المقفي أقفي عنه مانيب نشاد ------- والمقبل أقبل له وأرحب زياده

بسم الله الرحمن الرحيم



بعض الشعراء لا يفهمون المعاني


و يتطاولون على شعراء أكبر منهم قدراً وشعراً ومكانه ومهما كان ( لا يصح الا الصحيح )


وكما قال والدي رحمه الله في قصيدته


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
من قال أنا الشاطر بكثر المطامير = فكم طمرةً بيعود منها كسيري
ومن حفر الجحران بيديه تحفير = ياكم بيلقى داب سمه سعيري
ومن هاجم العالم بكثر المعايير = فالكلب ينبح والقوافل تسيري[/poem]
وأنا كتبت هذه القصيده وهي نصيحه موجهه له ولأمثاله من الشعراء المبتدئين

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
البرق لاح وسامعً صوت رعاد = عسى المطر يسقي نبات الحماده
ويسقي الديار الممحله لين تزداد = بسيلً يشق الأرض قو أزدياده
ويعلن حسن كران بأخبار الأرصاد = أن الحيا عم الوطن بامتداده
وتباشروا بالخير رعيان الأذواد = وكلً على الركبي يقطب شداده
أحدً حدر وأحدً ينوي بمسناد = وأحدً معا ذوده ويسرج جواده
وعم الفرح لين أصبحت مثل الأعياد = مدة كريمً يفرح بها عباده
والشاعر يعبر ليا جات وراد = معانيً ويحقق بها مراده
أحدً ليامنه وصف بالشعر جاد = وأحدً بليا عرف يظغط زناده
للعلم روادً وللشعر رواد = وراسي جزيلات المعاني قناده
طبيت سوق الشعر بجزال وجداد = جواهرً تنظم سوات القلاده
للعد مصدارً وللعد ميراد = والوقت هذا لا يغرك براده
ماحدً وصل بدون حربً ولا جهاد = واللي يبي ياصل بحسب اجتهاده
والهامه اللي ما تبي عز وأمجاد = نارً ليا شبت تعود رماده
ترى الردي ما ينفعه طيب الأجداد = حتى ولو أسمه من أهل الرياده
الفود مابه فود وش عاد وش عاد = مادام راضي بالردا والزهاده
جعله فدا للي تواقد توقاد = فيه الكرم والطيب والعز عاده
اللي يبي ذكره على روس الأشهاد = بالمرجله والفعل يلقى شهاده
واللي بنا بيته بلا أطناب وأوتاد = يهزه الغربي ويطرح عماده
الشعر ما يرفع بيوتً بلا عماد = ماله مجالً في دروب السعاده
ان كنت قصادً ترا فلان قصاد = وكلً على ما قيل يعرف حصاده
والدله اللي ما تبهر من قناد = ما نثني الفنجال منها وكاده
حنا نعرف النون والقاف والصاد = وكلً على الله يارفيقي اعتماده
لانيب ملقوفً ولانيب حساد = أيضاً ولا أحب الردى والقراده
والمقفي أقفي عنه مانيب نشاد = والمقبل أقبل له وأرحب زياده
واللي يغث الناس ويغث الأكباد = أترك سبيله لين ياتي نفاده
حتى ولو نرحل من بلاد لبلاد = ونترك ردي الساس ويا بلاده
وراعي المصالح جنبه يابن الأجواد = يضحك بسن وعلته في فواده
ومن يبذر المعروف في قلب جحاد = مثل اللذي يسقي بذور الكداده
واللي يبي يقنص وللصيد طراد = محدً يصيد إلا بحلم وركاده
قلت الكلام الصدق للصدق معتاد = مانيب أحب النقص والا الزياده
وبعض المواقف مالنا عنه مقعاد = أما بياض الوجه والا سواده[/poem]

وسلامتكم