لله درك يالحبابي

هذه الرائعة وصلتني بالايميل وهي للشاعر المبدع ظافر الحبابي

لله درك ياظافر

استمتعوا





يالله وانا طالبك تغفـر لـي ذنوبـي يـا غفـور

ارجيك والجا لك وانـا سالـك واعيـد المسألـه


لوما تطهرنـي بعفـوك مـا تطهرنـي البحـور

جيتـك وذنبـي قـد تعـلاّ غاربـي يـا مثقلـه


أنا من الطين انخلقت , أخطـي ولانيـب معـذور

قامت علي الحجّـه بدعـوة رسلـك المرسلـه


مؤمن بتوراتـك و إنجيلـك و مؤمـن بالزبـور

و بسنّـة محمـد وآيـات الكـتـاب المنـزلـه


لكن خُدعت بزخـرف الدنيـا وزادتنـي غـرور

أبدت مفاتنهـا و ورتنـي مـن العمـر اجملـه


طبعاً بما إنـي بنـي آدم حصـل منّـي قصـور

واذنبت يـا مـولاي ذنـبٍ بالخفـا مـا تجهلـه


أسألك تغفر لي و تستر موقفـي يـوم النشـور

اليا القفت خلقـك صحايفهـا وهـي مستذهلـه


من يستلمها بالشمال افلس وهـو يدعـو ثبـور

ومن يستلمها باليميـن افلـح لخيـر المنزلـه


واسألك يا ربـي تعاونّـي علـى نيـل الأجـور

أحيا حيـاةٍ مكسبـي فيهـا مـن البـر افضلـه


واسألك جاهٍ مع هـل الدنيـا وحـظٍ مـا يبـور

أيضاً وعرفٍ مـع هـل الحكمـه ورزقٍ تكفلـه


من لا تهيّا لـه مقـامٍ مـع طويليـن الشبـور

يبكي على ما ضاع من عمره وخيبـات عملـه


وان شاب راسه لا ترجّى فيـه تجبيـر الكسـور

لا خير فـي تالـي زمـانٍ مـا تغانمـت اوّلـه



ومانيب ناسي قصةٍ صـارت وانـا ازورالقبـور

لازلـت افكـر فـي غرابتهـا وبالـي تشغلـه


ساعة ظهر لي شايبٍ له حول قرنيـن محجـور

في جوف قبرٍ عن هـل الدنيـا طـواه ويعزلـه



سلّم وجا صوبي يقول : ابنشـدك يللـي تـزور

عن حالة الدنيا وعن وضع الزمان وعـن هلـه


أنا مضى وقتي ومـرّت بـي طويـلات الدهـور

والباقـي بعمـري بعيشـه بينكـم واستكملـه



قلت : الزمان اللي يبارينا علـى خبـرك يـدور

الوقت نفسـه مـا تغيّـر ماشـيٍ فـي جدولـه


أما البشر , , , لا والله الاّ غير من حد الجـذور

صار انتقالٍ مـن يميـن الـى يسـار المنقلـه



استغرب الشايب من اللي قلـت وبليّـا شعـور

حط اليمين اعلىالشمال وخاطـره فيـه اسئلـه


قال : افتني عن حالة الشيبان والشيـخ الوقـور

أهل الخبر والراي والحكمـه وضـرب الأمثلـه


القدوه اصحاب الأمور اللي تطـاع بكـل شـور

اللـي يفضّـون النـزاع ويحكمـون المشكلـه



قلت : البعض منهم على ما قلت في وصفك وقور

قدوه ولكن رايهـم مـا ينفـرض فـي مسألـه


الطاعه العميـا بقـا منهـا مجاملـة الحضـور

اللـي تلاقيهـا مـع اوّل فـرصـةٍ متنصّـلـه


والبعض لا عبـدٍ يخـاف الله ولا عبـدٍ شكـور

لا زهّـده شيبـه مـن الدنيـا ولا هـو جمّلـه


بهيمةٍ يرجـع علـى منحـاه الاوّل ومحصـور

فـي لعـب بيلوتـه وريـح زقارتـه ومعسّلـه


والبعض الآخر شابت رموشه على درب الفجـور

