حربي وأشارك قحطان

يالربع مساكم اللّه بالخير جميع ... وفرصه عظيمه انني الآن اشارك اهل الوفا والطيب

قبيلة قحطان واتشرف بوجودي بينكم ..... وهذي القصيده موجهه لشخص من قحطان ونحن ((( خواله )))

ولها مناسبتها وهو الشيخ حمد بن محمد بن محمس من الحشر اولا عاصم وله مني كل التقدير والأحترام

ولكم مني فائق وصادق الأحترام ...





[poem=font="Simplified Arabic,4,black,bold,italic" bkcolor="transparent" bkimage="backgrounds/25.gif" border="none,4,gray" type=2 line=0 align=center use=ex num="0,black"]
ابدي كلامي بذكر علاّم الأسرار=اللّي على كل المخاليق عالي

يااللّه وفقنا للأبيات الأخيار=في مدح قومٍ يعشقون المعالي

من طيبهم كل المخاليق تحتار=نعم القبيله كاسبين الطوالي

قحطان عز اللّي توطته الأقدار=ياطـيبين الساس بأول وتالي

منّي لبن محمس سلامٍ بتكرار=امير ومعرب جدود وخوالي

ترحيبةٍ ياصل عددها لمليار=لحمد بن محمد كريم السبالي

الحشر ربعله ميامينٍ احرار=اولاد عاصم ياصخاهم خيالي

حمد صليب الراس سقمٍ للأشرار=قبله ابوه الشيخ مثل الجبالي

بشقى بمدحك ياحمد ويش ماصار=من يوم جالك ياالبناخي مجالي

واخوك عبداللّه كما ضلع سنجار=رجلٍ يحب الطيّبه لا الهزالي

واوصيك ياللّي تاصلك مني اشعار=وانته بعيد الدار ولاّ الموالي

سلّم على كبار القحاطين وصغار=في نجد ولاّ في جنوب وشمالي

سلامٍ اكثر من هماليل الأمطار=وسلامٍ احلى من حليب المتالي

لقحطان عندي كل حشمه ومقدار=اهل الشجاعه والوفا والجزالي

((( وباقي القبايل مالها ايات محقار=زحولٍ لعل من سـبّهم للزوالي )))

قلته وانا من حرب حمّاية الدار=غنا عن التعريف تشرب زلالي

حرب الدول يوم الملاقا والأخطار=رجالهم مايذبح الاّ الجلالي

وبدران ربعي باالمواقيف حضّار=اولاد راجح محتمين التوالي

والقول نختمبه تهاليل واذكار=الخالق المعبود رب الجلالي[/poem]

عبداللّه بن ميزان بن راجح البدراني الحربي .

..