رساله رقم ( 1 ) مع التحيه ..

صلوا على النبي


[poem=font="Simplified Arabic,5,blue,normal,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
شي ٍ بصدري والله إني قايله=ولا حسبت لصعبه وسهايله



شاعر وإلا من ضاق صدري وأمتلا=أنفث على وجه الورق غلايله



أكتب قناعاتي ولا أكتب غيرها=لوتودع القاضي على ملايله



أصل القضيه خاسره والمدعي=صيّاد فرصه وأستغل شكواي له



والشاهدين الزور لو مازوّروا=فالحكم واحد مرّه وزلايله



دام السياسه ذنب والساسه خصم=مات الضمير ونوّخت رحايله



هذي الحقيقه والحقيقه واضحه=ماهي بسر ٍ في ضميري شايله



خل عني علومك وروّح ياولد=العمر مرّه والليالي زايله



توّي عطيت البال شفـّه وأبتدى=قدح الخيال وولعت فتايله



روفي علي ياهجس بالي وإركدي=البال عد ّ وياكثر نزايله



الله يجملني مع أصحاب الجزل=اللي تميّز دقـّه وجلايله



آقولها وأنا أدري إن فيه شْعرا=من شرّده تطرح ومن جفايله



والندّر العنّد هواي وغايتي=وكل ٍ يسوق لغايته ذلايله



أحدٍ ييممها صعَب وأحد ٍ سهَل=كل ٍ حسَب غاياته وصمايله



اللي يسّب أمريكا واللي القاعده=واللي يغنّي لخلّه وجدايله



عن حالنا ياأقلامنا ماأحد ٍ كتب=على كثر من ذب روس الطايله



ماكنّ به حرف ٍ من حروف الهجاء=يابو فَهَم ياكثرها عمايله



خلّى كثير أهل المناصب أتقياء=لأن التقي ماتنحصى فضايله



أشرف الأسامي اللي يسمونه بها=مع إنه ويكفي فقط تحايله



الواسطه والمعرفه والسمسره=ماشئت سمّه وإختر فبدايله



معاني أسماء ٍ كثير وكلّها=مفهوم رشوة غيّروا دلايله



يابو فَهَم حنّا بزمن أوتدري شف=بغيت أقوله بس ماني قايله



خلني أبأضرب لك مثال ٍ واقعي=في ما يخص الشاعر ومثايله



تعطى الفرص للشاعر اللي وأختصر=جزايله هي نفسها هزايله



مشهور جدا ً بس ماعنده شعر=والمشكله كل ٍ رضاه يخايله



أهل الفضى وأهل الطباعه والنشر=أكبر غنيمه عندهم رسايله



ياللأسف ياأهل الشعر ياسادته=وشلون جوّ أواخره أوايله



كم شاعر ٍ حاز الدرر في دفتره=بيته يساوي له بيوت ٍ طايله



له ندّر ٍ ترضي غرور الذائقه=لا عدّها فالله على جزايله



لكن بقت رهن الأسر حبر وورق=مثل الأسامي في كروت العايله



غنّى بها يرجي المطر ماجا المطر=ماغير برق ٍ في سماه يخايله



لذا بأقول وبأختصر يابو فهم =بإسم الغلابا ذو البيوت الآيله



إلى السقوط ومالقوا بأهل الشعر=لو واحد ٍ ممكن يـِرَد الراي له



لابد من يوم ٍ يجمّعنا سوى=يوم ٍ كفى الله شرّه وهوايله



هذا مثال وقس عليه اللي تبي=في وقتنا الحاضر وفي فعايله



كذبه كبيره العولمه يابوفهم=تصدير أزمه في ليال ٍ عايله



السالفه أكبر من حدود الفقر=ومن الليالي والحظوظ المايله



المجتمع من كثر مابه أردياء=مابه غصون ٍ من ثمرها مايله



ياليه أتعّب روحي وفكري معه=وأشقى برضاه وماحسب لرضاي له



السالفه لو طوّلوا فيها الحكي=يغني عن أكثر حكيهم قلايله



ودّعتك الله وإنتبه يابو فهم =حلمك بعيد وما أظنك نايله



