سعد بن شفلوت
__________________
sa3d_919@hotmail.com
.
22-11-2005, 12:27 AM
تعليمات المشاركة
العرض الشجري