كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))

تحيه طيبه وبعد




في الحقيقه أنا قرأت قصيده لأحد الإخوان الشعراء يتغنى في نجد بها


فثارت قريحتي بهذه الأبيات اللتي أسأل الله أن تنال على استحسانكم ورضاكم




أقول فيها



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
أبدى بيوت الشعر بأطيـب تحيـه=بيـوت شعـرً عالـيً مستـواهـا
قدمتهـا للـي سمعـهـا هـديـه=ونفوسكـم لعـل تلقـى رضـاهـا
هديـةً مابغـى وراهــا جـزيـه=إعجابكم يأهـل المعرفـه جزاهـا
فيهـا بأكـب همومـي الداخلـيـه=عسى بعدها النفس تنسـى عناهـا
وتشفى جروحً وسط قلبـي خفيـه=جروحه اللـي مـا لقينـا دواهـا
يكوى خلال اليـوم عشريـن كيـه=من هالحيـاه اللـي كثيـرً غثاهـا
دنياً صدق من قـال عنهـا دنيـه=والضايع اللي قام يركـض وراهـا
أحفى القدم مابيـن روحـه وجيـه=والخاتمـه نفسـه يجيهـا قضاهـا
فاسمع كـلام العـود راع الوصيـه=دنيـاك يابـن آدم سريـعً فناهـا
أجمع لنفسـك قبـل حـل المنيـه=ومن يزرع الزرعه لنفسـه جناهـا
الطيبـه ماهيـب مثـل الـرديـه=والنار ما تحرق سوا مـن وطاهـا
ياللـي تغنـي باللحـون الشجيـه=أبيـات شعـرً وافيـه فـي بناهـا
بنيتهـا فـي مـدح نجـد العذيـه=ونجـد الشجاعـه كلبونـا فداهـا
هيضتنـي بلحـونـك السامـريـه=والنفـس بلحونـك تبيٌـن خفاهـا
ياصاحبـي نجـدً عزيـزه عليـه=ومابه غلا فالكون يسـوى غلاهـا
فيها الفيـاض المزهـرات البهيـه=وفيها القلوب أصفى من الماء صفاها
وفيها خويً مـا يخلـي خويـه=خـوة معـزه ماتقطـع عراها
يازينها فالصبـح والشمـس حيـه=لاشفت ذودك سارحه فـي رباهـا
ويازينها ياصاحبـي فـي العشيـه=يسحر بريق نجومها فـي سماهـا
والله ثـم والله لـو هــي بـديـه=لاموت فيهـا وأندفـن فـي ثراهـا
لكنـهـا بيـديـن رب الـبـريـه=رب خلقهـا وعـارفً منتهـاهـا
يأهل الكرم يأهـل الوفـا والحميـه=ياشيوخ نجـد شعوبهـا وموراهـا
ياللي لكم في ساعة الطيـب هيـه=وفعولكـم ماحـدً بيلحـق مـداهـا
عاداتكـم يأهـل النفـوس الغنيـه=لاتصبـح تـراثً وكـلً نسـاهـا
خطيـةً ياكبرهـا مــن خطـيـه=والله يرد أهل الخطى من خطاهـا [/poem]

__________________

سبحانك اللهم وبحمدك أشهد أن لا إله إلا أنت أستغفرك وأتوب إليك

صح الله لسانك علي القصيدة الجزلة من شاعر قدها وقدود
ويشرفنا حضورك واستماع قصيدتك الوافيه وتحياتي
واشواقي تصلك الي ديارك
جاسم القحطاني يحيكم بلاحدود

ارررررررررحب ياسعود


وصح لسانك على القصيده الجزله والرائعه


ولاهنت يالغالي على التواصل الطيب

وفي إنتظار جديدك بكل شوق


أخوووووووك

بن غفـــره

صح لسانك ياسعود


شاعرٍ جزل ومبدع


وابدعت في هذه الرائعه لاعدمناك


ننتظر المزيد منك الله لايهينك


ودمت بخير


.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

أخوي سعود العماج

صح لسانك واعتلا شانك

بيض الله وجهك

رايعه ووافيه من راس وافي

لك فائق احترامي وتقديري

سعود العماج


صح السانك


رائعه بروعه حضورك


لا تحرمنا من جديدك

سعود



صحيت وصح الله لسانك



قلت وابدعت




لاهنت ولاشنت

__________________

سعود العماج


صح الله لسااااااااااااانك وبارك الله فيك



ابيات لها وزنها من ثقل شاعرها


متابع لكل ما تكتب


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح لسانك ياسعود


قصيده وايه من شاعر وافي


استمتعت بتصفح هذه الرائعه


لاهنت يامبدع


أخوك فيصل العبدالله

الاخ سعود
صح الله السانك والله يعطيك العافيه
قصده ثمينه وبيض الله وجهك ياسمي