شاعر الوطن ناصر القحطاني......وقصيدة شمر (والرد عليها)

[poem=font="Simplified Arabic,4,black,bold,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
الشمس غابت وكل ٍ دوّر سراجه = والشوق جمّر محرّ الشوق لاجمّر

دام اتجاهك شمال مودعك حاجه= سلّم على حايل وسلّم على شمّر

قدامك الخافق اللي ينشد علاجه =كنه معلّق على برزان ومسمّر

وانت تعرف يا بعد حيي من تواجه =بيضان الافعال لامن الزمن سمّر

ان ضاقوا أعنف من البحر وامواجه = وان راقو اركد من الخرمان لا عمّر

كم صيت بيت ٍ عتق في الباب مزالجه = وكم شيخ اماره قبل تعيينه مومر

وكم حاتمي ٍ تكفيّ فلّة احجاجه = وش لون للضيف لو عن ساعده شمّر ؟

وان مر تاريخهم متلبس ٍ تاجه = كم عاشق ٍ كيّف وكم حاسد ٍ زمّر

في جو ٍ اغلى على الرجلي الى داجه = من ديرة السادس ومن ديرة معمّر

كنّه الا اهدى له البراق فجاجه = خلت غرير ٍ ضحك ومن الخجل حمّر

توارثو حرثه وتمتير ديباجه = ركابة الجيب من ركابة الضمّر

الودّ لا غرس بدري صعب مخراجه = والله ولا الذّ واحلى منه لا ثمّر

ادخل على اللي تطوف البيت حجاجه = من ناقص ٍ عند مدح الغير يتذمّر

والمدح لو كان في الرديان للصاجه = ويقال عمّر بلد بالعون ما عمّر

والذّم لو زاد في الطيب تولاجه = لا احرق ولا اغرق ولا عمّر ولا دمّر

ماني بمتحسب بشعري على حاجه = الا اني اروح ما غنيت في شمّر [/poem]







[poem=font="Simplified Arabic,4,black,bold,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
هلا بشهمٍ صدق في رسـم منهاجـه =هلا بمنهو تمثّل فـي جبـل شمّـر

هلا بمن تعجـز القيفـان لحراجـه = ومن حقه إنه على القيفـان يتأمّـر

وصل سلامك ولا يحتـاج ديباجـه = عمّرت صرح الغلا ياعلّـك تعمّـر

نظمت عذرا تهبّـل فـي تغنّاجـه = لو حاول احدن يجاري حسنها قصّر

يامير الاشعار يامن يحسـده تاجـه= اعذر محاكيك بالقيفـان لـو كـرّر

لو يمرض الجود نادوا فيك لعلاجـه = تعطى البشاره لمن في جيتك بشّـر

لو يظلم الكون نورك يجلب افراجـه = ماعاشرك في حياتك حـي ويكـدّر

يشهد لك ا لليل لامن ضوت ابراجه = ويشهد لك الحبر والاقـلام والدفتّـر

والطيب يشهد لك انك صرت هداجه = نعم المراجل ونعم الاصل والمخبـر

قحطان كنه محيـطٍ تلطـم امواجـه = طوفان عارم ليامن الهـوى زمجـر

ولامن هدا الموج يهدي غالي انتاجه = الدر واللـول والمرجـان والعنبـر

ما رامهم طامع إلا يرجـع ادراجـه = الليث ماينقرب خـصٍ ليـا كشّـر

نبراس عزٍ يسـرك فـي توهّاجـه =من خلقت الكون حتى ساعة المحشر

يامن نظمت البيوت وقمت بخراجـه = عسى حياتك سهود ولايجيك الشّـر

منت الذي يحسب بيوته على حاجه = حنّا هلك والجبل في مثلكـم يفخـر

ولا غابت الشمس محدن دور سراجه = نور القحاطين ساطع في جبل شمّـر[/poem]

هذه قصيده تم ايرادها للمنتدى من قبل اخونا العزيز/ بدر سعيد القويعي الشمري :


سلام الله عليكم يبني قحطان


لما قرات في أحد المتديات وينوه عن هذه القصيده وأنها مقتبسه من موقع مجالس قحطان أحببت أن أتشرف بانضمامي لكم وأحب أن أضيف بعض ردود شعار شمر علي قصيده شاعر الاندلس

وهنا رد لاحد أعضاء ديوانيه شمر وشعارها (( مد البحر ))

[poem=font="Simplified Arabic,5,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
يامتجه للجنـوب النفـس ملتاعـه=سلم على اهل الحصاة وشيل موالي

قحطان قحطان يامن العرب ضاعـه=ترسي البواخر بهم للي قعـد تالـي

سفينة المجد دايم يطـرخ شراعـه=في جارهم قصةٍٍ من الصغر تحكالي

اهل الكرم مدهم ماقيس في صاعـه=مازودوبه رصيـد اريـال وريالـي

الطيب حاشه نمى قحطان بذراعـه=كل القبايـل خـذة منـه وتكتالـي

هم بالمكارم نجومٍ ترسـل شعاعـه=يامال حمل العرب قحطان له شالـي

اهل الجبل والسهل واللي سكن قاعه=عن جدهم ماذكر بـه واحـدٍٍ مالـي

انتم فهود الجزيـرة ونتـم سباعـه=من دمكم في دمانـا نـزف شلالـي

الضيغمي يفتخر باصلـه ومنباعـه=ياعزوته يا اعتزى في وقت الاهوالي

ناصر يقوله ونـا رديـت لسماعـه=عن قصة المجد عندي كيف تروالي [/poem]