ينقـل جـوازه للسفـر مـن مزبلـه لا مزبلـه


أشيمطٍ زانـي قضـا عمـره بحانـات الخمـور

والعايلـه ورعٍ يغـرّر بـه وبـنـت مهمّـلـه



قال : افتني عن حالة الخفـرات ربّـات الخـدور

اللي تصـان بـبيـت عايلهـا و بابـه تقفلـه


شيهانةٍ تشمخ عفاف وتصقـل فـروخ الصقـور

بين الفريق بـبشتهـا الضافـي وتـوبٍ تسبلـه



قلت : العـذارى فـي زمنّـا ببغـاوات الطيـور

تقليد هرج و عرض ريـشٍ خلفهـا تستخملـه


تلبس عباةٍ ضيّقـت حـول الردايـف والخصـور

فضيحةٍ تكشف جسدها مـن علـوّه لـاسفلـه


وموضة شيالٍ تكشف الوجنات والـوان الشعـور

والمحـرم تبـدّل بـجـوالٍ بيـدهـا تحمـلـه


لا فوّحت صفر الدلال ولا عرفت غـش القـدور

تطبـخ لـهـا خـدّامـةٍ بالعايـلـه متوكـلـه


الأم ما صانت عفاف البنت من عمـر الزهـور

والأب ديّـوثٍ تحكـمـه حـرمـةٍ مسترجـلـه


وشلـون يتربّـى عيـال ام التبـرّج والسفـور

الاّ خنـازيـرٍ دمـاهـا بــارده ومغـفّـلـه



قال : افتني بحال الشباب الصلب صيّـاد النمـور

الفـارس اللـي ينطـح خصومـه بزنـدٍ يفتلـه


الوافي الشهم الغيور اللي لعرض الجـار سـور

البار عند امّـه وابـوه وعلـم ربعـه يشغلـه



قلت : الشباب بوقتنا وجهه مثـل بـدر البـدور

والجسم من زود الرخا ما تنفتـل فيـه عضلـه


قصّـة شعـورٍ صيّرتهـم لا إنـاث ولا ذكـور

والثـوب راح ولا بقـى الاّ عـالـمٍ متبنطـلـه


ناسٍ ( فلنتينو ) وناسٍ تلبـس ( كرستانديـور )

صار التنافـس بينهـم فـي لبسهـم والجنتلـه


من كان يشرب من قرار البير مشروبه ( بيور )

والبل راعيها غدا يشـرب حليـب ( النستلـه )


مامنهم اللي قام دون اعـراض جيرانـه غيـور

من قام قالو , , وشـملقّف حضرته ؟ وشـدخّله


والوالدين حقوقهم ضاعت وعنهـم فـي نفـور

ان غـاب عنهـم لا تذكرهـم ولا جـاه الولـه


بدّا عليهم شلّـةٍ تهـوى الوطـا بيـن الجحـور

لو تعزله عنهم تبـي لـه شـان كنّـك تقتلـه


ما راح يوم يشارك ربوعه بحـزن ولا سـرور

حتى ابن عمّه يعرفه بالوجـه واسمـه يجهلـه


بدّل حكاه وضيّـع سلومـه وحالـه فـي دبـور

وان شاف ضيف يخش حتى انّه يفـارق منزلـه



ناظر لي الشايب بعينٍ تجمـع السبـع البحـور

يقول : انا لا يمكـن ادخـل مجتمعكـم واقبلـه


انتو لكم وقتٍ تصـدّع مـن بلاويـه الصخـور

ما يقعد الجمّال به ساعـه ولـو ضـاع جملـه

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

صــــــــــــــــــــح لــسـان ...... الـــــشـــاعـــــــــر ... الـمـبــــــدع


ظافر ......... الحبابي .......مــــلــيــار ................... عزالله قصيده وافيه ..من شاعر وافي .وناقلها وافي

الحقيقه ..شي ...فوق الخيال ...قمه في الوصف ..وابداع في التصوير ..وربط . الماضي بالحاظر
صراحه .. لا استطيع .. وصف القصيده ...تحتاج لصفحات وصفحات ...

