قصيدة رثاء في فقيد قبائل سنحان

[frame="7 80"][poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قصيدة رثاء في فقيد قبائل سنحان

الاستاذ حمد بن ناصر ال شعاق السنحاني القحطاني

رحمه الله واسكنه فسيح الجنان

بسم الله ابدا واذكره واترجاه=عالم سرايرنا ولاشي يخفاه
عفو(ن)كريم(ن) يفرج الهم والضيق=ماخاب عبد في دجا الليل ناجاه
يالله تثبتنا على دين الاسلام=واغفر لنا والعبد ما اكثر خطاياه
يارب تلهمنا الصبر والقدر حق=ماضي(ن) قضاك وما كتبته رضيناه
يالله حسن الخاتمه واغفر الذنب=والله يهون روعنا يوم نلقاه
الموت حق وكل نفس تذوقه=والباقي اللي تسجد الخلق لرضاه
من بعدها ياهاجسي خاطري ضاق=والفكر هايم في ظلام تغشاه
تجمعت لاحزان والهم والليل=واهتز عرش القلب من كبر بلواه
والبال سج وتاه والعقل مذهول=واللي فجع قلبي ولاعه وعناه
علم(ن) لفاني صبح لاعاده الله=كدر فرحنا والحزن حل ممساه
من روعتي فزيت واطيح واقوم=اشنع خبر والشاهد الله سمعناه
قالو اذكر الله قلت يالله عسى خير=وش علمكم والعبد لله مشكاه
قالو حمد مات وعسى الله يبيحه=والموت حق وما قضا الله مضاه
يالله تهونها وتجبر عزانا=ياواحد ماغيرك احد(ن) دعيناه
واسئالك بسمك والصفات العضيمه=اتثبته يالله ومالنار تحماه
يارب وسع له ونور له القبر=واغفر ذنوبه وارحمه وسمح اخطاه
عساه في الجنه مع صفوة الخلق=في جنة الفردوس ويطيب مثواه
ون جا نكير ومنكر ليسئلونه=ان تلهمه للحق قدام يغواه
في القلب حزن ودمعة العين تذرف=والله يعيض بخير في من فقدناه
سعد الرفيق ومن يحل بمحله=له فرضة(ن) فينا وياكبر فرقاه
نبكي على الوافي شباب(ن) وشيبان=حزن(ن) على صبح دجا الليل غطاه
ونبكي على شهم النبا عزوة الضيق=امروض العسره لمنا نخيناه
ونبكي على اللي في المواقيف زيزوم=مثل الجدي من يقتدي فيه ما تاه
وتبكي الشجاعه واللوفا والمراجل= على عريب ماتوصف حلاياه
ويبكيه قصر للركايب مناخي=على اللكرم والطيب والجود مبناه
ويبكي عليه النجر والعود الازرق=ودلال رسلان بها الكيف سواه
ماصك بابه في وجيه المسايير=بيت الكرم مفتوح والضيف ينصاه
يضحك حجاجه للمسير تبهلال=لي جا المسيرماتعقد محياه
كريم سبلا منبع الجود والطيب=مابخل كف منبع الطيب يمناه
والطرقي اللي من عنا المشي تعبان= بعد التعب يرتاح من طيب ملفاه
بعد عنا الطرقه وحر القوايل=يروي ضما كبده وتروى مطاياه
الضيف ضيف الله وهداج تيما=يثني تراحيبه ويفرح لما جاه
ويقدم الميسور ويجود من جود=رب كريم ماحصينا عطاياه
هذا حمد لاهان ذكره وطاريه=عد النشاما ياصله ويتعداه
غالي وقدره عندنا ماتغير=حتى لوانه مات قدره رفعناه
ابو فهد نغليه بالحيل بالحيل=راعي الوفاء والطيب وشلون ننساه
اللي لما جارت علينا الليالي= وحمولها ثقلت علينا التهمناه
ون صاحت الريبه لنا عزوة(ن) فيه=رجم(ن) طويل من زبن فيه ذراه
ون ضاقت فجوج الوسيعه علينا=يجلا ظلام همومنا لي زهمناه
اصعب لمور تهون ويروض العسر=له وقفة(ن) لي خيم الهم تجلاه
ستر لبن عمه رفيق المسره=وجهه سميح ودربه السمح ماخطاه
محد(ن) تكفا الشر من راعي الخير=ستر ابن عمه مالمناقيد يدراه
يدمح خطاه وزلته ماحسبها=حتى ولو سبه ترفع وراضاه
حليم لي من ابن عمه غضب منه= يتبسم بوجهه ويصبر لعجفاه
شهم حسين اخلاق فيه التواضع=عفيف نفس والوفا من سجاياه
معدن ذهب ومعرب الجد والخال=امعرب الساسين عالطيب مرباه
درب الكبر والكذب والحقد والحسد=والعيب والمنقود ماهو بممشاه
ولا يعرف البغض قلبه ولا الزود=والصدق طبع اللي على الدرب باراه
ورا ابن عمه ما مشا بالمناقيد=وعن شوفته شوفه يغضه ولا ادناه
ما يختله في غرته بالرديه= ولا يهذري في المجالس ويقفاه
ولا الردي سوا(ن) به ان حي ون مات=يضحك بوجهك والغدر في نواياه
هذاك لايطرا ولا حي طاريه=ان غاب فابرك ون حضر ماحسبناه
ولاحمد وافي ولي حل طاريه=كل يقول ونعم يانايف الجاه
نوادره تبقا للجيال تذكار=ذكره يشرفنا ونفخر بذكراه
ولا مات من خلف ولا هان ذكره= بالخير نذكر طيب ماضي مزاياه
والحمد لله يوم خلف نشاما=فهد وخوانه من غلى الغالي اغلاه
اشوف فيهم من حلايا كحيلان=فيهم عزانا في عزيز فقدناه
وانا اشهد انه راح منا فقيده= كثرو من امثاله ومثله وشرواه
ولولا رضانا بالقدر والمقادير=مالموت بانفسنا العزيزه فديناه
مرحوم ياللي في ثرا نجد مدفون=ودع بني عمه وداره ودنياه
تذكرو ياغافلين اذكرو الموت=والعبد ماقدم بدنياه يلقاه
وختامها بزكى صلاة وتسليم=على رسول للهدايه تبعناه
الله لايحرمنا شفاعة محمد=شفيعنا يوم الحشر عند مولاه
بشيرنا نذير الامه ولا ظل= من يتبع السنه ولا خاب مسعاه
واخر كلامي لله الحمد والشكر=والله يهدينا جميعا(ن)لتقواه[/poem][/frame]

