حسين بن شتوي وعلي بن حمري

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهوجسى ساعديني لى بغيت انظم قصيده = استعدي والقصيد الزيـن دليــني سمانــه

والقصيده تشرح الخاطر ليا صارت جديـــده = والشعر قلبه حنون ويعرف الشاعر حنانــه

والقصيد اليوم ياصعبه علـي اللـي مايريـده = الشعر مثل الفرس مايمسـك الجاهل عنانــه

للصـداقه بينـى وبـيــنه مـواثـيق عــديــده = واحمــداللـه للـه المعبـــود فضـله وامتـنانـه

بعدهــا منى ســلام عده حروف الجريـــده = من ضميــر ماتغــير نيــته والشــــان شانــه

والسـلام اعـبره بأبيــات واصوغه واعيـده = يخــتلط بالعــود وتـــروح الريــاح بزعفرانه

للرفيق اللي ينومسنى عسى ايامه سعيده = يتجه صوبــه سلامي ليــن ياصـل في مكانه

لبن حمري وابن حمري شاعر يعرف رصيده = شــاعر اعتـــزبه وافــخر بذكره في زمانه

شــاعر من ربعــنا الغالــين وعلومه سديده = والقصيده منه تحفــظ مثل ماتحـفظ الامانـه

لقبــوه برايه الشــعر وعســي ربــي يزيده = يوم بعــض الناس شعره كونــه ياليل دانـه

هاضــنى باسلوبه الجــزل وقوافيه الفريده = اتسمــع هرجتـــه واقول صـح الله لسانــه

وان تكلم فيه جــاهل كلمته ماهــي تفيده = انصحه في الاوله واقول درب الخــير عــانه

وان ثنــاها لايسب اهل المواقــيف المجيده = لازم اخــلــيه ياخــذه علــي جنبـــه غبانــه

لازم اثبت دون ابن عمي بالاوقات الشديده = لعن ابورجــل رضا في روس ربعه بالخيانه

الحمــيه من عوايــــدنا ولاهــــى بالوحيده =لاحشــا ماقلتـــها لاجل المعــرفه والميانه

واللـــيالى علمتنــا بـالقريبــه والبــعيــده = والصـبي منا نهـار الهــوش ماينهب حصانه

مانفكـــر في ضعــيف عــبرته تمــلا وريده = والله مأرضي لاعلى نفسـى ولاربعي مهانه

الــتزم بالصــمت لاتخـطي قوانيــن العقيده = المثل قال اللسان ان صــانه الرجال صــانه

ياعلي قدرك جبرنى واستحقــيت القصيده = قلتــها من خاطــرا صــادق ولاللكــذب خانه[/poem]