يقول بن بقشه

هذه قصيده ــ نصيحه ــ قالها الشاعر المغفور له بإذن ربه/مبارك بن حمود بن بقشه آل روق القحطاني

أسال الله العلي العظيم أن لايحرمه الأجر والثواب وأن ينتفع بها من قراءها ولا تنسوا كاتبها من الدعاء جزاكم الله خيرا.







[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=0 line=0 align=center use=ex num="0,black"]

أول كلامي بادي بذكر الله = ذكر الله البادي على ما كان
ذكر الله البادي على كل ما بداء= وعوذ به من همزة الشيطان
يا سامع قولي تفهم مني = نصيحة مني على البرهان
نصيحة لأهل القلوب الفصيحة = اللي تعرف الحق والميزان
ولاهبيل القلب لا جيت تنصحه = ما يستمع في راعي النصحان
أول كلامي يوم أوصي صاحبي= خمس الفروض وطاعة الرحمان
أوصيه بالتقوى مع الصدق والنقي= ترى لها يوم القيامة شأن
وليا قبضت المال فأد حقوقه = المال لا يهويك للطغيان
قارون ماله ما نفعه وسره = اللي بنى له بالذهب جدران
هذا وأنا ما قول ضيع مالك = بس الزكاة تطهر الميلان
وترى الفقير إن جاك حقه واجب= ولا تجيه بخاطر زعلان
وليا عطيته خل بالك سامح= ولا تصير بمدتك منان
ولا تجالس من جليسه خايب = تصير بعيون الرجال هدان
ترى جليس السوء يلحقك الردى= دور خيار وجنب الرديان
يالعبد لا تغويك فزات الصبا= تحمد اللي صورك إنسان
تحمد اللي فضلك في خلقه= ولا قوة إلا بعدها ضعفان
ترى الشباب يروح كنه ما جرى= يشدي لحلم ضيعه الأذهان
أيضا وحق الوالدين مبدأ= والدك لا يمسي عليك غضبان
والوالدة بالذات عظم قدرها= شيالتك في البطن والأمتان
أيضا وبيّن في كلام ثاني = ابر فعه للناس في بيان
العلم للرجال يرفع قدره= والجهل يطرح عالي البنيان
ولا تقول اني كبير وجاهل = لا قراء ولا كتب من قديم زمان
العلم ماهوللصغير مخصص = ياجب على الشباب والشيبان
والعلم ماهو ذا السنين يكلف = كل المدارس فتحت مجان
هذا وجارك لا تجنب داره = لا تحمسه لاحمسوا البزران
الجار وصى به نبي الأمة = محمد المختار من عدنان
هذا لكم مني ووصي نفسي = عسى لنا عند الولي ظفران
هذا كلام اللي عريب ساسه = من نسل هود وجدنا قحطان
وختامها صلوا على سيد البشر إعداد ما هل السحاب غشان[/poem]
[/poem] [/frame]

__________________

اخوي المكابسي ، الحقيقه القصيده طيبه وأنت أطيب وبارك الله فيك ،

الاخ/نجم الخليج

اشكرك على مرورك

وأسأل الله ان ينفعنا بما قراءنا انه سميع عليم .

__________________

بيض الله وجهكيالذيب


علـــى نقل القصيده الرائعه


ولا تحرمنا من جديدك نفدااااااك

اخوووووكم / كحيلان

__________________

مشكور الاخ/ كحيلان على مرورك وبشر بعزك يومين وتشوف قصيدة

تعجبك ان شاء الله .

والله لا يهينك علىمرورك يا كحيلان .

__________________

بيض الله وجهك يالمكابسي.......والله يرحم قايلها...

ارحب يابو حمد وبيض الله وجهك

على الدعاء والله لا يهينك على الرد0

__________________

ماشاء الله عليك......ذيب..............


ولاتبخل علينا باللي عندك.

ابشر يالغالي باللي نقدر

عليه ما عينا من زين شفتوه0

__________________

كل الشكر والعرفان لكل من قام

بالرد والتعقيب على هذه القصيدة

واسال الله لي ولكم السداد انه على ذلك قدير

__________________