رد على قصيدة الشاعر الكبير ناصر القحطاني شمر

وهذه القصيده تم ايرادها للمنتدى من قبل اخونا العزيز /بدر سعيد القويعي الشمري وهي رد أخرى لاحد أعضاء ديوانيه شمر وشعارها (( نجم الاسلمي ))

[poem=font="Simplified Arabic,5,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
بديت باللي ينير الكون بسراجه=الواحد اللي ينيرالكون لاسمر
سبحان منهو نحت للسيل مدراجه=مظهر نجومه ليامن الشفق حمر
ومن بعد ذكره وردت القاف لي حاجه=وشربت لين أرتويت وخاطري زمر
وبديت سيناريو شعري مع إخراجه=ردً على الشاعر اللي ماهو مقمر
بالله يامودي المكتوب رح ناجه=وسلم عليه وتكلم بأسمنا شمر
سلم على اللي لضيفه يضحك حجاجه=من لابةً تشبع الجيعان لاظمر
تاريخ قحطان مثل الشمس وهاجة=غلطان منهو يقول الشمس تنخمر
وفي حاضر اليوم شال الطيب هداجه=أنا أشهد انه على الشعار ينومر
الشاعر اللي بيوت الشعر تحتاجه=ناصر لسلم الجدود الطيبه عمر
هم منبع الطيب هم ساسه وإنتاجه=والطيب وسط البيوت الطيبه ثمر
كريم برقً على قحطان ملعاجه=على المطر في بلد قحطان ينهمر
بديار قحطان طير العز مدلاجه=عسى النفل في فياضه كثب ومغمر
مدحت ربعً ماهم للطيب سماجه=والطيب مستاقدً فيهم ولا جمر
ولاهمني واحدً خطوته منعاجه=أعرف راع العمار من الذي دمر
ولاني بمتحسف بشعري على حاجه=إلا اني اروح مارديت عن شمر[/poem]

وهذه ايضا تم ايرادها من قبل الاخ العزيز / بدر سعيد القويعي الشمري
وهي رد الشاعر الكبير والمبدع والصديق الغالي أبو فهد (( سطم فهد الخليل الشمري )) وهو من كبار شعار ديوانيه شمر

[poem=font="Simplified Arabic,5,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
حيّ الله اللي لحا يل مرسلٍ حاجه=حيوا صبي قحطان حيوه ياشمّر

حيوا بناصر غيابي وحيوا به مواجه=يجلس على الجاعد ومركا شدادٍ مقمّر

حيه على بريّةٍ ريحته فاجه=زال الخضار. ولونها مابعد سمّر

حيه على هيلٍ من الهند مدراجه=وحيه على زغفرانٍ . كنه محمّر

وحيه على عودٍ ازرق يرفع حجاجه=بديار جاوا . مغن العود ومخمّر

حيّ الله اللي سلوم الطيب منهاجه=والطيب بأهل الطيب لو الدهر عمّر

حيّ الصبي وحي منهو من انتاجه=حي قحطان العرب هل الكنس الضمّر

اللابة اللي للمعادي تطحن علاجه=وحريبهم لو يطول الوقت ما ثمّر

ان جاء نهار المواجة ترعب امواجة=اموج بحرٍ من تعرص له امدمّر[/poem]

وتحياتي للجميــــــــــــــــع ،،،،

__________________

الله يبيّض وجهك ويرحم والديك يابن شاهر
حقيقه شاعرين وقصيدتين ممتازه جدا
قحطاني وشمرّي
وش بقي؟


الله لا يهينك يابو شاهر وننتظر المزيد

نووووووووووووووور القحاطين سااطع بشمر


صح لساانك وانت مكانك وصح لساان قايلها


قصديه حاليه ورد احلى


ومشكووورين على جلبكم القصيده


اخوك


صبي

__________________
ALBESHRE2007@HOTMAIL.COM

صح لسان الشعار

وصح يمينك على التقل

__________________
[frame="6 80"]عدت من جديد [/frame]

ياسلام على نقل القصيد للشاعر العملاق شاعر الاندلس ناصر القحطاني

وياسلام على رد اخوي احمد الشمري

لاهنت يابن شااااااااااااااهر

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

اشكر الجميع وقايل مايهان
واعدكم بان اعمل على زيادة النشاط فالمنتدى بشكلاً عام
ابشروا بسعدكم
وتقبلوا تحياتي

__________________

مشكور يابن شاهر

اشكرك يالربع على المرور
ومن يستحق الثناء والشكر بعد الله هم القائمين على هالموقع

__________________

والله يا اخوان اني جهزت رد يخص هذا الموضوع وفيه عتاب لكل من اكتشف بذكائه العجيب اني مقتبس الموضوع (ناقله )
شي مايزعل بس ركزوا على الفائده ومن باب تقدير كاتب الموضوع الواضح وضوح الشمس انه مقتبس (يعني ابكتب قصيده مشهوره واقول انها لفلان ورد فلان عليه مشكوراً)
وقصيدة ناصر معروفه عند اغلب القحاطين وايرادها هنا من اكتمال زينتها بمجارة الاخ الجريفاني الشمري عليها
(ممكن اكون نزلت الرد بمنتدى آخر) وان شاء الله قريباً ( سوف اتفرغ للافضل )

تقبلوا تحياتي

__________________

صح السان الشعار

وتسلم يمناك يا ابن شاهر

اخووك المعمري