لاهنت يا سعيد وصح لسانك وبيض الله وجهك على كل حال


والله يرحم ميتنا ويسكنه في فسيح جناته
واله انه فقيده على جميع القبايل

انا لله وانا اليه راجعون


رحمك الله يابو فهد


انشد انه نعم الرجل الله يبيحه


ابو عبدالهادي


بيض الله وجهك على هذه الاسطوره واحسن الله عزاكم


والله ان فقد ابو فهد علينا كلنا

وان عزاه في بيوتنا



الله يرحمه


والبركة في من بعده فهد واخوانه


تحتاتي يا سعيد


اخوك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

الله يرحمه رحمة الابرار


ويسكنه فسيح الجنان




الله يصح لسانك يابو مبارك ولا نقول الا


انا لله وانا اليه راجعون

احسن الله عزاكم يابو عبدالهادي


وصح لسانك وبيض الله وجهك



اخوك

الله يرحمه ويسكن روحه الجنة ويتغمده بواسع رحمته
وصح لسانك ياأبو مبارك والله لايهينك وبيض الله وجهك
وهاذي ما هي غريبة من رجل شهم شرواك ياأبو مبارك
ومع خالص تحياتي لك أبو شعاق

__________________
[frame="1 80"]...الـــمــــخ فــــاصـــل... ومــابــقــى غـــيـــر الــــســنــحــانــي مـــــواصــل...
...الـــــقــــــــحـــــاطـــــــــيـــــــــن 5 0 5 ســــــــلاطـــــــــــــــــــيـــــــــــن...
...أبـــــــــــــــــــــــــو شـــــــــــــــــــــــــــــــــــــــعـــــــــ ـــــــــــــــــــــاق...[/frame]

aboshaaq@hotmail.com

الله يرحمه رحمة واسعه ويسكنه فسيح جناته

والحقيقه العزاء للجميع

إنا لله وإنا إليه راجعون

أخوي سعيد ابوديه

صح لسانك وافي وقصيده وافيه

الابداع يوجد عند سعيد ابوديه

لك مني كل الود والتقدير والاحترام

أخوك / أبوعساف

__________________

الشاعر القدير : سعيد أبو دية



صح لسانك .. ولا هنت



ورحم الله الفقيد والعزاء للجميع ..



دمت بألف خير ..

لا هنت يا سعيد رحم الله أبو فهد وأدخله فسيح جناته
الحقيقة أنه كان فقد على القبيلة

__________________

الله يرحمه ويغفر له

وصح لسانك وابيض وجه

تحياتي

__________________
[poem font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاوالله لبست البشت من بعد لبس الكوت=وجالك مكانه بين الاجواد مرموقه

على الهون وكبار الاسامي ماهي ببشوت=يكمّل بها الرجال وجهه ومنطوقه[/poem]