قصيدة محمد المهادي الحقيقية والتي تحكي عن قصته مع جارة مفرج السبيعي
بسم الله الرحمن الرحيم
يسعدني أن أورد لكم قصيدة محمد المهادي والتي تحكي عن قصته مع جارة
مفرج السبيعي والتي هي من أروع القصائد لما فيها من الوفاء المتناهي بين الصديقين
والتي تحمل معاني الفضيلة .
ولا عجب من ذلك إذ هذه القيم الأخلاقية صورة ناطقة عن أخلاقية أهل الوفاء
والكرم وهي معبره عما فطروا عليه فقد جعلوا الوفاء من طبعهم والعفو عند المقدرة
خلق أصيل في أعماقهم والامانه سجية راسخة في نفوسهم .
ولهذا أود أن أنوه هنا بأنه عند رواية التاريخ فأنه مما لاشك فيه أن هناك
نقص وقد يصلنا هذا النقص بصورة مغايرة عن الحقيقة كما نقلت لنا ولكم
قصة وقصيدة المهادي محمد وهذا يعود إلى الأسباب التالية :
أولا : هناك من جهابذة النسب والروايات والقصص من يعتمد الكذب وتلفيق
الحقائق لحاجة في نفسه ثم بتناقلها الأجيال حتى تصبح تاريخ مخالف أو مغاير.
ثانياً : الاعتماد على ما قام به الباحثين السابقين على ما بها من أخطاء وعدم
البحث والتحري من مصادر المعلومة الأساسية مما أدى ذلك لتغير في
القصص والقصائد.
وهذا السببين الذي استطعت إن أستخلصها لكم من أسباب اندثار التاريخ لأغلب الفرسان والقبائل.
أخواني القراء أليكم القصيدة الحقيقية التي لم تتأثر بعوامل نقل كُتاب النسب والروايات والقصص.
وهي قصيدة محمد بن مهمل المهادي آل مقطر آل مهدي عبيدة قحطان :-
[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يقـول المهـادي والمهـادي محمـد = به عبرةٍ كـل المـلا مـا درابهـا
يونـس بـصـدره عـلـةٍ باطنـيـة = بأقصى الضماير ما دري ويـن بابهـا
تقـد الحشـا قـد ولا تنثـر الدمـاء = ولا يدري الهلبـاج عمـا لجـاء بهـا
إن أبديتهـا بانـت لـرمـاق الـعـدا = وإن أخفيتها ضاق الحشـا بإلتهابهـا
هذي ثمان سنين وجارنا مجـرمٍ بنـا = كما واطي الجمرةٍ وهو مـا درى بهـا
وطاها بعرش الرجل لوهـي تمكنـت = بقى حرّها مـا يبـرد المـاء التهابهـا
تر جارنا الماضـي علـى كـل طلبـه = لو كان مـا يلقـا شهـودٍ غـدا بهـا
يامـا حضينـا جارنـا مـن كـرامـه = باليـل لـو نبغـي الغبـا مادرابـهـا
ويمـا عطينـا جارنـا مـن سبـيـه = اليا قادهـا قوادهـا مـا انثنـى بهـا
ونرفا خمـال الجـار لـو داس زلـه = كمـا ترفـا بيـض العـذارى ثيابهـا
وتر عندنا شات القصيـر بهـا اربـع = يحـلف بهـا عقارهـا مـا درابهـا
تنـال ياالمـهـادي ثمـانٍ كـوامـل = ترقا وتسري في بالعـلا مـنه صبهـا
ليا قـال منـا خيـر فـردٍ مكملـه = في حظرتٍ خـوف الرزايـا وفا بهـا
والاجـواد وان قاربتهـم مـا تملهـم = والانذال وان قاربتها عفـت مـا بهـا
والاجواد وان قالوا حديـثٍ وفـو بـه = والانـذال منطـوق الحكايـا كذابـهـا
والاجواد مثل العـد مـن ورده ارتـوا = والانـذال لا تسقـي ولا ينسقـا بهـا
والاجواد تجعل نيلهـا دون عرضهـا = والانـذال تجعـل نيلهـا فـي رقابهـا
والاجواد لو ضعفـوا فيهـم عراشـه = والانذال لـو سمنوا معايـاً صلابهـا
والاجواد يطرد همهـا طـول عزمهـا = والانذال تصبح وهمهـا فـي رقابهـا
والاجـواد تشبـه قـارةٍ مطلحـبـه = ليا دارها البردان يلقـا الـذرى بهـا
والاجـواد مثـل الجبـال الـذي بهـا = شـرب وظـل والـذرى والدفاء بهـا
والاجواد صندوقيـن مسـك وعنبـر = واليا فتحت ابوابهـا جـاك مـا بهـا
والاجواد مثل البدر فـي ليلـة الدجـا = والانذال ظلماً تايهٍ مـن سـرى بهـا
