يازين العرس زيناه

السلام عليكم ومساكم الله بالخير


يمدحون العرس ويقولون انه زين وستر للشاب وعفه للفتاة وأفراغ للطاقة الجنسية فيما يرضي الله

طيب وش هي المشاكل اللي تواجه المقبلين على الزواج ؟

وهل المشكلة في المعرس نفسه ؟ على أساس انه المفروض يكون رجال وعاقل وعنده نظر

لأني لاحظت في السنين الأخيرة أن بعض العرسان الجدد صار البلى فيهم ويحبون الخساير والمصاريف والمباهاة

قصر أفراح وفرق رقص وشعار بالأيجار وسفريات خارج المملكة وغيره من المظاهر المزيفة

طيب وش حادك توافق على وحده مهرها غالي واهلها يبون واعمامها يبون وخوالها يبون .... يعني تحبها يالوح

أنسى موضوع الحب قبل الزواج وفكر في مستقبلك وسعادتك وأختر أقلهن مهرا وأظفر بذات الدين تربت يداك



أخوكم محتري السيل


نسيت أقول لكم ترى الموضوع للمشاركة وأبداء الرأي من الجميع يعني فريق عمل ليستفيد الجميع

أستودعكم الله على أمل اللقاء بكم في القريب العاجل

حلوه


تحبها يالوح



لاتعليق على الموظوع

لين يخلص الظحك

__________________



لأستشاراتك القانونية أضغط هنا
لوجه الله تعالى

مرحبابك يابو جابر

وننتظر تعليقك على الموضوع لاهنت

والأمر يهم الجميع وظاهرة تستحق التعقيب ولو بكلمة موجزة

انا اضم صوتي للاخ : محترى السيل هذا اذا كان دخله محدود او متوسط واما اذا كان ربي معطيه فلا يبخل على نفسه وانا اخوك وعلى قولتهم ( احرق الروح قبل لاتروح ) ولازلنا في انتظار تعليقك يا ابو جابر والسلام ختام مع تحيات اخوكم (( الجعدني السنحاني ))

أنا أنتظر الرد للاستفادة

يالله أنك تعيين .........!!!!!!!!!

__________________

الله يعطيكم الف عافية على المشاركات

لاكن ننتظر آراء المقبلين على الزواج

ماهي وجهات نظرهم تجاه المباهات في الزواج وغلاء المهور والشروط التعجيزية والمجحفه في حق العريس

يا محتري السيل بعض الناس مجنونة

همه رضا الناس وهمة نظرة عيونه

ولايستمع للعرب لا جوه ينهونه


يمشي يتبختر يبي العالم يشوفونه

وبعد الزواج يجلس ويحاسب ديونه

----------------------------------------------------------------------------
((( أبركهن أقلهن مؤنة )))

مشرفنا الغالي / محتري السيل

اشكرك على الموضوع الرائع والغير مستغرب منك لانك دائماً تتحفنا بمواضيع ننجبر على متابعة قلمك الرائع

ومن وجهة نظري اني اشوف ان المعرس هو نفسه اللي يفرض على نفسه كل هالتكاليف والخرابيط اللي مالها سنع أولها الحلا اللي عقب العشاء وأخرها الشعار في تالي الليل


وأتوقع انه قليل جداًَ من اهل المعرسه هم اللي يفرضون هالاشياء


تحياتي

تسلم والله

__________________

أجمل شي في ألانسان قلب صافي يدعو لك

المدى البعيد
و
أبن غفرة
و
أبو ريان


مشاركاتكم وردودكم أعطت لموضوعي طابع مميز
وآرائكم وأقتراحاتكم ستجد الأهتمام من الجميع