لله ....درك ...ياظافر ... لله درك ياظافر .... كنز حقيقي ..يجب ان نقف .. اعجابآ لهذا الشاعر ..

اخوي الغالي ..ابن شويه ..فعلآ ...انت ..مكسب ..حقيقي ..للموقع ..واثبت ...باالفعل ..حماسك
وغيرتك ...على ..موقع قبيلة ...قحطان ..من خلال طرح مثل هذه المشاركات ..الراقيه
لذلك ..ارجو من فارس قحطان ان .. يستبدل مسمى عضو ...الى عضو مميز ... ارجو ان يحظى
طلبي هذا ..باالقبول ....
اخوك اللي .يرشحك ..للتميز ./خالد

__________________
[frame="4 60"]لااله الاانت سبحانك اني كنت من الظالمين [/frame]

صح لسااااااااااانك يا ظافر الحبابي على القصيده اللي تحكي واقع هذا الزمان.

وسلمت يمينك اخوي ابن شويه على نقلك هذه القصيده الرائعه .

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

خالد

جعلني ماعدمك يالغالي

بالعكس اعتبر نفسي مقصر ولا لي فضل

اما من ناحية طلبك للمراقب فتسلم ولاتهمني الالقاب كثر مايهمني اثراء منتدانا الغالي والرقي به لكي يظل شامخ عزيز كالاسم الذي يحمله

@@@@@@@@@@@@@@@

شبل قحطان

تسلم يامشرفنا الغالي على مرورك

@@@@@@@@@@@@@@@

لاهنتوا جميع

اخوكم / ابن شوية

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

صح السان ظافر وبيض الله وجه

وانت يا بن شويه ودي اني عندك احب على خشمك

انشهد انها قصيده نعجز عن مدحها

الله لا يهينك يا بن شويه

ولك تحيات اخوك جابر بن شنان الحبابي

من ابوظبي

bin_shannan@hotmail.com

ابن شووويه الله لا يهينك على هذه القصيده لشااعرناااا ظافر

وانت والله تستااااااااااااااهل التميز مثل ما قال اخوي خالد

بس لاعااااد تبطي علينا انا ماعاد شفتك في المنتدى عسى المانع خيررررر

ابن شويه الشهم لباااااااااااااااااااا قلبك وبس

اخووووووووووك

ابن عاااااااصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

صح لسان قايلها وسلمت يمين ناقلها وعز الله ان القصيده ابداع

__________________
الحظيظ اللي اليا غاب يبقى له حضور @@@ عند ناس لا تمله ولا يملها

جابر

حيا الله ربعنا في بو ظبي

الله يحبك بالعافيه

والقايل مايهون يابو شنان

لاهنت لاهنت

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

لاهنت على نقل هالقصيده الاكثر من رائعه

أخوك : الحميداني

[grade="00008B FF6347 008000 4B0082"]الاخ بن شويه
السلام عليكم ورحمة الله وبركاته
أهنئك بأشياء كثيره
الاول: التوقيع الجذاب بحجم جاذبيتك لمتابعيك
الثاني: هذه القصيده المميزه والخاصه والمرسله لجنابكم
بشكل خاص ولم تبخل علينا بالاطلاع على مفرداتها الرائعه
الثالث: الترفيع الذي كتب نص محتواه الاستاذ خالد ويدرس لدى الاداره
الرابع: حضور مميز انت تستحق التميز00 تقبل التحيه00 والسلام ايه الشهم الهمام[/grade]