والاجواد مثل الدر في شمـاخ الـذرى = والانذال مثـل الشـري مـرٍ شرابهـا
والاجواد وان حايلتهـم مـا تحايلـوا = والانـذال أدناة حيلـة ثــــم جابهـا
والانذال لو غسلـوا ايديهـم تنجسـت = نجاسـةٍ قلوب مايفيد الـدواء بـهـا
يـا رب لا تجعـل بالـجـواد نكـبـه = من حيث ما ضعف الضعيف التجاء بها
وأنا أحب نفسٍ يرخص الـزاد عندهـا = ويقطعـك يـا نفـسٍ جزاهـا هبابهـا
ولعـل نفـسٍ مـا للجـواد عنـدهـا = وقـارٍ عسى ما تهتنـي في شبابـهـا
فعليـك بعيـن السيـح لا جيـت وارد = خـل الخبـاري فـإن ماهـا هبابهـا
تــراء ظبي رمان برمــان راغـب = والأرزاق بالــدنيا وهو مادراء بها
سقاها الولـي مـن مزنـةٍ عقربيـه = تنثـر غزيـر المـاء مـن سحابهـا
سقاها الحيـا جنـوب تيـنٍ وجنبـت = أسفل وديان الجزع شرقـي هضابهـا
نسف الغثا من سيلها لمـا أصبحـت = يـجي الحول والماء ناقـعٍ فـي ترابـها
دارٍ لنـا مـاهـي بــدارٍ لغيـرنـا = والاجنـاب لـو حنـا بعيـدٍ تهابـهـا
ايذلـون مـن دهمـاً دغـومٍ نجرهـا = نفجاي بهـا غـرات مـن لا درى بهـا
وترى الدار كالعذرى ليا عاف ما بهـا = حرٍ غيورٍ وكل من جـا ء زنـا بهـا
فيا ما وطتن سمحات الايدي من القضاء = تضد عنــها ما غدا ف من هضابهـا
تهــامية الرجلين نجدية الحشـــاء = عذابـــي من الخـلان وانا عذابها
اريتك اليا مسنا الجوع والضمى = واحتر من الجدوزاء علينا التهابها
وحمى علينا الرمل واستوقد الحصى = وحمى على روس المبادي اهضابها
وطلنا عذارء من ورانا يشارفن = عماهيج مطوي العباي ثيابها
سقاني بكاس الحب در منهله = عفندلن من البيض العذراء طنابها
لها بياض عيون الماء منازل = عذب زلال الماء قراح شرابها
غرنا على البراق في جال تيماء = واخذنا عليه ابل اطوال ارقابها
طوينا سقاء الهلباج عن شمخ الذرى = جيناه مع داويةٍ ما درابها
قطعنا بهم الحبل القصير وبيننا = صفون كما افواه القوالي ارقابها
لحقوا مغاوير على كور حزب = على رمك كن الظلام انكسابها
قلت لهم لا بلهم جاذب الحياء = ولا جاذبوا بيض الترايب اثيابها
ومن الركاء لا نسنس القيض والظماء = وأحمـرت الجوزاءعلينـا التهابـهـا
لهـا فـي شعيب المصـامـة مـنـازل = دارٍ براد المـاء عـذابٍ شـرابهـا
وان سـرت يـا سعيـد بـن راشـد = خـذ حـرةٍ نسـل العمانـي ضرابهـا
سرها وتـر فـي مـن سبيـعٍ قبيلـه = كرمي اللحاء طوعان الايـدي لبابهـا
فـلا بـد مـا نرمـي سبيـعٍ بغـاره = بجـرد الايـادي والذويـرع زهابهـا
فـي دم زبـن الجـاذيـات مهـمّـل = ليـا عزبـوا دون المصابيـح جابهـا
عليهـا مـن أولاد المهـادي غلمـه = ليا طعنـوا مـا ثمنـوا فـي عقابهـا
يمنونها عصمان الايدي مـن القضـاء = محا الله دنياً ما خذينـا القضـاء بهـا
والي عجوزٍ من سبيـع آل عامـر = مـا علمـت شبانهـا فـي شبابـهـا
واظـن دارٍ شــد عنـهـا مـفـرج = حقيـق يـا دار الخنـا فـي خرابهـا
وأظـن دارٍ حــل فيـهـا مـفـرج = أظـن ينـبـت زعـفـرانٍ ترابـهـا
فتى يبيـد المـال لـو هـو وداعـه = ولا يملـك الدنيـا جميـعٍ صخابـهـا
فتى يذبح من الكـوم سـدس وحايـل= ولا قيل يكفـي زادهـا مـن طيابهـا
وصلـوا علـى سيـد البرايـا محمـد = إعداد ما لعب القمري بعالي هضابهـا
[/poem]
وسلامة الحميع
__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]
[/frame]
التعديل الأخير تم بواسطة سعيد بن مسعود آل مهدي ; 26-09-2007 الساعة 02:48 AM
07-09-2007, 07:37 PM
تعليمات المشاركة
المواضيع المتشابهه
العرض العادي