شف حال أخوك وصلّ لله وإعتبر=ماكل حيّال ٍ لزوم تحايله



وإن مافهمت اللي أقوله عاذِرِك=ظلم ٍ تشوف النجم عز القايله



هذا وباقي فالصدر بيتين بس=عقب القصيد اللي يوهّق قايله



لبيه ياجمهوري ياللي غايتي=أكسب رضاه وكل أبوه غناي له



الجادل اللي غيرها ماهمّني=وعروق قلبي يمّها متمايله



دايم تضيق من الجهات الأربعه=وتصير لي روض ٍ فياضه سايله [/poem]

صح لسانك ..


صح لسانك ...صح لسانك ..


صح لسانك ...صح لسانك ..


صح لسانك ...

مدد ... ماهو بعدد

...

صح الله كل جوارحك

وابيض وجه

رائعة

بل عملاقة

بل خرافة

ليست رسالة ... بل اكثر من ذلك

لاهنت

__________________
« اللهم كما أحسنت خَلقي فحسن خُلقي »

اللهم صل على النبي


يابن صميع يابن صميع بيض الله وجهك وصح السااااااااااانك

والله انك وافي وجزل والجزل ماياتيب الا جزل


قمــــــــــــــــــــــــه في الابداع والمفردات سلسه وحلوه

حلة دنياك وآخرتك

تقبل مني كل الود والاحترام

اخـــــــــــــوك:
ابـــــــــــــــــــــــــونــــاصـــــر الهــــــــاجــــــري

__________________

السلام عليكم ورحمة الله وبركاته

صح لسانك .. وبيض الله وجهك ياغالي


مــشكور

__________________


( لمراسـلتنـا اضغط هنا )

الرائع

معيض بن صميع

أرحب

صح لسانك ولا عثر حصانك وعلى الأخرى عانك

لطالما إقترن إسمك بالإبداع فدمت للإبداع رافداً وللجزالة معيناً .

استمتعت بقراءة هذه الفاتنه التي لا يجيد حبكها إلا مثلك وشرواك .

تقبل مروري المتواضع وخالص تحياتي

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]

معيض بن صميع


تشرفت كثيراً بقراءة هذه الشامخه بشموخ شخصك الكريم

فانت والجزاله عينين في رأس

كلما أقرأ لك اقرأ شعراُ حقيقياً يصل إلى القلب قبل غيره


تحياتي

صح الله لساانك يامعيض

وفيت ولاهفيت

الله يبيض وجهك

تحياتي لك

__________________
[poem font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاوالله لبست البشت من بعد لبس الكوت=وجالك مكانه بين الاجواد مرموقه

على الهون وكبار الاسامي ماهي ببشوت=يكمّل بها الرجال وجهه ومنطوقه[/poem]

معيض بن صميع وكيل الجزاله المعتمد




صح الله لساااااانك منا لا عندك


وبيض الله وجهك على هذه الشاااااامخه


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

بسم الله الرحمن الرحيم
السلام عليكم ورحمة الله وبركاته

اللهم صل على النبي


بيض الله وجهك


وصح السااااااااااانك

__________________

شامخه

وافيه

معلقه

اجدت صياغتها يابو علي ولاغرابه

جزل ومبدع ومتميز وغني عن التعريف والشهاده

بيض الله وجهك يالقرم

والمعذره ترى نحس بالتقصير عندما نحاول التعليق على نصوصك

لكن اللي في الخاطر كافي

واللي اقول .. الله يكثر امثالك لحفظ الهويه الحقيقيه لهذا الموروث العريق

لاهنت وتقبل تحيات اخوك ،،،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.